ТОТАЛ ..... (нл.totalis) ????????
Озаконета тотална контрола над населението од страна на власта во едно општество со префикс ДЕМОКРАТСКО ?
КОНТРОВЕРЗНИОТ ЗАКОН ЗА СЛЕДЕЊЕ КОМУНИКАЦИИ НЕУСТАВЕН
Уставниот го заузди прислушувањето Тони Ангеловски
Контроверзниот Закон за електронски комуникации, со кој полицијата доби можност да го прислушува секој граѓанин кога сака и колку сака, вчера беше заузден со одлука на уставните судии. Судот привремено му забрани на МВР да прислушува без претходна согласност од надлежниот суд, како што дозволуваа законските измени донесени во јуни годинава. Во меѓувреме, и од Брисел пристигнаа најави дека поради можноста полициското уво да прислушува без никакви сопирачки, ќе се соочиме со жестоки критики и во извештајот на Европската комисија за Македонија. Сепак, вчерашните измени беа проследени со инцидент, кој се случи во текот на седницата на судот, кога и јавноста стана сведок на скандалозна расправија меѓу судијата Зоран Сулејманов и претседателот на Уставниот суд, Трендафил Ивановски, која заврши со демонстративно напуштање на седницата со трескање на вратата од страна на Сулејманов. Судијата на Уставниот суд Зоран Сулејманов на почетокот на седницата бараше да се симнат од дневен ред Законот за електронски комуникации и Законот за денационализација. Како аргументи за неговите барања ги наведе отсуството на еден судија, сложеноста на материјата и потребата за повеќе време за нивно анализирање, како и отсуството на меѓународна правна практика во работните материјали и истекување на мандатот на актуелниот претседател на Судот.
Но, мнозинството судии не ги прифатија аргументите на Сулејманов, по што тој ја напушти седницата. Потоа дневниот ред беше едногласно усвоен од преостанатите седум судии бидејќи, според нив, причините за симнување на овие две точки од дневен ред не биле аргументирани. Едниот судија, како што објаснија од судот, бил отсутен од работата на денешната седница од лични причини.
По вчерашната одлука на Уставниот суд, полицијата ќе може да прислушува само со судски налог, во кој ќе биде определено кој ќе биде следен, на кој начин, како и обемот и времетраењето на следењето. Донесена е привремена мерка бидејќи Судот изрази сомневање во уставноста на петте одредби од законот, кои го овозможуваат неограниченото прислушување, а конечна одлука ќе биде донесена дури откако ќе се видат аргументите на органот што ги усвоил спорните измени на законот, односно парламентот.
Уставниот суд реши да поведе постапка за преиспитување на уставноста и на членовите од Законот за електронски комуникации, кои предвидуваат дека овластен орган за следење на комуникациите е МВР и дека операторите и давателите на јавните комуникациски услуги се должни на барање на надлежните државни органи да им даваат податоци, односно да овозможат постојан и директен пристап до нивната мрежа, како и да им овозможат на државните органи одредување на моментната локација на претплатниците, односно корисниците на услугите на операторите и на давателите.
Според неофицијални информации од Европската комисија, таа во ноември во извештајот за Македонија, како една од главните забелешки го посочи токму проблемот со недостиг од доволно гаранции за ефикасноста на механизмите на контрола врз разузнавачките служби.
, за снимачите, така треба, зошто да не. 
