Колку е чист воздухот во РМ

[c i t r o]

реков времено да не работат фабриките, а не отпуштање работници....и далеку подобра опција е оваа отколку цел град да се затвори по дома.
И онака немаат не паметно ами никакво решение

Kaкво решение предлагаш ти?

 

[@cool@]

Kaкво решение предлагаш ти?

што има јас да предлагам, едноставно си кажав свое мислење , други нека се бават со изнаоѓање трајно решение

 

[Borg_Drone]

Со буквално никаква индустрија сме успеале да го загадиме воздухот.А ако имаме некаква индустрија тогаш и Чернобил нема да ни биде рамен.Него ме чуди од кога тоа почнаа да водат некаква грижа за загаденоста на воздухот, или пак ајде, „колку да се каже нешто“ е работава, фрли му коска на народот, залажи го дека ние сме одговорна партија и слични срања.....

 

[stipsburg]

Да им се намочам на "мерките" што ги вовеле.
Наместо да ги затворат најголемите загадувачи, да воведат ред во сообраќајниот хаос во градот, тие ни викаат да седиме дома и да се труеме. Ние како по обичај си ќутиме и не реагираме, епа стварно заслужуваме да не нема и како држава и како народ.

 

[c i t r o]

Да им се намочам на "мерките" што ги вовеле.
Наместо да ги затворат најголемите загадувачи, да воведат ред во сообраќајниот хаос во градот, тие ни викаат да седиме дома и да се труеме. Ние како по обичај си ќутиме и не реагираме, епа стварно заслужуваме да не нема и како држава и како народ.

Oвој ред во сообраќајот би се вовел само со една мерка,забрана за приватни возила во строг центар на градот,во радиус од 2 км.Јавниот превоз не е доволен да се намали загаденоста,немањето на трамвај или метро..голем проблем е.Автобускиот сам по себе не е доволен.Цементара и железара се главните индустиски загадувачи,со нив не би знаел како ќе се реши.

 

[arakenx]

цементара сеуште како погонско гориво користи отпадни гуми?

 

[Bojan Van Buuren]

Изминативе 2 недели ја лупав главава од ѕид, никако не можев да откријам од каде доаѓа загадувањево, ама сполај му на Коце шо пишал дека е од прашината и калта на гумите на камионите што излегуваат од градилишта...
Фала ти Коце што еве пропиша задолжително миење на гумите, уште сега се осеќа помало загадување

 

[Io Sono Interista]

Ние како по обичај си ќутиме и не реагираме, епа стварно заслужуваме да не нема и како држава и како народ.

Глупо е да се излегува на протест за ова, загадено е надвор.

 

[The_Red1]

И шлајмот и мрсулот ги сменија боите ради загаденоста.
Знам, гадно е, ама и воздухот е гаден.

 

[Bateman]

Може голем дел од вас нема да се сложат со ова, но според мене најголем причинител за загадувањето не се големите фабрики, туку самите граѓани на градовите во Р.М. Мое Кавадарци исто е во врвот на градовите по загаденост според мерењата, иако несомнено и ФЕНИ има некој удел во тоа, проблемот сепак е во нешто друго, со оглед дека Кавадарци нема толку многу идустрија ниту пак концентрација на население, но има еден друг проблем.

Проблемот очито е поизразен во периодот на доцна есен и зима, а зошто. Греењето на дрва е најголемиот проблем во загадувањето, оти сме заостаната држава, си ги согиливме шумите и уништивме градовите во нечистотија заради тоа. Но не ги обвинувам луѓето, кај нас гасификацијата е тек на зачеток, имаме монопол на производство и продажба на ел.енергија, па нормално е луѓето да се определуваат за најефтината, и за жал најнееколошка варијанта.

Втор најголем причинител за загадување се автомобилите, односно нашата сообраќајна некултура- одење со кола некаде по секоја цена и според мене погубната одлука на владата за увоз на кршот од европа. Мора под итно да се заострат мерките за увоз на стари автомобили.

Не е лошо понекогаш вината да ја согледаме во самите нас, а што се однесува до мерките на државата, како и се друго од нашите „паметни“ властодршци- трагикомедија.

 

[Shorty]

Не ни требаат нам препораки. Ни требаат КОНКРЕТНИ МЕРКИ насочени кон главните виновници, не само на ниво на Скопје туку на ниво на цела територија. Што е ова детски игри, не отварајте прозорци. Ма дај, ви се мочам у препораките.

 

[Bojan Van Buuren]

Втор најголем причинител за загадување се автомобилите, односно нашата сообраќајна некултура- одење со кола некаде по секоја цена и според мене погубната одлука на владата за увоз на кршот од европа. Мора под итно да се заострат мерките за увоз на стари автомобили.

Во оваа конотација, да.
Ама не верувам дека ако има можност Владата да се врати назад во времето и да смени некоја своја одлука, сигурно нема да ја смени оваа. Зошто ?
Зошто во буџетот влегоа огромни пари од царинење, башка што сега тој увезен крш ќе се регистрира по повисока цена, што значи на долг рок колите ќе носат пари во буџетот.
И ја се согласувам со тебе дека е лоша одлука, ама Скопје 2014 мора некако да се финансира (освен со кредити) и мислам дека во главата на Груевски има само како да се дојде до пари.

 

[Semiramida]

Katastrofa e vozduhov, nosov kako pochna da me peche 15 minuti sto vozev tochak od kapistec do vlae.Neznam sto ke pravime, najdobro so maski kako azijatine , ne ni bega toa.

 

[Bateman]

Знам дека нема друже ама тоа е, не сум паметен во случајот, не ми текнуваат ама баш никакви конкренти чекори како би се се намалила загаденоста во градовите во Македонија, т.е како да се намали греењеето на дрва и да се намали густината на сообраќајот.

 

[Diogen]

Ситуацијата со загаденоста е веќе алармантна и мора да се превземат радикални мерки. Вообичаено би требало да се апелира на граѓанска свест , ама бидејќи тоа кај нас е само поим, радикалните мерки се неопходност:
1. Индустрија - под итно затворање на сите фабрики кои не ги задоволуваат еколошките норми. Некој ќе рипне и ќе рече дека многу ќе останат без работа, ама и тие исто страдаат (дури и повеќе), а во моментов се користат како оправдание за да продолжи труењето на цело Скопје додека некој го полни џебот.
Потребна е појака граѓанска контрола и притисок во спроведување на оваа мерка, бидејќи кај нас едно се декларира а на крај испаѓа дека сите фабрики се еколошки, а димот од Железара и другите што го покрива Скопје секој ден е од климата оти во котлина сме биле. Животот на Скопјани е многу поскап од парите кои се даваат за мито и корупција да се остават загадувачите да не трујат.
2. Радикално ограничување на употребата на патничките и товарните возила на територија на град Скопје.
Знаеме каква „социјална“ мерка донесе владата за увоз на ЕУРО 2 ѓубрето од ЕУ. за 3 години се увезени преку 150000 вакви само патнички возила -огромна флота тешки загадувачи. Покрај нив и автобуси и камиони. Решението е како во сите други земји кои го имале овој проблем:
а) Воведување рангирање и таксација на возила при регистрација според старост, ЕУРО норма на издувни гасови и тип на гориво.
б) Воведување на еко налепница кај возилата според ЕУРО нормите - зелена (ЕУРО 4-5), жолта - (ЕУРО 3) и црвена (ЕУРО 2).
в) Воведување ЕКО зони - зелена (централно градско подрачје), жолта (поширок градски појас вон центар) и црвена (периферија на Скопје). Возилата со зелена еко налепница имаат пристап на цела територија на градот, оние со жолта еко налепница на цела територија освен центар и оние со црвена еко налепница само на периферија или надвор од Скопје.
Само со вакви мерки ќе се воведе ред во сообраќајот и загадувањето.
Деновиве слушам и некои информации дека во Германија ќе се забранува употребата на возилата со ЕУРО 3 норми на издувни гасови.
Наместо да политизираме треба да го искористиме искуството на другите кои го решиле ваквиот проблем.
Денес бев на Водно и само ја констатирав мизеријата на градот во кој живеам.
Време е за акција, доста беа само анализи и соопштенија.
Ако продолжиме јалово, Скопје ќе се задави во смогот , а и сите ние заедно со градот....