Пишав и порано, клучот е во усогласување на историјата. Се останато е купување на време дека нештата се движат напред - да речат Бугарите пред ЕУ дека има тука таму некаков напредот, и ако се кандисаат нашиве да ја променат историјата да си имаат „параван“ за да ја дефокусираат јавноста додека се решаваат тие историски прашања.
Песимист сум дека ќе се усогласи историјата, бидејќи (како што пишав и порано) ќе се зададе смртоносен удар на Македонизмот, но од друга страна и онака државата се распаѓа на економски план, и како што напишав порано Македонија ќе прифати да ја промени историјата откога ќе ги исцрпи сите останати алтернативи.
За тоа како мислат Македонците (конкретно Скопјани), ќе ви кажам еден муабет: додека бев на обука во Семос Едукација (пред 5-6 години), надвор персоналот говореше муабети што би се случило ако Македонија влезе во ЕУ - по конкретно за ИТ секторот - дека ќе требало да ги качуваат платите на програмерите и дека многу од нив би си заминале од Македонија.
Можам со сигурност да ви кажам дека така размислуваат и газдите на претпријатијата (не само во ИТ секторот) и затоа има голем отпор по-општо за влегување во ЕУ а да не говориме за решавање на спорот со Бугарија.
Од Бугарската страна, и таму не е китка за мирисање ако човек ги следи емисиите (на пример историско-популарно емисија на еден ќелав од екипата на Слави - затекнав како говори за „јуриш-во-блицкриг-стил“ за време на прва светска војна кон кралство СХС), и општо и таму се „гае“ Бугарштината по всевозможните телевизиски канали, коешто немаше како да не доведе до овој спор (со настрвување на мислењето на населението кон „вишите цели“), и што може да се потврди со листање на коментарите на некој бугарски новиски сајт кадешто се коментира некое Македонско прашање (dnes.bg, dnevnik.bg, ...)
Што се однесува до историјата, Македонската историја би претрпила по-големи промени при решавање на овој спор. Зошто војводите дремеле по Софиските кафани, и зошто пред доаѓањето на Српската, Грчката, Бугарската и Романската пропаганда овде (во Турска Македонија) никој не знаел од која националност е (освен дека се христијани - различни од турците) се прашања за историската комисија.
Што се однесува до тоа кој од Бугарите, Србите или Грците имал по-големо право за територијата на Турска Македонија (и нејзиното население), тоа прашање наместо на научна основа се решавање на воена. Ако ја гледаме научната основа, изложив неколку извадоци од претежно не-македонски/бугарски/српски историчари (колку да не се од Македонија или соседните земји) и таму за Бугарските барања Македонија да биде дел од Бугарија на основа на сличноста на јазикот и религијата во еден од нив се спомна дека овие барање не се неразумни - се разбира за тогашните временски околности.
Прашањето за тоа какви биле војводите, се работи за временскиот период во којшто Бугарската пропагадна (над Словенското население во Турска Македонија) е во својот зенит, и ако се гледа објективно поголемиот дел од нив имаат Бугарска национална свест (со некои исклучоци и предомислувања).
За прашањето за втората светска војна, се работи за нешто коешто е граѓанска војна (на Бугарска - Македонска - Српска линија) и во исто време идеолошка војна (на Комунизам и Фашизам). Интересен факт е дека за време на кралството СХС (подоцна кралство Југославија) во нивните пописи на население не фигурира поимот „Македонци“ туку Срби (на територијата на Вардарска Македонија/Бановина), и овде има за расчистување (или рехабилитација) членови на партизанското движење коишто се ликвидирани заради „Бугарштина“ и „Сталинизам“. Односно Иван Михајлов и сите соработници со фашистите/окупаторите/ослободителите (зависи кого прашуваш таков одговор ќе добиеш), да не се правиме дека не потекнуваат од Вардарската Бановина и дека паднале од небо (или дека не постојат).
Односно Бугарско малцинство во Македонија, главната цел Бугарија е да се признае малцинството, но само со решена историја (т.е. дека современите Македонци потекнуваат токму от тие староседелци со Бугарска национална свест).
Односно ОМО Илинден Пирин, се бара признавање на партија, не на националност, додека во исто време постои во Бугарија „Движението за Права и Свободи“ коешто ако не е на национална (Турска или Бугари муслимани) основа незнам на каква е. Овде да споменам дека имаше и промена на имињата на овие луѓе во Бугарија и нивна „емиграција“ во Турција (на „доброволна основа“ -
https://en.wikipedia.org/wiki/Bulgarian_Turks#The_"Big_Excursion"). Е сега што ОМО Илинден Пирин на долг рок е фиксиран врз целта „Пиринска Македонија“ е мал проблем, но од друга страна Бугарија е фиксирана на цела Вардарска Македонија комплет со „современите Македонци“ посредством Де-Македонизација.
Овој спор во никој случај нема да се реши без капитулација на Македонија и Македонизмот бидејќи во прашање се Бугарските државни национални интереси, а и ситуацијата во Македонија (на економски и Албански план) не дозволува застанување на патот кон Евро-Фондовите и (за Албанците) гео-стратешките интереси на подолг рок (од да речеме 5 години). Што се однесува на економскиот план, тој само ќе се влошува (со помош на населението на Македонија и неговата економска, социјална, групна, бизнис, геостратешка, менталитетна,... неписменост). Додека во Бугарија и покрај влошување на економската состојба (имаше статија дека минатата година цел економски раст бил на основа на инфлација - т.е. на пораст на цените) сепак кога ќе се види бруто домашниот производ (или неговата куповна моќ) на човек на година е поголем од оној на Србинот. За понатаму ќе видиме, но сепак сега се работи за енергетска криза (предизвикана од „зелената политика“), кризата со корона вирусот (со затварања, помала потрошувачка и сл...), и можеби ќе се влоши уште малку, но на долг рок самото членство и достап до пазарот на ЕУ (и заминувањето на Бугарите на работа во ЕУ, доаѓањето на ЕУ инвестиции (фирми) и ЕУ фондови) се оцртува приближување на Бугарскиот стандард до оној на ЕУ (од тоа колку брзо зависи од самите Бугари и од тоа колку ќе ги влечат за ушите на економски план ЕУ).
Додека за Македонската економија (и политичка економија), кој го има прочитано Адам Смит (и неговата книга (со скратено име) „Богатството на Нациите“) и без да ја разбере воопшто таа книга, ќе уочи реченици и пасуси за тоа како се прави економија(и политичка економија) и како кај нас во Македонија се е спротивно од она што е напишано во оваа книга. По-скоро денешнава Македонска Економија е некоја чудна мешавина на Капитализам и Социјализам (капитализам за приватниот сектор, социјализам за државниот сектор) со никаква координација помеѓу овие два и со никакви како што вели Адам Смит [...capital and the skill, dexterity and judgement with which this capital is employed; the proportion between productive and unproductive labour; that the division of labour is constrained upon the extent of the market; (и ова за горниот муабет од Семос Едукација) We rarely hear, it has been said, of the combinations of masters, though frequently of those of the workman. But whoever imagines, upon this account, that masters rarely combine, is as ignorant of the world as of the subject].
