Можеби малку задоцнив но еве на кратко запознавање со идните НБА играчи (ќе ги опфатам поважните 15-20 нема смисла со сите да се замараме):
Nerlens Noel - Одличен атлет, и извонреден блокер, но доста слаб за висок играч а и има повреда на предни вкрстени лигаменти. Можеби малку пониска верзија на Marcus Camby.
Ben McLemore - Одличен атлет и шутер, теоретски огромен потенцијал, но доста ниска интелигенција и не верувам дека нешто посебно ќе излезе од него
Victor Oladipo - Одличен атлет, многу трудољубив играч со неверојатна желба за надигрување, но реално има многу за учење. Многу потсеќа на Tony Allen.
Alex Len - Украинец со висок потенцијал, може да игра подеднакво добро и напад и одбрана, но понекогаш делува доста пасивен на натпреварите и има повреда на стапалото.
Anthony Bennett - Недоволно висок за крилен центар, но доста силен и со одличен офанзивен репертоар. Има тело кое е многу ризично за здебелување. Исто има повреда.
Otto Porter - Нема слаба страна но во ништо посебно не се истакнува. Често споредуван со Tayshon Prince.
Trey Burke - Одличен плејмејкер, играч на годината во NCAA. Релативно низок и не е извонреден атлет заради што има скептици. Помалку потсеќа на Chris Paul и Mike Conley.
Michael Carter-Williams - Висок плејмејкер, одличен додавач, кој може да биде добар одбранбен играч, но нема шут
CJ McCollum - бек шутер кој нема висина за бек шутер. Споредбите варираат од Jamal Crawford до Damien Lillard. Во напад сигурно ќе биде добар, но во одбрана ќе има сериозни проблеми.
Cody Zeller - Најдобар атлет од високите играчи на драфтот (чудно за белец), но има кратки раце заради што има доста скептици.
Steven Adams - Центар од нов зеланд со одлични физички предиспозиции, но скоро никакви вештини. Сигурно ќе му требаат неколку години пред да влезе во ротацијата на НБА тим.
Sergey Karasev - Одличен шутер, еден од најдобрите млади играчи во Европа, најдобар стрелец во доста силната руска лига на 19 години. Ме потсеќа по малку на Стојаковиќ и Туркоглу.
Lucas Nogueira - Центар од Бразил. Доста висок и одличен блокер, но слично како Ноел, доста слаб за центар. Игра во Шпанија.
Dennis Shroeder - Германски плејмејкер со одличен потенцијал. Го споредуваат со Рондо.
Kentavius Caldwell-Pope - Одличен шутер. Влечи споредби со Nick Young заради што премногу солираше во NCAA.
Kelly Olynyk - Одлична пост игра, но слаби физички предиспозиции. Го споредуват со Spencer Hawes.
Giannis Adetokunbo - Грк со нигериско потекло. Огромен потенцијал, но многу далеку од комплетен играч. Многу неискусен, со оглед дека има играно само во грчка втора лига.
Shabazz Muhammad - Најдобро рангираниот регрут од средно, доста слабо котира заради еден куп контроверзии со себичниот карактер, фактот што лажеше за возраста и сл.
