- Член од
- 17 март 2005
- Мислења
- 11.493
- Поени од реакции
- 1.588
На секој попис се помалку впишани Македонци во Бугарија
Скандалот што се случи во Бугарија по впишувањето и бришењето на Македонците во посебна графа во формуларот за попис покажува дека оваа земја не ги почитува правата на самоопределување и дека преку инструментите за попис се обидува да го сведе на минимум реалниот број на лица што би се определиле како Македонци.
Ваков е ставот на некои од поранешните македонски амбасадори во Бугарија по случајот со бришење на графата „Македонци“ во формуларот што на Интернет го објави бугарскиот национален статистички институт.
Од МНР велат дека засега не планираат да реагираат и покрај тоа што, за разлика од проблемите со кои се соочуваат Македонците во соседната земја, Бугарите во земјава на следниот попис ќе имаат право слободно да ја декларираат својата припадност. Во четвртокот партијата ОМО Илинден Пирин, заедно со неколку организации на Македонците во Бугарија, преку декларација што ја испратија до европските институции за човекови права, амбасадите и бугарските власти, предупреди дека нема да ги признаат резултатите од пописот доколку немаат еднакво право на самоопределување со другите бугарски граѓани. Реакција за деновиве најави и бугарскиот хелсиншки комитет за човекови права. Македонците во Бугарија објаснуваат дека можноста да ја впишат својата припадност во графата други националности, како што беше и на досегашните пописи, остава простор за манипулации и голем дел од нив се плашат тоа да го сторат поради страв дека може да имаат последици, како бркање од работа. Еден ваков случај веќе имаше на последниот попис во Бугарија во 2001 година, кога тогашниот кмет од Кромидово, Борислав Филатов, бил принуден од бугарските власти да го избрише податокот од пописниот картон каде што напишал дека е Македонец, поради закана дека ќе го сменат.
- Од пописот во 1992 година до пописот во 2001 година двојно се намали процентот на граѓани што се изјаснуваат како Македонци поради системот на манипулација. Ако луѓето сами не реагираат, попишувачите не ги прашуваат што се, туку ги пишуваат Бугари. Ги убедуваат дека не смеат да напишат дека се Македонци затоа што ќе имаат проблеми, на некои места имаше пополнети формулари со молив - објаснува Стојко Стојков, претседател на ОМО Илинден Пирин.
Скандалот - доказ дека Софија не ја почитува слободата на самоопределување
Кога попишувачот пишува и кога знаеш дека државата во која живееш не го признава правото на национално самоопределување како Македонец, тогаш нормално постои страв при изјаснувањето, оценува поранешниот амбасадор во Бугарија, Ѓорѓи Спасов. Според него, со скандалот што се случи во Бугарија со впишување па бришење на графата „Македонци“ од пописните листи само потврдува дека оваа земја и како членка на ЕУ не ги почитува правата и слободата за национално самоопределување на своите граѓани и дека се прават обиди низ инструментите за попис на населението реалниот број на лица што би се определиле по националност како Македонци да се сведе на минимум и да се одржува свеста дека е тоа нешто недозволено, па дури и опасно за интересите на Бугарија.
- Фактот што Македонија нема комплекс ниту проблем во пописните листи во графата за националности да стои и националноста Бугарин и што во Македонија не е ниту забрането ниту опасно да се декларира слободно која било национална припадност е предност на Македонија и тоа треба да се негува независно од однесувањата на соседните држави - вели Спасов. И поранешниот амбасадор во Бугарија Абдурахман Алити вели дека нашиот пример ќе ја натера Бугарија да размисли до каде е со демократските капацитети.
http://www.novamakedonija.com.mk/NewsDetal.asp?vest=91810925433&id=9&prilog=0&setIzdanie=22086
Скандалот што се случи во Бугарија по впишувањето и бришењето на Македонците во посебна графа во формуларот за попис покажува дека оваа земја не ги почитува правата на самоопределување и дека преку инструментите за попис се обидува да го сведе на минимум реалниот број на лица што би се определиле како Македонци.
Ваков е ставот на некои од поранешните македонски амбасадори во Бугарија по случајот со бришење на графата „Македонци“ во формуларот што на Интернет го објави бугарскиот национален статистички институт.
Од МНР велат дека засега не планираат да реагираат и покрај тоа што, за разлика од проблемите со кои се соочуваат Македонците во соседната земја, Бугарите во земјава на следниот попис ќе имаат право слободно да ја декларираат својата припадност. Во четвртокот партијата ОМО Илинден Пирин, заедно со неколку организации на Македонците во Бугарија, преку декларација што ја испратија до европските институции за човекови права, амбасадите и бугарските власти, предупреди дека нема да ги признаат резултатите од пописот доколку немаат еднакво право на самоопределување со другите бугарски граѓани. Реакција за деновиве најави и бугарскиот хелсиншки комитет за човекови права. Македонците во Бугарија објаснуваат дека можноста да ја впишат својата припадност во графата други националности, како што беше и на досегашните пописи, остава простор за манипулации и голем дел од нив се плашат тоа да го сторат поради страв дека може да имаат последици, како бркање од работа. Еден ваков случај веќе имаше на последниот попис во Бугарија во 2001 година, кога тогашниот кмет од Кромидово, Борислав Филатов, бил принуден од бугарските власти да го избрише податокот од пописниот картон каде што напишал дека е Македонец, поради закана дека ќе го сменат.
- Од пописот во 1992 година до пописот во 2001 година двојно се намали процентот на граѓани што се изјаснуваат како Македонци поради системот на манипулација. Ако луѓето сами не реагираат, попишувачите не ги прашуваат што се, туку ги пишуваат Бугари. Ги убедуваат дека не смеат да напишат дека се Македонци затоа што ќе имаат проблеми, на некои места имаше пополнети формулари со молив - објаснува Стојко Стојков, претседател на ОМО Илинден Пирин.
Скандалот - доказ дека Софија не ја почитува слободата на самоопределување
Кога попишувачот пишува и кога знаеш дека државата во која живееш не го признава правото на национално самоопределување како Македонец, тогаш нормално постои страв при изјаснувањето, оценува поранешниот амбасадор во Бугарија, Ѓорѓи Спасов. Според него, со скандалот што се случи во Бугарија со впишување па бришење на графата „Македонци“ од пописните листи само потврдува дека оваа земја и како членка на ЕУ не ги почитува правата и слободата за национално самоопределување на своите граѓани и дека се прават обиди низ инструментите за попис на населението реалниот број на лица што би се определиле по националност како Македонци да се сведе на минимум и да се одржува свеста дека е тоа нешто недозволено, па дури и опасно за интересите на Бугарија.
- Фактот што Македонија нема комплекс ниту проблем во пописните листи во графата за националности да стои и националноста Бугарин и што во Македонија не е ниту забрането ниту опасно да се декларира слободно која било национална припадност е предност на Македонија и тоа треба да се негува независно од однесувањата на соседните држави - вели Спасов. И поранешниот амбасадор во Бугарија Абдурахман Алити вели дека нашиот пример ќе ја натера Бугарија да размисли до каде е со демократските капацитети.
http://www.novamakedonija.com.mk/NewsDetal.asp?vest=91810925433&id=9&prilog=0&setIzdanie=22086
