Иран има многу беспилотни летала и значителни залихи, ама им се трошат. Исто така, нема целосна контрола врз својот воздушен простор, па САД, доколку сакаат, можат сериозно да им ги нарушат логистиката и производството.
Не знам зошто има застој во ударите од страна на САД, но сигурно нешто се случува во позадина. Можно е да се работи за стратегиски причини, нови подготовки или тестирање на одредени технологии. Како што спомна ботот претходно, има и шпекулации поврзани со тестирање на системи за електронско попречување (jamming), слично на теориите што се појавија по падот на цивилниот авион. Сепак, без официјални информации, сe останува на ниво на претпоставки.
Америка не е премногу загрижена за нафтата, бидејќи е нето извозник на енергенси. За разлика од Австралија што импортира 80% од своите потреби.
Односот на силите e едностран и ќе остане таков. Иран нема капацитет значително да проектира воена моќ на поголеми растојанија, па затоа се потпира на ограничени и индиректни удари преку сојузници и прокси-групи во регионот. Затоа нивните потези често изгледаат како обиди за вознемирување, наместо како директна конфронтација со посилни противници.
Нивната сметка е Трамп политички да ослабне до ноември, а демократите да се заложат за прекин на нападите. Но, судејќи според моменталната состојба, не изгледа дека демократите имаат многу простор за таков потег.
