Нови дела од македонски автори

[naumdb]

Промовирана и трета книга од Коста Петров...
https://www.kniga.mk/index.php/news...ga-na-kosta-petrov-nasheto-posledno-kafe.html
Книгиве му се просечни, накај потпросечни, но гладен сум за вакви книги од наши автори и (за жал) повторно ќе купам негова книга, кога веќе нема подобро.

 

[Aromatix]

Промовирана и трета книга од Коста Петров...
https://www.kniga.mk/index.php/news...ga-na-kosta-petrov-nasheto-posledno-kafe.html
Книгиве му се просечни, накај потпросечни, но гладен сум за вакви книги од наши автори и (за жал) повторно ќе купам негова книга, кога веќе нема подобро.

http://www.kupikniga.mk/BookDetails.aspx?Pr=32709

 

[@cool@]

Сага за несреќната љубовница Македонија

"Љубовница" е насловот на романот на Ката Мисиркова - Руменова,
"Љубовница" е поврзан за Македонија и македонштината, но на поинаков, метафоричен начин. Романот е интимна приказна за една Македонка, која судбината ја носи меѓу туѓинци и којашто се труди да си ги зачува животот и достоинството, притоа станувајќи љубовница на многу луѓе. Од тројцата синови што ги раѓа, двајца и земаат, а и останува само едно дете што ќе го крсти Јанидокем, име што упатува на Македонија.

Насловот "Љубовница" е метафора, како што е метафора и целиот роман. Според писателката, тоа што му се случува на главниот женски лик во романот и се случува и на нашата земја која кокетира со сите, а на крајот во загуба е самата таа.
Во романот има еротски сцени и пасуси набиени со сензуалност.

 

[СкСвр]

Расказите на Виолета Танчева-Златева би требало да се интересни, главно е позната како поетеса, а ова се собирани раскази што ги пишувала уште од раната младост.


И оваа книга раскази ми изгледа интересна, откако ќе ја прочитам, ќе кажам мислење.



Агрон Усеини пишува научна фантастика. Овириум (помеѓу светови) е продолжение на Овириум (отаде смртта), објавена 2021 г.

 

[123FON]

Денес го завршив романот „Синовите на Адам“ од Михајло Свидерски. Ивонреден роман за детската проституција во Скопје. Деца се искористуваат во елитни места за забава. Приказната е тажна, раскажува дете, потресно и моќно. Дејството не остава да се испушти книгата од раце.
Сега ќе ја читам следната негова книга, Последниот Ханс, ја има у Браќа Миладиновци сте ја читале?

 

[Zlatikevichius]

Сега ќе ја читам следната негова книга, Последниот Ханс, ја има у Браќа Миладиновци сте ја читале?

„Последните денови на Ханс“* е романот. Издание на Или Или од 2019. Беше финалист за Роман на годината на Фондација „Славко Јаневски“. Таа година наградата ја освои „Песот со тажен поглед“ од Оливера Николова. Инаку, не, ја немам читано „Последните денови на Ханс“. Прочитај ја, па кажи ни дали вреди, па би ја ѕирнале, зошто да не.

 

[<<Goku>>]

Кој го уби Едгар Алан По - Владо Јаневски
( издание на Или-Или )

Се работи за роман лавиринт во кој се испреплетени минатото и сегашноста во мистериозна атмосфера како излезена од досега необјавен ракопис на Кафка. Главниот јунак, писателот Феликс Рејнолдс барајќи го својот изгубен брат открива делови од неговиот трауматичен и необичен живот. Феликс чувствува потреба да сподели дел од она што го измачува и бара помош од психијатарот Груми Блум. Нивните разговори се одвиваат во замок кој доминира над градот каде што живее Феликс и се чини дека со замокот и со нивната земја владеат мистериозни луѓе во црно, познати како „кафкависти“.