Io Sono Interista
The original, one and only IoSono.
- Член од
- 21 декември 2007
- Мислења
- 29.047
- Поени од реакции
- 62.080
Интересно... но и ние играме добро на пријателски мечеви, во последните десет пријателски мечеви имаме 4 победи, 5 нерешени и 1 пораз (и во нерешените и во поразот бевме подобри противници). Да нагласам дека во тие мечеви изгубија Еквадор и Турција од нас, а Полска се спасуваше во последните мигови. Шпанците се силен состав, но факт е дека секогаш играме подобро со големите репрезентации, очекувам Пандев конечно да заигра како што треба, не за друго, нели сака да се продаде човекот
Пандев е само еден играч, Шпанците имаат 20. Пандев во Лацио игра со ѕверови како Зарате, Фоџа и Маури, кои го ораат теренот. Кај нас игра со Мазнов и среден ред кој не може да ја изнесе топката напред.
Не го критикувам тимот, тие сме што сме, но погрешна е претпоставката дека Пандев не дава максимум во репрезентација па затоа игра слабо. Едноставно, осамен е на теренот, а сите противници научија дека има еден играч на кој треба да се фокусираат и системот ќе ни се распадне.
За среќа, шанса доби Фиќо Ивановски кој е единствен класичен центарфор кој знае како да даде гол. Ова одамна го викав ама во репрезентација играат играчи кои не можат да го видат голот а не да го погодат. Ристиќ во една чиста шанса против Норвешка ќе се повредеше самиот себе, иако беше сам со топката. Вистинскиот центарфор знае да биде таму каде што е топката. Исто и другиот Фиќо, Деспотовски, внесе малку живост во средината. Но сеуште сме далеку од некоја креативна игра.
За Пандев да блесне во репрезентација ни требаат ѕверови по крилните позиции кои ќе се уфрлаат, ќе претставуваат опасност за противниците кои ќе мораат добро да ги чуваат и со тоа ќе се отвори простор за Пандев. Исто така, потребен ни е креативец, кој ќе знае да ги проигра напаѓачите.
Со Шпанија се знае како ќе играме. Со 9 играчи на своја половина, Пандев на средина од теренот и еден напаѓач нешто поистурен. И ќе чекаме некој момент од прекин или грешка на шпанците за да го загрозиме голот. Во принцип не ми се допаѓа кога играме така, но овојпат и нема како да играме поинаку. Отворена игра со шпанците е самоубиство од заседа...
