Кајганџиски книжевен предизвик за 2025 година

[FilipMKD007]

18. На полковникот нема кој да му пишува - Габриел Гарсија Маркез - 7.5
После толку книги од “средно-тешка“ категорија (по бројот на страни секако), време беше и за една “перо“ категорија од по 80 страни. Нека не ве буни оцената, книгата ми се допадна и оцената е максимална за еден ваков тип на книга. Мене лично малку ми се 80 страни за да се внесам во приказната, па затоа и најчесто на литература од 250+ страни одам, но секако има исклучоци. Уште еднаш се уверив дека Габриел Гарсија Маркез ми е на самиот врв на топХ автори, едноставно уживам во неговите книги и стил. Книгава е со доста слична порака како “Чекајќи го Годо“, само што тука фокусот е на човековата тврдоглавост, упорност и достоинство, но и двете се базирани на вечна надеж, чекање на нешто што никогаш не доаѓа. Убаво ми дојде книгата малку да ме разниша и да ме потсети колку често во животот цврсто се држиме за нешто и не сакаме да го пуштиме и да се адаптираме, па макар постојано ја плаќаме цената за истото преку наша несреќа и/или несреќа на блиски. Полесно ни е да веруваме во надеж и покрај тоа што знаеме дека е лажна. Атмосферата беше доста интересна иста, навидум ништо конкретно не се случува, а од сите страни, секој момент се очекува да пукне нешто/некој. Во еден ден се чита така да нема што да му ја мислите, може да и дадете шанса.

19. Лолита - Владимир Набоков - 8.5
Книга која дефинитивно не е за секој и воопшто не е лесна за читање. Огромна храброст требала своевремено кај Набоков да ја издаде истата, крајно контроверзна за тоа време (па и за сега), во поговрот беше и напишано дека многу издавачки куќи одбиле да ја издадат, пред конечно да биде издадена во 1955. Главна тема на книгата е педофилијата, главни ликови се Хумберт и дванаесетгодишната Лолита. Преку записите на Хумберт и делото раскажано во прво лице, тој пробува да најде оправдување за неговите неморални постапки и однесувања. Почнувајќи од тоа дека Лолита наликувала на негова трагична љубов од тинејџерските денови, па потоа дека и Лолита со самите детски постапки самата иницирала интимни физички контакти, па завршувајќи до тоа дека со тоа што ја злоупотребува и го спасува и олеснува животот, да не заврши во дом со лоши воспитувачки итн. Низ наративот се ова е прикажано во некоја невина верзија од гледната точка на Хумберт, а реалноста е хорор верзијата на Лолита која не ја читаме и последиците што целите настани ги имаат врз неа. Изгубено детство, изгубена доверба, одземена слобода, уништена судбина и уништен живот. Патем да нагласам дека нитуеден сексуален чин во книгава не е опишан во било какви детали, истата не е порнографија, целта е да ги видиме искривеното гледиште и што се низ главата минува на тие луѓе - нелуѓе. Мене книгава длабоко ме потресе, огромна морална тежина си носи, ја препорачувам на секој што би сакал да се нафати да чита вакво нешто. Патем открив малку повеќе детали околу содржината од вообичаено што откривам, но мислам дека може да е клучно за некој што ја нема прочитано да одлучи дали да ја чита или не.

 

[ComfortablyNumb]

19. Лолита - Владимир Набоков - 8.5
Книга која дефинитивно не е за секој и воопшто не е лесна за читање. Огромна храброст требала своевремено кај Набоков да ја издаде истата, крајно контроверзна за тоа време (па и за сега), во поговрот беше и напишано дека многу издавачки куќи одбиле да ја издадат, пред конечно да биде издадена во 1955. Главна тема на книгата е педофилијата, главни ликови се Хумберт и дванаесетгодишната Лолита. Преку записите на Хумберт и делото раскажано во прво лице, тој пробува да најде оправдување за неговите неморални постапки и однесувања. Почнувајќи од тоа дека Лолита наликувала на негова трагична љубов од тинејџерските денови, па потоа дека и Лолита со самите детски постапки самата иницирала интимни физички контакти, па завршувајќи до тоа дека со тоа што ја злоупотребува и го спасува и олеснува животот, да не заврши во дом со лоши воспитувачки итн. Низ наративот се ова е прикажано во некоја невина верзија од гледната точка на Хумберт, а реалноста е хорор верзијата на Лолита која не ја читаме и последиците што целите настани ги имаат врз неа. Изгубено детство, изгубена доверба, одземена слобода, уништена судбина и уништен живот. Патем да нагласам дека нитуеден сексуален чин во книгава не е опишан во било какви детали, истата не е порнографија, целта е да ги видиме искривеното гледиште и што се низ главата минува на тие луѓе - нелуѓе. Мене книгава длабоко ме потресе, огромна морална тежина си носи, ја препорачувам на секој што би сакал да се нафати да чита вакво нешто. Патем открив малку повеќе детали околу содржината од вообичаено што откривам, но мислам дека може да е клучно за некој што ја нема прочитано да одлучи дали да ја чита или не.

Ја почнав книгава и јас пред некое време. Ама ја прекинав. Некомфортно се чувствувам додека ја читам, доста е психопатска.

 

[FilipMKD007]

19. Лолита - Владимир Набоков - 8.5
Книга која дефинитивно не е за секој и воопшто не е лесна за читање. Огромна храброст требала своевремено кај Набоков да ја издаде истата, крајно контроверзна за тоа време (па и за сега), во поговрот беше и напишано дека многу издавачки куќи одбиле да ја издадат, пред конечно да биде издадена во 1955. Главна тема на книгата е педофилијата, главни ликови се Хумберт и дванаесетгодишната Лолита. Преку записите на Хумберт и делото раскажано во прво лице, тој пробува да најде оправдување за неговите неморални постапки и однесувања. Почнувајќи од тоа дека Лолита наликувала на негова трагична љубов од тинејџерските денови, па потоа дека и Лолита со самите детски постапки самата иницирала интимни физички контакти, па завршувајќи до тоа дека со тоа што ја злоупотребува и го спасува и олеснува животот, да не заврши во дом со лоши воспитувачки итн. Низ наративот се ова е прикажано во некоја невина верзија од гледната точка на Хумберт, а реалноста е хорор верзијата на Лолита која не ја читаме и последиците што целите настани ги имаат врз неа. Изгубено детство, изгубена доверба, одземена слобода, уништена судбина и уништен живот. Патем да нагласам дека нитуеден сексуален чин во книгава не е опишан во било какви детали, истата не е порнографија, целта е да ги видиме искривеното гледиште и што се низ главата минува на тие луѓе - нелуѓе. Мене книгава длабоко ме потресе, огромна морална тежина си носи, ја препорачувам на секој што би сакал да се нафати да чита вакво нешто. Патем открив малку повеќе детали околу содржината од вообичаено што откривам, но мислам дека може да е клучно за некој што ја нема прочитано да одлучи дали да ја чита или не.

20. Сонцето одново изгрева - Ернест Хемингвеј - 8.5
Со ова ја достигнав предвидената бројка од предизвикот, но секако ќе продолжам со истиот и ќе гледам максимално да го искористам слободното време вложувајќи го во некоја нова книжевна авантура. Патем со ова дело си комплетирав некој зацртан круг на дела на Хемингвеј што ги имав таргетирано (Старецот и морето, За кого бијат камбаните, Збогување со оружјето, Сонцето одново изгрева + збирка од раскази). Можам да заклучам дека уживав читајќи ги неговите дела, истите не беа во секој момент интересни, но стилот на авторот е крајно симпатичен и многу ми се допаѓа тоа што дејствата во книгите се во голема мера пресликувања на неговиот живот и тоа не само на местата и настаните, туку и дамите со кои бил женет во одреден период (вкупно 4 на број) може да се најдат пресликани во некој лик во книгите. И таа легендарна "iceberg" теорија, каде што 1/8 е само “на површина“ и откриена од Хемингвеј преку јасни факти и описи, а останатите 7/8 ние ги поврзуваме во нашата глава, преку симболика на настаните, преку поврзување на логичкиот тек на истите, преку постапки на ликовите и нивни дијалози, мене ми е феноменална и ептен е убаво искуството да поминуваш низ тоа, мозокот и имагинацијата работат до бескрај. Накратко главен лик во книгата е Џек, кој има последици од војната (чест случај во многу дела на Хемингвеј), патем и за истите тие последици е применета ајзберг теоријата, никаде експлицитно не се нагласени кои се, ниту се зборува за нив, но може да се сфатат од дијалозите, шегите упатени кон него, како и кон размислувањата, гледиштата негови. Џек е заљубен во Брет, меѓу нив има голема почит, љубов и разбирање, но тие не можат да бидат заедно поради споменатите последици од војната. Џек е сопатник и сведок на Брет низ сите нејзини потамошни љубовни авантури. Најголем дел од дејството се одвива во Памплона, Шпанија на фестивалот со бикови Сан Фермин, кој сеуште постои и се оддржува. Книгата е за изгубената генерација после првата светска војна, како се поместени моралните вредности, како една цела генерација е уништена и пробува да го најде спасот во алкохолот, брзиот живот, заборавот, блудот. Во поговорот и имаше убаво напишано “Можеби книгата не е само за неговата генерација и неговото време, можеби книгата е за секоја генерација и секое време“. Уште една моја препорака.

 

[Saber Rider]

6. Рибарите - Чигози Обиома (3,8/5)

Некако 3,5 ми е ниска, а 4 висока оценка за оваа книга. Прв пат давам оценка која што е некаде измеѓу. Им давам шанса на писатели од понеобични земји. Можеби прв пат читам книга од афрички писател, поточно нигериец кој ако не се лажам целосно е школуван и живее во Америка од млади години.
Интересна приказна за едно многудетно нигериско семејство од Акуре, родното место на писателот. Сторијата е прикажана низ очите на четвртиот син во фамилијата, во која заминувањето на таткото на работа во друг град и неговото доминантно патријархално однесување доведува до испуштање на конците во воспитувањето на постарите неразделни синови. Приказна за нигериското општество во 90-тите години. Граѓанска војна, продорот на христијанството и влијанието на западната школа, но и најважното, племенската култура, сиромаштијата и суеверието. Токму суеверноста на браќата и општеството ќе направи предвидувањето на еден локален лудак да им навлезе во психата на дел од главните ликови што ќе доведе до психочко растројство, предизвикување на судбината и трагичен крај. Носење на семејството со трагедијата, грижата за останатите деца, нивната одмазда и казна. Приказна за силината на братските односи, неостварените соништа, политичката сцена во Нигерија во 90-тите и тамошните обичаи, скоцкана во брзочитачка книга од 300+ страници.

7. Град во облаците - Ентони Дор (5/5)

Или поточно 10/10 за Cloud Cuckoo Land
Прекрасна книга, мило ми е што и дадов шанса, иако периодов немам толку време за книги со толкав број на страници.
Дел од книгата ме потсетува на приказната за Сараевската хагада, бидејќи и таму имаме фиктивна приказна за "патот" по кој хагадата се зачувала од нејзиното креирање до денес. Ентони Дор црпел инспирација од повеќе историски дела, а во основата е некое дело на старогрчкиот писател Антониј Диоген. Дело кое било копија од некое писание од војник од четата на Александар Македонски кој го препишал од 24 плочки кои ги нашол закопани под надгробна плоча со примамлив текст. Се следи текот на зачувувањето и препишувањето на приказната за еден овчар кој мечтае и тргнува по потрага за градот во облаците каде што желките на грбот носат медени колачиња, низ реките тече вино и никој не страда. Приказната се следи низ призмата на 5 различни личности кои живеат во различна доба од историјата и текстовите посветени на секој од нив се одвиваат наизменично по временски нелинеарен редослед. На некои им пречи тоа при читањето, бидејќи се движиме напред-назад низ времето и треба да се навраќаш по страниците и особено што чим дошло до интересен заплет на приказната на некој лик, се преминува на другите ликови и се враќаш назад по 30 страници
Ана и Омер се ликови кои живеат во 15 век, во времето на султановиот напад врз Константинопол. Ана е пргаво девојче кое живее од едната страна на градските ѕидини, заштитена во женски манастир, заинтересирана да се образува. Омер е момче грдосија, кое турците го сметаат дека носи несреќа. Благодарение на неговата љубов кон животните и неговите расни волови, завршува во султановата поворка која ита во освојувачки поход на Константинопол. Не можам да не уживам во сите историски детали кои се обидел да ги опфати Ентони во приказната за овие две млади деца, кои ќе ја откријат книгата во која некој ја запишал приказната.
Зино е старец во сегашноста (2020 година) кој по трауматичното заложништво во корејската војна, се враќа стихијно во својот град, гаејќи љубов кон свој другар од заложничките дни. Неуспешната љубовна приказна му завршува со раѓање на нова љубов, обид да преведува на сивремен јазик, старогрчки дела. Додека се обидува да изведе претстава за деца, со 5 ученици на кои им ја пренесува приказната, библиотеката е под терористички напад. Напаѓачот е Симор. Аутисточно сиромашно дете од самохрана мајка хигиеничарка. Разочаран од рушењето на шумите во градот и изградбата на елитни населби на нивно место, се навлекува на пропагандни групи за заштита на животната средина до степен што на 17 годишна возраст се обидува да постави бомба во библиотеката, бидејќи истата дели ѕид со агенцијата за недвижности која ги гради елитните населби. Планот, секако дека оди надвор од замисленото.
Петтиот лик е од иднината. Креирана е реплика на Ноевата арка, во форма на вселенски брод кој патува во вселената, за одбрана група на луѓе да насели нова планета на оддалеченост од над 4000 светлосни години, откако животот на земјата замира. Констанца и случувањата на вселенскиот брод е плод на имагинацијата на авторот.
За цело време приказната не' потсетува дека цело време треба да се надеваме и бориме за подобро, иако крајот носи малку поонаков заклучок.
Улогата на библиотеките е истакната како важен фактор за зачувување на мислите во минатото, сегашноста и иднината, чувајќи ги од најопасното оружје на уништување - времето.