Les Misérables (2012)

[Io Sono Interista]

Les Miserables (2012)​

Конечно! Прва добра снимка и морав да го гледам. Знам дека кај нас не планираат да го донесат во кино, па немаше причина да чекам уште. За тие што не знаат, станува збор за филмска верзија на истоимениот мјузикл направен според истоименото дело на феноменалниот Виктор Иго. За Клетници сме гледале многу филмови, но ова е прв пат да ја видиме целосната приказна во форма на мјузикл. Секако, мјузиклoт не привлекуваат многу внимание и многумина се скептични за овој филм. Но, мене лично многу позитивно ме изненади. Не сум навикнат да следам мјузикли, на почетокот ми беше чудно, но влегов во целосната приказна како за прв пат да се сретнувам со Клетници. Во секој момент знаеш што ќе се случи, но повторно остануваш изненаден. Забораваш на пеењето и почнуваш да слушаш говор како во секој друг филм.
Рецензија... Зар ќе седне некој да го гледа филмот ако предходно ништо не знае за делото на Иго? Искрено, ама ниту еден филм досега не се фокусираше на основната идеја која со себе ја носи делото, или пак доколку е направен во правилната насока, тогаш идејата е многу бледо претставена. Конкретно овој филм, иако ја следи целосната приказна, многу слабо ја претставува идејата на Иго. Можеби и идејата на режисерот не била да се занимава со тоа кое е значењето на баналната бркотница меѓу Жан Валжан и Жават... туку да се фокусира на љубовниот, татковскиот и револуционерниот елемент од делото. Не викам дека ништо од првото не е опфатено, но за човек кој прв пат се сретнува со Клетници уште во старт би звучело банално некој да е осуден на долга робија за украден леб и вечно да биде обележан како криминалец на кој треба да му се суди повторно и повторно. Не е важно, тоа беа само некои мои очекувања.Филмот во секој случај е феноменален бидејќи нема обид за извртување на приказната и додавање на екстра елементи. што е случај со повеќето филмови направени според некое дело.
Сега малку за улогите. Хју Џекмен како Жан Валжан, номиниран за Оскар за најдобар актер за 2012 година; Расел Кроу како Жавет; преубавата Ем Хатавеј како Фантина (бев цело време во заблуда дека она ја има улогата на Козета...) која е номинирана за Оскар за најдобра женска споредна улога (и се разбира дека ќе го освои Оскарот!); Аманда Сајфрид како Козета; Еди Редмејн како Мариус (можеле некој подобар да најдат, озбилно...); Саша Барон Коен и Хелена Бонам Картер како парот Тенардие (двајцата внесоа многу ведрина во фимот) и Саманта Баркс како Епонина (девојката има далеку подобар глас од Козета).
Филмот е номиниран за оскар во вкупно 8 категории меѓу кои: Оскар за најдобар филм и Оскар за најдобра музика.
Музиката е феноменална. Многу луѓе ќе се убедат себеси да го гледаат филмот токму поради I dreamed a dream...


Штотуку почнав да ги гледам овогодинешните филмови кои се номинирани за Оскар. Сега за сега, Клетници води во категорија за најдобар филм.
...
Сега баш го приметив мотото од постерот: Fight. Dream. Hope. Love. Во четири збора е опишана целата приказна за животот на Валжан и сите „клетници“.

Во кино да одам со палома или со пешкир?

Мислам дека избрза, во малку држави надвор од US игра овој период, мислам дека 99% ќе го донесат на крајот на овој месец.

 

[Filmakedon]

Во кино да одам со палома или со пешкир?

Мислам дека избрза, во малку држави надвор од US игра овој период, мислам дека 99% ќе го донесат на крајот на овој месец.

Не ти треба пешкир, земи си палома и спреми се за крајот
Не можев да чекам. Може ќе го донесат, ама сега за сега се сомневам...

 

[Io Sono Interista]

 

[Io Sono Interista]

Еве и овде, #кампања

Les Miserables (2012)

Ете, ми помина меракот, „Клетници“ изгледани и тргнати од watchlist, барем за овој месец пошто дефинитивно ова е филм кој ќе го гледам репризно. Филмот ми ги оправда безмалку сите очекувања иако овој пат истите беа огромни, нешто што не го практикувам за да избегнам непотребно разочарување. И сега вака не знам од каде да почнам бидејќи доста зборувавме за филмот и повеќето работи сите ги знаат уште на невидено.

Да почнам од двата постери што ги одбрав, кои се ставени намерно за да појаснам дека не се работи за дирекна обработка на книгата на Виктор Иго туку на театарскиот мјузикл кој оди на Бродвеј а го имаат изгледано преку 60 милиони луѓе во незнам колку земји. Јас за жал не сум во тие луѓе но викаат дека пеењето таму е фантастично. Кога викам обработка на претставата, мислам на тоа дека се користени истите песни кои се напишани за претставата, а во филмот е додадена само една оригинална песна која служи за да ни ја долови татковската љубов на Валжан кон Козет.

Да продолжам со пеењето: луѓето откинаа! Се растурија од пеење. Едвај малку имаше текст без пеење во филмот. Но не само тоа: ова е филм во кој се пееше во живо, со што ја подигнаа границата во светот на мјузиклите, нешто што ќе биде тешко достижно за следните мјузикли. Ова им дозволи да си играат со ритамот и емоциите. т.е. да се препуштат на глумата. Исто така, луѓето задолжени за звучни ефекти направија фантастична работа, така што можете да го слушнете и дишењето на актерите заедно со пеењето. Повеќе за пеењето на видеово од 13.00 натаму:


А на истото можете да видие и за другите аспекти како сценографијата, костимографијата итн...

Одиме сега еден по еден:

Хју Џекмен е фаца. Од срце ќе навивам за него да добие Оскар за улогава. Ги гледав скоро сите негови конкуренти и во моментов листата ми е фиксно оваа:

1.Хју
2.Бредли
3.Дениел (уз поштовање)

Емотивно и беспрекорно ја долови улогата на Жан Валжан, поранешен затвореник кој одлежал 19 години затвор поради тоа што украл леб за детето на сестра му, а сега се крие од властите под туѓо име. Покрај тоа има гласиште, најмногу експериментираше со песните од сите други и внесе емоции во истите.

За Расел Кроу имав два сомнежи: првиот, критичарите го нападнаа за пеењето, вториот - тешко ми е да го замислам како негативец. Критичарите можат бурек да јадат, Расел можеби не отпеа којзнае што но далеку од тоа дека беше лош. Несреќно, на трејлерите за филмот се неговите најлоши моменти. Но во глобала ок, иако неговиот рокерски глас не е за овој тип на филм. За второто сомнежот ми беше оправдан, Расел Кроу не е добар Жаверт, не онака како што беа Џон Малкович и посебно Џефри Раш. И за тоа не е виновен Расел, едноставно сме го виделе во премногу улоги на херој, оваа улога не му легна најдобро.

Ен Хатавеј за 30-на минути растури за сите пари, си ги заработи наградите поштено и сега може да си го вежба јас-сум-изненадена говорот за Оскарите. И шегата што ја тераме на Филм и ТВ на страна, секогаш сакам кога актер кој се жртвувал за улогата е награден за трудот. Гласот и е неверојатен, искомбинирано со глумата полн погодок. Доволно зборува тоа што го кажа Еди Редмеин во едно од интервјуата ког рече: цел живо мислев дека ја знам I dreamed a dream но кога Ен ја испеа за прв пат го разбрав текстот. Ен е дефинитивната Фантин, нема римејк после ова. Case closed.

Аманда Сејфрид и Саманта Беркс - двете се слатки, добри актерки се и имаат прекрасен глас. Полн погодок.

Еди Редмеин - и пеење и емотивни сцени, браво за дечково, прв пат го гледам но ми остави силен впечаток.

Хелена Бонам Картер и Борат - не ми се вклопуваа во филмот, поточно се што беше со нив не ми се вклопуваше. Не по нивна вина, мислам дека претераа со костимографијата и тоа ги направи скоро како цртани ликови.

Том Хупер - не влезе во 5 номинирани за Оскар. Најмногу му забележуваат што премногу користеше крупен кадар, но мислам дека тоа е важно за актерот да ги долови емоциите. Всушност и на било како концерт го зумираат пејачот. Мислам дека ова е клучнит фактор поради кој отпадна. Но исто така филмот има и претерана костимографија и на моменти прилично нереална сценографија. Во акциониот дел има нејасни моменти, не се знае кој точно што прави и сцената со барикадата не е најдобро изведена. Тоа се отприлика сите мани што ги има филмот. Нешто читав дека не одел со исто темпо но мене времето и летна веднаш, со мал застој кај сцените н Борат.. Во секој случај Хупер и неговиот тим како што реков поставија нова граница во светот на мјузиклие која е од прилика слична на онаа на Сергеј Бубка во скок со стап. Така да дефинитивно може да биде задоволен од неговото дело.

Можам да напомена уште дека ова е филм со скоро ист буџет како Линколн а има актерска екипа која чини многу повеќе и ефекти кои чинат многу повеќе. Или поинаку, за истите пари направиле многу повеќе. Штета што не е во лесна филмска година, ја нема среќата на Чикаго кој е нула во споредба со ова. Истиот малер го има Хју и така на некои луѓе несреќно им бега Оскарот. Но искрено и непристрасно (пошто ич ништо немам против ДДЛ) мислам дека треба да го добие.

Како и да е, најдобро потрошена палома евер. Препорака за сите љубители на музикли, хејтери на мјузикли, фанови на Челзи итн...

 

[VLJ]

Падна солза, а?

 

[Io Sono Interista]

Со тие што не пуштиле солза на делот со Фантин не сакам да имам муабет.

There was a time when men were kind
When their voices were soft
And their words inviting
There was a time when love was blind
And the world was a song
And the song was exciting
There was a time
Then it all went wrong

I dreamed a dream in times gone by
When hope was high
And life worth living
I dreamed that love would never die
I dreamed that God would be forgiving
Then I was young and unafraid
And dreams were made and used and wasted
There was no ransom to be paid
No song unsung

No wine untasted

But the tigers come at night
With their voices soft as thunder
As they tear your hope apart
And they turn your dream to shame

He slept a summer by my side
He filled my days with endless wonder
He took my childhood in his stride
But he was gone when autumn came

And still I dream he'll come to me
That we'll live the years together
But there are dreams that cannot be
And there are storms we cannot weather
I had a dream my life would be
So different from this hell I'm living
So different now from what it seemed
Now life has killed the dream I dreamed

Ама ништо не е ни текстот ни песната додека не ја видите Ането како ја изведува. Dragonsky имаше постирано аудио ама ништо, мора да се види за да се доживее

 

[VLJ]

^ Да, тоа дефинитивно е хајлајтот на филмот, иако се ежев и на Do You Hear the People Sing. Секоја чест за режисерот што му текнало да пеат во живо.

 

[Io Sono Interista]

За мене
1. I Dreamed a Dream
2. Empty Chairs at Empty Tables
3. Do You Hear the People Sing

Втората феноменално ја изведе Еди Редмеин. Но бидејќи ова е филм и за да биде доживувањето комплет мора да се види сцената со емоциите на актерот, нема смисла да постирам аудио од тоа, туку онака за споредба на тие што го гледале филмот еве едно видео да видите како тоа звучи во театарската претстава каде пеењето е навистина нешто посебно:


Ова е извадок од концерт по повод 25 години од претставата, кој си го симнувам сега од заливот. Се разбира, ако Хупер направеше ваков филм со студиско пеење, ќе беше само уште еден обичен мјузикл. Честитки за него за храброста да експериментира, штом фановите на претставата се задоолни значи не погрешил.

 

[Scirea]

Гледам сите го фалат филмов, некои велат дека е одличен, други пак само на Ането.Ќе мора добро да се подготвам дека гледам филмот трае два ипол часа.

 

[Анноун]

Абе за филмов нема никаква најава дека ќе го даваат во кино кај нас. Нека ме поправи некој ако грешам .

 

[Io Sono Interista]

Веројатно ќе им текне пред Оскарите. Пишете им еден маил на Синеплекс, прашајте ги дали знаат зошто го отворија киното?

 

[Ilumious]

Веројатно ќе им текне пред Оскарите. Пишете им еден маил на Синеплекс, прашајте ги дали знаат зошто го отворија киното?

Јас им пишав за да ги прашам зошто не преземаат ништо во врска со случајот копуци дојдени да се смеат и пречат и ми вратија само "таква ни е културата". И за ова би ви вратиле таков ни е обичајот, последни да сме.

 

[dragonsky]

Веројатно ќе им текне пред Оскарите. Пишете им еден маил на Синеплекс, прашајте ги дали знаат зошто го отворија киното?

Најверојатно наскоро ќе го даваат исто како и Линколн. За Линколн потврдија дека ќе го даваат а ваљда кај и да е и Клетници ќе го даваат.

 

[Io Sono Interista]

Во ред, и јас мислам дека не се толкави шупци да не го дадат, ама филм е најавува со време, се прават реклами, се билда исчекување...

 

[VLJ]

Не ми се јасни. Го најавуваат Оз - Голем и моќен (хаха, насловот) два месеци однапред, а за некои други филмови само од фб може да се разбере дека ќе ги има „наскоро“. И сеа што, да чекам да им падне филмов од нигде-никаде?

Од една страна ми е криво што Клетниците не ги гледав на кино, но од друга страна пак филмот заслужува да се гледа на раат, а не некој до тебе да ти коментира дека на Ен не и` стои кратка фризура. Може звучи минорно, ама ова им е сериозен проблем кој треба да си го решат со редари или што ти знам. Ако сакам да гледам филм со коментар, ќе си симнувам спешл фичрс со коментари од режисерот и екипата, а не некоја шмизла да и` раскажува на другарката како си поминала сношти во град.