Се согласувам со
ada и застанувам во одбрана на вината и клеветите кои им се префрлаат на кутриот народ кој беше се собрал вчера околу шарлатанот Брацо.
На темава се изначитав навреди врз народот кој се собра околу Брацо. Ќе цитирам неколку од нив...
Ебати рајата пореметена, да фати чоек на сите по еден шамар да му залепи таму шо беа...
Akmaci, bez vera vo nisto..
Патетичен, мутав народ...
зар стварно е толку е глупав балканскиов народ...
кој народ го имаме бе еј...
глупаци...
Тоа не се акмаци, мутави, глупави итн драги мои. Тоа е само кутар неинформиран и непросветлен народ, како што вели ada, народ во очај, во безизлез, кој како давеник се фаќа за сламка, бара спас за секоја цена и непознавајќи го Спасителот во Неговото вистинско откровение, се свртува кон брзводни бунари по секоја цена да се спаси себе или своето најмило.
Јас вината не ја наоѓам во нив. Тоа може да му се случи секому да се најде во таква ситуација. Наместо да ги осудуваме, подобро да му благодариме на Бог што нам не просветлил доволно за да не ја бараме надежта во луѓе, туку во Него, а исто така и да му благодариме што не дозволил толкава мака во нашите животи, мака која и покрај нашето разбирање, би била тешко искушение дури и за некои "просветлени" интелектуалци да скренат по вакви шарлатани од типот на Брацо. Не се залетувајте дека вие не би го направиле тоа. Сум видел многу луѓе што се потсмевале на вакви работи, па кога ги спотрефила некоја мака, одеднаш ги негираат своите поранешни изјави и посегнуваат по шарлатани. Затоа да не ги осудуваме овие очајни луѓе, туку да се молиме за нив, за нивно просветлување и Бог да им помогне во маките и воедно да благодариме на Бог што не поштедил нас да не се најдеме во очај сличен на нивниот - затоа што само Бог знае како ќе се одржиме ние во истиот јарем.
Ако веќе мора да се посочи виновникот, иако тоа е работа на Бог, јас сепак би типувал на официјалната доминантна православна црква. Речиси нема село во Македонија каде што нема православна црква. Народот, колку и да не е религиозен, ако ништо друго за Велигден и за Божиќ ќе помине во црква. А сигурен сум дека овие очајници што се собраа околу Брацо многу почесто одат во црквите да се молат за помош.
Но што се случива таму...
Поповите, наместо да им го проповедаат Христовото евангелие на овие очајници, тие им продаваат икони, свеќи, свети водички, православни календарчиња, бројаници и други амајлии и во овој апсект не се ништо поарни од бизнисменот Брацо кој, ако ништо друго, не го прави својот бизнис "во името на Бог" т.е. не го злоупотребува името Божјо во својот бизнис.
Поповите, наместо да ги учат луѓето дека нема спасение надвор од Христос, дека Бог е единствениот Кому треба да се молиме, да Го славиме и да Му се поклонуваме, тие ги учат да се молат на Марија, на свети овој, на свети оној, да се поклонуваат на свети овој, на свети оној, да ја слават и величаат Марија, света Петка, свети Ѓорѓија итн.
Поповите со векови ги учат овие очајници да слават луѓе, наместо единствениот Бог.
Поповите со векови им продаваат икони на овие очајници и им велат да се молат со зборивите: "Пресвета богородице, СПАСИ НЕ!", "Свети Никола, СПАСИ НЕ!", "Свети овој, СПАСИ НЕ!", "Свети оној, СПАСИ НЕ!" итн. епа зошто ви е чудно што истите тие луѓе вчера велеа: "Свети Брацо, СПАСИ НЕ!"??? Зарем не е тоа логична последица од вековната школа на православната црква која ги учи луѓето да бараат спасение од луѓе, наместо од Бог?
Имате ли претстава колку луѓе го сликаа вчера свети Брацо и колку икони се појавија од него во нивните домови? Свесни ли сте колку луѓе сега му се молат на него, му палат свеќи, се клањаат пред него и бараат спас во него? Но зошто да не чуди ова? Зарем тоа не е соодветна очекувана последица од учењето и праксата на православната црква која проповеда молење на светци, цртање икони од нив, молење и клањање пред иконите, нивно продавање за стотици па и илјадници евра?
Затоа драги мои, не ги критикувајте и навредувајте овие кутри очајници, туку подобро критикувајте ги нивните духовни водачи кои не се ништо поарни од овој Брацо, затоа што и тие ги учат да се молат и поклонуваат на луѓе, да бараат надеж и спасение од ткн. "светци", затоа што и тие им продаваат разни амајлии за добри пари и сл.
Јас никаде не слушнав дека Брацо вели дека ова го прави во името на Бог, за разлика од православните великодостојници кои го молзат народот "во името на Бога". Значи, ако ништо друго, овој Брацо не го злоупотребува и не го валка името на Бог во целата негова пародија.
Поздрав!
