Ќе се брендира симит-погачата

[arheolog]

Симит-погачата е оригинален производ, а таа носи во себе повеќе пораки.

Симит-погачата е во процедура да биде заштитена како автохтон скопски производ.

-Не е само одлика на скромност и задоволување со малку. Таа е симбол на еднаквоста, еднакво е достапна секому, по состојките е универзална, а по хранливоста ефикасна. Синтагмата леб во леб можеби најдобро може да го отслика значењето што го емитира. Таа по состав е иста, тесто со тесто, а сепак сосема поинаква и најдобро е кога тие различности се споени во едно, кога се сфаќа дека тие не се исклучуваат и оти само заедно се ефикасни, полезни и вкусни, вели претседателот на Здружението на еснафи „Еснаф“, Мухедин Брава.

Извршниот директор на Здружението Соња Кушовска – Трајковска вели дека, покрај симит-погачата, во иднина планираат брендирање и на други производи кои се автентични за нашето поднебје.

- Имаме поднесено иницијатива до Музејот на Македонија за брендирање на симит-погачата како оригинален скопски производ, и тој проект ќе го работиме заедно со Музејот. Покрај симит-погачата, во иднина планираме да брендираме и други автентични македонски производи – рече Кушовска – Трајковска

Музејот на Македонија потврди дека здружението „Еснаф“ има поднесено таква иницијатива, и таа е влезена во годишната програма за работа на Музејот.

- Моментално се работи на разработка на проект за наоѓање цврсти докази за потеклото на симит-погачата, со кои ќе го поднесеме барањето до Министерство за култура за да влезе проектот во националната програма за 2015 година, велат од Музејот.

Во петокот се одржа манифестацијата „Симит-погача – чаршиски гастро-сувенир“, како дел од „Чаршиската есен“ во која се планирани неколку разни манифестации.
http://kurir.mk/makedonija/vesti/173953-Ke-se-brendira-simit-pogacata-

 

[sartan]

Уште да останеше мајстор за симит-погача во Скопјево добро ќе беше...

 

[Con Artist]

Не сум знаел дека бурек ставен во лепче за хот-дог се вика симит-погача.

 

[Ivica^]

Отсекогаш сум се чудел како може ова да се јаде

 

[Божино]

Ова не е бурек на сликава?

 

[Ivica^]

Ова не е бурек на сликава?

Бурек стаен меѓу лепче, невиден специјалитет.

 

[Con Artist]

Кифла ставена во лепче за хот-дог, исто така специјалитет кој мора да се брендира.

 

[sartan]

Оригинал симит погача се прави со наутлија (лепче со наут) и тегнати кори како за бурек. Арно ама умре занаетот за месење со наут па така умре и оригинал симит погачата

 

[курајбер]

јадам симит , филм ми е од време на време али реално, не е ништо вредно за брендирање. Да беше нешто посебно до сега бугарине на кур ќе се качеа дека они го измислиле.

 

[Ron Burgundy]

одсекогаш сум им се чудел на овие што земаат ова, место да земеш четврт бурек и јогурт да се накркаш како човек

 

[Xibalba]

Оригинал симит погача се прави со наутлија (лепче со наут)

Точно, оригиналот нема врска со бурек. И мислам дека се прави во паланечко.

 

[Scirea]

Па нели симитот беше Турски рецепт? @babsyy

Сеедно, мене ми се свиѓа јадењево, и знам еднаш или двапати годишно да си се почастам со симитче

 

[M-1]

Остај то, пак види ги оригинален скопски производ, ај ќерата. Демек од таму ги научиле и сељаниве другиве по земљава како се прајт. Абе ој мафнете се тие разбирале симит погача. Тие ќе брендирале, ветар во магла. СК-Симит погача-74
Ево според мене и според и според Нада, баба Нада колешкава од маало шо би требало да се брендират: Ѓеврек варен, Мантии, Кравјаче, Питуљици, Мекици, Ѓомлезе, Качамак-Бакардан, Кол Пита, Млечник, Погача, Тури Потпечени, Тиганици Влашки, Тарана, Губи-Јуфки, Спанаќ Пита, Комат, чак и пржени лепчиња . Тија мене симит погача ќе ми кажвале
Баба Нада море ги разбират работиве зато јас со нејзе се дружам и со Златка та е поќе по зимнициве и туршијава е и то мојт да се брендират.

 

[Schtrawzenigger]

Јадеф доста често ама ми се одмили, таа продавачката цело кило празен бурек ми ставаше во лепчето па со сила го јадеф. Ваљда гаела симпатии према мене. Мора да е тоа.

 

[demjan lacky]

ова не е симит