Не си го видела?

[Aurora~Borealis]

Жал ми е кога ќе видам дека голем број релативно млади личности размислуваат така како тебе, дека 'верата во Господ не е за млади и е небитна ствар'..

Добро, или веруваш, или не веруваш.
Нема топла вода да откриваме на форум.
Веруваш, тогаш си теист.
Не веруваш, тогаш си атеист.

Се случило некогаш на форум некој да му го промени драстично мислењето на некој друг хардкор верник/неверник, или на онлајн другарчињата да им врши пропаганда ко да е Гебелс и они слепо да му веруваат? Станал некој досега нешто што не бил затоа што прочитал некаков пост на форум?

И те молам, кажи ми кај реков јас дека вербата во Господ е небитна и (особено) кај реков дека не е за млади. Очигледно не ме сфати.

 

[Господ]

И те молам, кажи ми кај реков јас дека вербата во Господ е небитна и (особено) кај реков дека не е за млади. Очигледно не ме сфати.

Битно е да се искорени и не ни за стари ни за млади ни за болни ни за здрави.(посебно не е за болни пошо резултира со ова)

 

[Чорбаџија]

Веруваш, тогаш си теист.
Не веруваш, тогаш си атеист.

Јас обично вака формулирам:
Ако веруваш дека Бог постои, тогаш си теист.
Ако веруваш дека Бог не постои, тогаш си атеист.
И во двата случаи тргнуваш од иста почетна основа - вера.

Никој од нас не видел црна дупка (небесно тело), па сепак речиси сите веруваме дека постојат.
Никој од нас не видел електрон, па сепак веруваме дека постојат.
Никој од нас не го видел ни познатиот Сократ, па сепак веруваме дека постоел.
Итн. Видот е навистина ограничетно сетило и ни малку доволен критериум за да можеме да тврдиме на основа „виденото“ дека нешто постои, или не постои.

Ако шетајќи во некоја шума наидеме на некоја уредена викендичка, никој здраворазумен човек нема да заклучи дека таа куќичка се самосоздала со самоорганизирање на песокот, водата, дрвата и воздухот од околината со помош на слепите сили на природата.
Ако шетајќи се во пустина најдеме часовник (Касио), никој од нас нема да го заклучи истото, туку секој здраворазумен човек ќе заклучи дека некој Часовничар го создал часовникот без разлика што сега ние не го гледаме тој часовничар.
Трагите на Создателот се насекаде околу нас. Се што треба е да се ослободиме од предрасудите и да размислиме подлабоко.

 

[Supreme06]

 

[Чорбаџија]

Чарлс Дарвин - измислител на теоријата на еволуцијата.

“The mystery of the beginning of all things is insoluble by us; and I for one must be content to remain an Agnostic.” (Autobiography)

“In my most extreme fluctuations I have never been an atheist in the sense of denying the existence of a God.” (Letter to John Fordyce, May 7 1879)


Алберт Ајнштајн - Генијален научник, физичар, филозоф, основоположник на теоријата на релативитетот.

"Сакам да знам како Господ го создал универзумот. Сакам да ги знам Неговите мисли; се друго се детали."
"Мојата вера се состои од понизно восхитување на еден неограничен и супериорен ум кој се открива себеси во ситните работи кои ние можеме да ги набљудуваме со нашите ограничени и слаби умови. Ова длабоко и емотивно убедување за постоењето на една сила со разум, која се открива во несфатливата вселена, го сочинува мојот поим за Бог."

"Секој што сериозно сака да се занимава со научни истражувања, може да се увери дека во законите на вселената доаѓа до израз еден дух, многу посупериорен од човечкиот, дух пред кого нашата скромна сила мора да се чувствува понизно."


Исак Њутн – Генијален научник. Основоположник на класичната Њутнова механика. Познат е по трите Њутнови закони. Малкумина знаат дека Њутн има напишано повеќе христијански дела, отколку научни.

„Сите мои откритија беа резултат на молитва."
„Имам темелна вера во Библијата, која ја сметам за Божја реч, напишана од луѓе што биле боговдахновени. Библијата ја проучувам секојдневно."
„Атеизмот е бесмислен. Набљудувајќи го Сончевиот систем, гледам дека Земјата е поставена на оптимална оддалеченост од Сонцето, за да добива соодветна количина топлина и светлина. Ова не се случило случајно!"


Јохан Кеплер – Основоположник на современата астрономија; ги открил законите за планетарните движења , познати како прв, втор и трет Кеплеров закон.

"Сакав да станам теолог, но сега гледам дека преку моите трудови Бог се прославува и во астрономијата, зашто ...небесата ја искажуваат Божјата слава, небото ги објавува Неговите дела" (овде Кеплер го цитира библискиот Псалм 19, стих 1.)
"Јас верувам единствено и исклучиво во службата на Исус Христос... Во него е секое прибежиште, секоја утеха."
"Бог е љубезен Создател, Кој од ништо ја создал целата природа."


Роберт Бојл - Пионер на модерната хемија, физика, метерологија, а своевремено и претседател наздружението за дистрибуција на Светото Писмо.

„Запознавајќи ги Неговите дела, ќе Го запознаеме Него ( Господ )."
„Верувам во Христовата смрт, воскресение и вознесение, како и во сите Негови чудесни дела што ги извршил додека бил на Земјата, за да го увери човештвото дека Тој е и Бог и човек."


Мајкл Фарадеј - Хемичар, но и пионер во истражувањата на електрицитетот, конструктор на електричниот мотор, на генераторот, трансформаторот, волтметарот,електролизерот и др. Величината ,,фарад" за електричен капацитет е такаименувана според неговото име.

„Немам никакви претпоставки! Јас се потпирам само врз сигурни работи, па ви велам : "Јас знам во Кого верувам и убеден сум дека Тој ќе ми го запази она што сум Му го доверил. " (Ова е цитат од Библијата, 2. Тимотеј 1:12 ).
„Најпрво, Му благодарам на Бог за сите Негови дарови."


Луј Пастер - Ветеран областите на бактериологијата, пастеризацијата, вакцинацијата иимунизацијата. Го формулирал и законот за биогенеза. (Живот настанува само од живот).

,,Колку што повеќе ја проучувам природата, толку повеќе Му се восхитувам на делото на Создателот."
,,Науката ги доближува луѓето до Бог."


Вилијам Томсон (ткн. Лорд Келвин) - Еминентен физичар, заслужен за термодинамичките закони, за скалата на келвинови степени и апсолутната нула. Имал 70 пронајдоци.

„Околу нас има изобилство од докази дека се е создадено интелигентно и со дизајн... атеизмот е толку бесмислена идеја што немам зборови да го искажам тоа!"
„Во врска со потеклото на животот, науката... цврсто потврдува дека зад тоа стои сила на Творец."


Сер Амброз Флеминг – Популарен професор на Лондонскиот колеџ. Пронаоѓач на вакуум диодите.

„Има изобилство од докази дека Библијата, иако ја пишувале луѓе, не е производ на човековиот ум. Безброј луѓе во сите времиња ја почитувале Библијата како комуникација на Создателот на вселената со нас.“


Вернер фон Браун -конструкторот на ракетата Сатурн 5, која ги однесекосмoнаутите на Месечината.

„Има луѓе што тврдат дека вселената еволуирала преку случајни процеси; но какви случајни процеси можат да произведат човечки мозок или човечко око!?"
„Не можам да ги разберам научниците коишто не признаваат дека зад постанокот на вселената стои еден супериорен ум."
„Вселенските летови со луѓе се чудесно достигнување, но досега отвориле само едно мало прозорче, за да ѕирнеме во зачудувачките димензии на просторот. Овој поглед... треба само да ни ја зацврсти верата во недвосмисленото постоење на Творецот .“

 

[Aurora~Borealis]

Јас обично вака формулирам:
Ако веруваш дека Бог постои, тогаш си теист.
Ако веруваш дека Бог не постои, тогаш си атеист.
И во двата случаи тргнуваш од иста почетна основа - вера.

Никој од нас не видел црна дупка (небесно тело), па сепак речиси сите веруваме дека постојат.
Никој од нас не видел електрон, па сепак веруваме дека постојат.
Никој од нас не го видел ни познатиот Сократ, па сепак веруваме дека постоел.
Итн. Видот е навистина ограничетно сетило и ни малку доволен критериум за да можеме да тврдиме на основа „виденото“ дека нешто постои, или не постои.

Ако шетајќи во некоја шума наидеме на некоја уредена викендичка, никој здраворазумен човек нема да заклучи дека таа куќичка се самосоздала со самоорганизирање на песокот, водата, дрвата и воздухот од околината со помош на слепите сили на природата.
Ако шетајќи се во пустина најдеме часовник (Касио), никој од нас нема да го заклучи истото, туку секој здраворазумен човек ќе заклучи дека некој Часовничар го создал часовникот без разлика што сега ние не го гледаме тој часовничар.
Трагите на Создателот се насекаде околу нас. Се што треба е да се ослободиме од предрасудите и да размислиме подлабоко.

Се е тоа во ред но,



























јас не верувам.

 

[MedejaMK]

Ona po koe lugeto od sekogas tragale e prasanjeto za smislata na zivotot, i za toa kako nastanal kosmosot.Dolgo vreme poradi toa sto naukata ne mozela da dade odgovor na mnogu prasanja se mu se prepisuvalio na Bog. Primitivniot covek imal stravovi od smrt, od glad, od bolest, ne znaeki kako da se spravi so seto toa toj izmisluval nekoi sustestva koi najcesto imaat lik na covek i koi mislat deka imaat resavacko dejstvo vrz ona od sto se plasi. Togas tie im prinesuvaat zrtvi, vrsat obredi , se molat. Da ova bilo kaj primitivniot covek. Denes naukata ni dava odgovor na mnogu prasanja, kako nastanal kosmosot, deka se sto se slucilo so "Golemata eksplozija" dovelo svetot da se razvie vaka i nikako poinaku.Vo red e se ona sto go kazuva naukata, i jas kako biohemicar veruvam vo evolucijata na Darvin, no ima nesto sto sepak za moment me ottrgnuva od toa naucno razmisluvanje. Razmisluvajki za site zakoni koi postojat vo prirodata, site tie se tolku isprepleteni, site zavisat eden od drug, se e taka simetricno, kako da e napraveno spored nekoj "PLAN". Toklmu ova "PLAN" im dava na teolozite argumenti za postoenje na Bog, a iskreno i mene. Prirodnite zakoni takvi kakvi sto se dovele do postoenje na kosmosot, svetot pa i nie samite, dokolku nekoi od prirodnite zakoni ne bi bile takvi ili bi se promenile, svetot drasticno bi se promenil ili bi se unistil. I samite nie, naseto postoenje e vpisano vo prirodnite zakoni. Nie ocigledno sme del od nekoj golem plan. Znaci ako se okolu nas pa i nie sme del od nekoj golem plan se postavuva prasanjeto koj e "Planerot". Tokmu tuka se napustaat granicite na naukata i se preminuva kon teologijata. Samo vistinskite naucnici se vistinski religiozni. :raz:

 

[ateist]

А во чие име е сторено сето тоа?
Зарем не е во името на Бог?

Терористи се разнесуваат во име на БОГ!
Крстоносци колат муслимани во име на БОГ!
Инквизитори мачат и убиваат луѓе под разлог дека се вештери во име на БОГ!

Божјата рака е крвава!

Светата опсесија на фирерот
За да го заштити од Хитлер кој бил опседнат со Торинското платно, Ватикан за време на Втората светска војна морал тајно да го сокрие светиот реликт.

Според отец Андреа Кардин, нацистичкиот диктатор сакал да го украде платното во кое се верува дека било завиткано телото на Исус во гробот и во 1939-та тоа било преместено во светилиште во Авелино, Италија а во 1946-та Торинското платно било префрлено во Торино.

“Светото платно беше преместено во регионот на Кампанија по прецизна наредба на Ватикан. Официјално беше изјавено дека тоа се прави за да се заштити при евентуално бомбардирање на Торино, но всушност беше префрлено заради окупираноста на Хитлер со него. Кога ја посети Италија во 1938-та, своите нацистички соработници упорно ги прашувал за платното,“ изјавил отецот.

Тој појаснил дека кога германските војници ја пребарале катедралата каде што било скриено платното, свештениците се преправале дека се задлабочени во молитва пред олтарот, зад кој се наоѓал реликтот, па така не го нашле.

Платното во Торино било вратено 1946-та, по наредба на последниот италијански крал, Умберто II, кога се уште било заедничка сопственост на Ватикан и на кралското семејство. Но, по укинувањето на монархијата, сопственоста на Ториснкото платно прешла во рацете на Светата столица.

.
.
.


итн

http://on.net.mk/default-MK.asp?ItemID=BE14F477B2F60446A4D0839323D886C1

 

[Redneck Rebel]

...........

Чорбаџија, прекршуваш неколку божји заповеди + една моја...не биди глуп преварант.

 

[GoD.HateUSaLL]

...

Шо, сега и Ајнштајн е верник?

Никој од нас не видел црна дупка (небесно тело), па сепак речиси сите веруваме дека постојат.
Никој од нас не видел електрон, па сепак веруваме дека постојат.
Никој од нас не го видел ни познатиот Сократ, па сепак веруваме дека постоел.
Итн. Видот е навистина ограничетно сетило и ни малку доволен критериум за да можеме да тврдиме на основа „виденото“ дека нешто постои, или не постои.

Сум приметил еден куп верници, а ја приметив и Мими, што, ме зачуди, а богами и изненади негативно, искрено, се фаќате ко слеп за стап за тоа "не сум го видел" па упорни сте и настојувате да давате примери за нешто што не се гледа со голо око а постојат повеќе од цврсти материјални и експериментални докази за постоење на истото.

Сеа треба да ти се објаснувам зошто верувам во Електрон а неможам да го видам?
Или примерот на Мими за воздухот?
Ил црни дупки?
Дај бре дајте саглам пример, аман!

 

[uknowuloveme]

И те молам, кажи ми кај реков јас дека вербата во Господ е небитна и (особено) кај реков дека не е за млади. Очигледно не ме сфати.

озбилно прашуваш? ама баш тука ->

Во сите три случаи станува збор за преголемо замарање со небитни ствари. Особено кога станува збор за релативно млада личност.

и тоа баш со тие зборови. што имам ја да измислувам што си рекла..

 

[Чорбаџија]

Сеа треба да ти се објаснувам зошто верувам во Електрон а неможам да го видам?

Ил црни дупки?

Да, те молам објасни зошто веруваш дека постојат електрони и црни дупки, а никогаш не си ги видел?

 

[Aurora~Borealis]

озбилно прашуваш? ама баш тука ->

и тоа баш со тие зборови. што имам ја да измислувам што си рекла..

Ај, затоа што очигледно не ме сфаќаш, ќе ти објаснам поопширно и со попрости зборови...

Да тргнам од тоа дека ми ги испревртуваш зборовите. Реков, се работи за млада индивидуална личност која се замара со религија. Значи, ИНДИВИДУАЛНА. Поединец. Не беше генерализирано.

Потоа, во ред е да се изјасни некој дали верува или не верува, да има аргументи зошто верува или зошто не верува, и да стои врз својот став. И да го каже тоа еднаш, два пати, три пати, да учествува во дискусија на некакво ниво и да го почитува соговорникот.

Но...

Откако сум на форумов, во религија голем број од постовите што ги забележав се негови. Немам право да кажам дека се меша во секоја дискусија, и пишува ГЛУПОСТИ но така е. Што прави членот? Се вмешува непотребно во дискусија БЕЗ АРГУМЕНТИ, проповеда атеизам и реплицира на сите постови. Истото и на него му го кажав. Се бламира!

Можеби не би требало да пресудувам на овој начин, но на 17-18-19 години, целодневното седење во подфорумот Религија и тресење глупости, ширење омраза и индиректно навредување на оние со чии ставови не се согласува, на таа возраст, е претеризам. И јас имам атеистички ставови, па си го кажувам мислењето без толку да се внесувам. Тоа што го прави, не само тој, туку и други членови, тоа е премногу.

Тоа е Атеистички Фанатик.

 

[GoD.HateUSaLL]

Да, те молам објасни зошто веруваш дека постојат електрони и црни дупки, а никогаш не си ги видел?

Електрони сум осетил.
Ради движење на електричен полнеж моментално ние го праиме муабетов на Форум, а не во живо.
Ради електрони ти имаш електрични уреди дома. Ради електрони носиш позлатени ланчиња, ради електрони се сереш у гаќи коа грми, ради електрони те пецка коа ќе поминеш со рака врз телевизор што работи.
Електрони, откриени уше од иљадаосумстоседумдесдевета, до сега миљон пати научно докажани низ низа експерименти на кој ти се потпира целата егзистенција.
Електронот има Маса.
Електронот има Енергија.
Електорнот има Брзина на движење.

Дали тоа што, како Еден електрон, како квант, неможам да го видам, треба да ме натера да верувам дека не постои?


Црни дупки, не сум видел?
Мислиш, не сум видел face to face или?

 

[Чорбаџија]

Електрони сум осетил.

Од каде знаеш дека тоа што си го осетил биле електрони? Ги виде?

Ради движење на електричен полнеж моментално ние го праиме муабетов на Форум, а не во живо.

Уффф тек па електричен полнеж ако те прашам дали си видел, дури тогаш ќе стане густо
Па и теистот може да рече дека ради Бог ние сме живи и комуницираме, во спротивно не би ни постоеле, а камо да комуницираме.

Ради електрони ти имаш електрични уреди дома.

Од каде знаеш? Ги виде електроните?
Па и теистот може да рече дека ради Бог имаме сонце на планетава, дека ради Бог имаме крави кои ни даваат млеко од кое потоа правиме сладолед и сл.

ради електрони те пецка коа ќе поминеш со рака врз телевизор што работи.

Еххх ради електрони, од кај знаеш дека е тоа ради електрони? Си ги видел? Можеби е ради некои мини бомбони кои не можат да се видат со оптичките инструменти

Електрони, откриени уше од иљадаосумстоседумдесдевета, до сега миљон пати научно докажани низ низа експерименти на кој ти се потпира целата егзистенција.

Таа година си играле со катодни цевки и проуцирале одредено зрачење чија насока била менувана со помош на магнетно поле. Но никакви електрони не биле видени, туку само претпоставиле дека веројатно постојат некои мали честици (кои подоцна ќе станат и бранови) кои се негативно наелектризирани и затоа така се однесуваат со магнетното поле и продуцираат зрачење во судир со ретките гасови. Значи тие претпоставиле врз база на ефектите т.е. врз база ма мерливите последици на претпоставените невидливи електрони.

На сличен начин и научниците-теисти го откриваат невидливиот Бог набљудувајќи ги последиците на Неговата творечка рака: Целокупното создание, разноликиот живот, дизајнот и законитостите што постојат во природата и ред други работи во микро и макро светот кои гласно сведочат дека е невозможно да настанале со случајно, безпричинско и слепо самоорганизирање на ништото.

Електронот има Маса.
Електронот има Енергија.
Електорнот има Брзина на движење.

Сите овие вредности се добиени од Боровата теорија (модел) на атомот, каде од досегашното искуство е претпоставено дека електроните се вртат околу атомот по одредени орбитали слично како што се движат и планетите околу Сонцето (само што тука наместо гравитационата привлечна сила имаме доминантна електрична сила). Понатаму равенките се изведени за да ги задоволат тековните експерименти, но не нужно и вистината. На овој начин работат природните науки. Научните теории се прифатливи се додека ги задоволуваат експериментите. Научните теории се вистините се додека не бидат побиени и заменети со нови. Ниедна теорија не се претендира како апсолутна вистина, ниту пак тоа и е намената.

Верувале или не и науката се базира на одредени елементарни теории кои се прифаќаат со вера. И кралицата на науките (математиката) се базира на одредени аксиоми кои по дефиниција не можат да се докажат и единствено се прифаќаат со ВЕРА.

Дали тоа што, како Еден електрон, како квант, неможам да го видам, треба да ме натера да верувам дека не постои?

Одлично прашање. Истото важи и за Создателот.

Црни дупки, не сум видел?
Мислиш, не сум видел face to face или?

Било како, face to face, на слика, на телевизија и сл. црните дупки не можат да се видат затоа што теоретски за да видиш нешто потребно е тоа нешто да зрачи или рефлектира светлина. Но црните дупки не го прават ни едното ни другото. Научниците веруваат дека тие имаат толку голема маса што од нивната гравитација не може да побегне ниту светлината. Па на тој начин се апсолутно невидливи.
А зошто веруваме во нив? Затоа што со телескопите гледаме огромни објекти како се вртат околу темнина во форма на топка и ние, имајќи го предвид досегашното научно искуство т.е. имајќи ја предвид досегашна причина зошто небесните тела се вртат (имено заради присуство на друго тело кое ги привлекува со својата гравитација), ние претпоставуваме дека таму во таа темнина постои небесно тело кое ние го викаме „црна дупка“.
Но, што ако таму нема црна дупка? Што ако тие небесни тела се вртат заради некоја друга причина која нам сега не ни е позната?
Значи, да резимирам, ние не сме виделе црна дупка, туку ВЕРУВАМЕ дека таа постои согласно нашето досегашно научно искуство и она што го гледаме на небото.