Увозот на половни американски возила ќе може да стартува уште во февруари, информираат од министерството за економија откако Алфа објави дека Владата донела одлука да се олеснат условите за увоз и регистрација на автоимобили произведени во САД. Ќе може да се увезуваат возила стари до 10 години. За да се префрлат на македонски таблички, според информациите од ресорното министерство, нема да биде потребна хомологација, туку американски сертификат дека се исполнети еколошко безбедносни стандарди ПР2 кои што важат во САД. Ваквите измени во постоечкиот правилникот за единечно одобрување на возила експресно почнале да се работат во министерството за економија.
Досега, американска марка на автомобил можеше да се регистрира во Македонија само доколку беше произведен во некоја европска земја бидејќи сите увезени возила подлежат на хомологација но според европски стандарди што не ги исполнуваат возила произведени во САД. Токму за да се избегне оваа бариера Владата ќе дозволи за пререгистрирање на американските возила наместо хомологација, да биде доволен еколошки и безбедносен сертификат од агенцијата за животна средина во САД.
И додека мерките за олеснет увоз забрзано се подготвуваат во министерството за економија, дистрибутерите на нови возила во земјава немаат информации за одлуката. Допрва ќе бараат објаснување од Владата и ќе анализираат дали ќе предизвика удар врз бизнисот.
Либерализирање на увозот на половни американски возила доаѓа неполна година откако Владата ја прогласи за успешна ланската мерка за спуштање на старосната граница и за европските возила.
Христијан Стојчевски
, ко на заставите шо му клават 
