02.04.2008 23:48
Во Албанија одекна бомбастично информацијата за ставање вето за Македонија од страна на Грција.
Медиумите пренесуваат и реакција од албанскиот Премиер Сали Бериша, кој наводно излегол со многу остра осуда на еден ваков чекор. Премиерот Бериша рекол дека немањето покана за Македонија ќе влијае негативно за стабилноста на целиот регион.
Со исти реакции се и партиите од опозицијата и според нив поканата за Албанија нема да ја има таа вредност доколку се остави Македонија на страна.
Вето за прием на Македонија во НАТО, ова го јавија речиси сите медиуми во Атина, прекинувајќи ја својата програма, за да го чујат извештајот од Букурешт.
Проширувањето може продолжи доколку се најде решение во иднина за спорот, но засега во Атина нема информација, каков би бил завршниот документ од Букурешт.
Се очекува, велат новинарите на телевизија „Алфа“, Дора Бакојани да излезе пред новинарите и да објасни. Впрочем пред да замине во Букурешт, таа изјави дека ветото не е цел туку оружје на грчката дипломатија, кое се користи со голема внимателност кога има потреба да се заштитат грчките позиции и да се постигнат целите долгорочно.
Добро информирани новинари, дописници на тв станиците од Вашингтон, ги прогнозираат опциите, да се одложи приемот на Македонија, а во завршниот документ да стои: „Земјата ги исполнува критериумите, но поради нерешеното прашање за името, приемот се одложува“, да не стои зборот вето.
Прв тајминг како прогноза за можен прием го наведуваат министерскиот состанок на НАТО во октомври или ноември, кога би се донела одлуката или во декември кога Македонија би требало да го добие одговорот од ЕК, за можниот датум за преговори.
Грчките медиуми шпекулираат и со можноста, Македонија да биде примена во Алијансата за време на мандатот на Буш, тој да го потпише проширувањето, што би значело пред изборите во САД.
Дожд и студено. Времето во Атина се однесува исто онака како што и грчката дипломатија, последните вести воопшто не влеваат надеж дека Грција ќе попушти и под помоќните, Американците
