Мајка понудила 8 годишно девојче за плаќање такси
Нина Кепеска
14.02.2008 18:08
Осум годишната Ромка од скопско Шуто Оризари, откако пред неколку денови во драматична состојба со тешки повреди и обилно крварење во гениталиите, била донесена и оперирана во охридската болница, сега е во стабилна здравствена состојба и таа ќе биде префрлена во домот за деца без родители „11 Октомври“ во Скопје.
Според МВР, се работи за сексуално насилство врз девојчето, затоа што притворени се четири лица, мајката Надира Саит, Музафер Демировски кој се претставува како татко, наводниот роднина Орхан Ибраими и таксистот Бејхан Ибраимов, кој заедно со сестрата близначка на малтретираното девојче и нивното шест годишно братче, на осми февруари патувале со такси возило „форд ескорт“од Скопје кон депонијата Буково да собираат старо железо.
Под договор на мајката на девојчето со таксистот дека наместо со пари, патот ќе плати со сексуално нудење на осум годишната ќерка.
Чинот на насилството се случил пред очите на сите патници, кога девојчето му било однесено на таксистот Ибраимов покрај патот, во близина на наплатната рампа кај Гостивар, каде застанало возилото.
Откако потоа сите седум патници продолжиле на патот кон Охрид, малтретираното девојче почнало обилно да крвари и тие морале да побараат помош од охридската болница.
Според дежурниот гинеколог доктор Охридија Филева, која го примила девојчето минатиот петок со вагиналниот преглед биле утврдени длабоки рани во пределот на гениталиите, кои биле итно оперативно санирани.
Видливо било дека станува збор за насилство, но прегледот покажал дека кај девојчето хименот бил дефлориран по одамна, што потоа било утврдено кај нејзината сестра близначка, каде немало акутни проблеми.
Малтретираното девојче кое било со психички трауми и постојано ги менувало изјавите за случајот на социјалниот работник му кажало дека повредите и биле последица од набодување на гранка.
Кога отишла да изврши мала нужда покрај патот, верзија што ја кажале неговата мајка и вонбрачниот сопруг.
По алармирањето на полиција и социјалните служби, сестрата близначка на злоупотребеното девојче и нивното шест годишно братче, се сместени во домот „11 Октомври“ во Скопје.
„Се испитува дали евентуално тоа е сторено и претходно, односно дали мајката која што била присутна за време на самиот чин и лицето кое што се претставува како татко, дали и претходно и во други случаи овозможувале сексуални односи со малолетното лице“,
Случајот кој треба допрва да се расветли околу сексуалното насилство врз осум годишното девојче од Скопје, на кој веројатно му претходеле и други вакви настани во ова семејство.
Ја згрози охридската и македонската јавност.
