Вардар Осигурување ја совлада Струмица 2005 во меч од 9. коло во Космофон Супер лигата. “Вардарци“ имаа обезбедено место во разигрувањето и пред овој натпревар, но беа мотивирани да победат, поради тоа што во евентуален полуфинален или финален дуел со Струмица 2005 стартниот резултат ќе биде 0:0, што можеше да се случи само доколку Вардар Осигурување ја добиеше оваа средба.
Домашниот тим ја започна средбата многу колебливо. Хаџивасилев и Богоев немилосрдно го полнеа противничкиот кош, а се чинеше дека сите одбиени топки завршуваа во рацете на Кицулис. “Вардарци“ играа слабо, посебно во нападот, па сосема нормално резултатски ги загубија првите 3 четвртини. Но, во последниот период од играта се разигра ветеранот Перо Блажевски. Тој му помогна на својот тим да дојде за првпат во водство во 35 минута, а на крајот и своерачно им ја донесе победата на своите соиграчи. Тој ги реализираше двете слободни фрлања на 4 секунди до крајот, а потоа успеа и да им ја украде топката на Струмичани, кои го имаа последниот напад.
Блажевски несомнено беше прво име на натпреварот. Беше најефикасен играч на мечот со 19 поени (67% шут од игра), а оствари и по 2 скока и асистенции и 1 украдена топка.
Со оваа победа Вардар Осигурување останува трет на табелата, а за потврда на ова место ќе му треба победа над Фени Индустри на домашен терен во последното коло.
Струмичани, пак ја испуштија шансата да го обезбедат 1. место на табелата по регулатниот натпреварувачки дел сезонава. Тие во последното коло ќе играат со шампионот Фершпед Работнички, и само со победа ќе ја одбранат “пол позицијата.Епа ај нека ви е со среќа:pos2:
