ИМА ЛИ УШТЕ ДИЛЕМИ ЗОШТО МАКЕДОНЦИТЕ НАЈДОЦНА СОЗДАЛЕ ДРЖАВА
Фрчкоски, и официјално, на грчки платен список!
Се бараше начин како Грција да го исплати Фрчкоски за активностите кои тој ги покажува во континуитет. Сега има решение: атинскиот Пантео Универзитет го ангажира Фрчкоски да одржи предавање за причината на спорот околу името. Дали некој има дилема што е функцијата на поранешниот министер за надворешни работи Фрчкоски, еден од оние кои прифатија Македонија да се вика ФИРОМ
Македонија не е веќе онаква каква што беше. Показ за тоа е дека првпат во Македонија се гласаше за поддршка на некоја политичка опција, и тоа во мнозинство кое досега во државава не е забележано. Една од причините за тоа е што актуелната политичка опција, по клучните прашања, има јасен и отворен став, а потоа јавноста може да донесе свој суд. Ставот на Груевски по прашање на грчкиот спор е дека Македонија во никој случај не може да го смени уставното име, како и да се откаже од прерогативите македонска нација и македонски јазик кои се веќе прифатени во ООН. Она за што може да се разговара е промената на рефернцата ФИРОМ со друг, посоодветен назив, во кој се содржи и статусот како и називот Македонија.
За името кое би било замена на ФИРОМ ќе се одлучува на најширок можен план, и тоа со референдум. За да биде фактографијата комплетна, со сличен став е и претседателот Црвенковски, и затоа досега Грците не успеваат да најдат посериозен сојузник во Македонија за да наметнат внатрешна кавга во која нивните ставови би имале прифатливост.
Досега, заради наведеното, Македонија успева да ја сочува својата позиција на здрави нозе, заради што имаме сојузништво од Словенија, Холандија, Русија... но, и од САД.
Грците, не можејќи да создадат јаз и кавга помеѓу Груевски и Црвенковски на тема спорот околу името, се обидоа на друг начин да добијат сојузници во Македонија. Им требаше некој кој на политичката сцена ќе лобира дека мора да се прифати решението кое Грција го наметнува како форма на компромис.
Пред и за време на изборната кампања овие
јасни прогрчки ставови ги застапуваа Тито Петковски и Ѓорѓи Оровчанец, кои ненадејно се најдоа како коалициони партнери на СДСМ, со што нивните ставови станаа и ставови на Шекеринска. Петковски и Оровчанец се грчки сватови, нивните деца се семејно поврзани со Грци, што секако има влијание на нивните гледања кон спорот со Грција. Кон нив се приклучи и Стојан Андов, но овие ставови доживеаја дебакл на изборите, со што престана употребната вредност на ова прогрчко лоби блиско до СДСМ.
Затоа, Грција продолжува со игра на поттикнување внатрешна иницијатива за подршка на грчките ставови преку неколкумина новинари, и неколкумина универзитетски професори, кои можат да обезбедат јавна промоција на нивните ставови и интереси.
Најактивен е секако професорот на Правниот факултет Фрчкоски, во последните месеци познат во јавноста по шамарањето девојка на паркинг.
Фрчкоски беше министер за внатрешни, а по атентатот врз Глигоров кој никогаш не се откри, стана и министер за надворешни работи. Ова е во периодот на деведесеттите години, кога Македонија преговараше со Грција за знамето и Уставот кој го сменивме, и името за кое прифативме наместо Република Македонија да бидеме ФИРОМ.
Фрчковски, и во тоа време, е најагилен застапник дека треба да им се удоволи на Грците, и да го смениме знамето и Уставот, што ние го направивме, а од Грција, за возврат не направија ништо. Освен ова, Фрчковски е еден од иницијаторите во октомври 1995 Собранието на Република Македонија да прифати во меѓународен промет наместо Република Македонија да се викаме ФИРОМ. Ние го сменивме името, а повторно, Грција не направи ништо за подобрување на меѓусебните односи. Наводно, станавме ФИРОМ како резултат на меѓусебен, времен договор со Грција.
Бидејќи само македонскиот Парламент донесе одлука името Република Македонија да се замени со ФИРОМ, а грчкиот Парламент тој договор никогаш не го ратификувал, останува фактот дека ние самоиницијативно сме си одбрале референца ФИРОМ за име, и тука нема вина кај Грците, туку кај нас.
Целиот овој процес, од Македонија сами да се порекрстиме во ФИРОМ, помина со силни внатрешни поделби и притисоци.
Најголеми застапници на употребата на ФИРОМ беа Киро Глигоров, и министрите за надворешни работи кои се негов личен избор - Денко Малевски и Љубомир Фрчковски. Сега истите луѓе јавно ни препорачуваат како да се ослободиме од нивната рожба, од ФИРОМ, и повторно да и удоволиме на Грција.
Во своите мемоари
Киро Глигоров напиша дека во тоа време Фрчковски дошол кај него и му нудел поткуп од Грција во износ од пет милиони долари. Но, според мемоарите, Глигоров понудениот покуп го одбил. Никој, досега, не покрена истрага по ова прашање бидејќи изјава на бивш преседател дека некој му нудел поткуп е доволен основ за истрага против Фрчкоски. Во меѓувреме, делото стана правно застарено но, остана неговата морална одговорност.
Последнава година дена Фрчкоски јавно се ангажира да пристиска врз Владата и претседателот да се прифати по секоја цена предлогот на Грција (каков и да е тој), бидејќи тоа ни било влез во НАТО и ЕУ. Пишува ставови во кои не се штеди на лични квалификации и навреди кон Груевски и Црвенковски. Среде преговорите непосредно пред самитот на НАТО во Букурешт, Фрчкоски беше во друштво на шефицата на грчката канцеларија за врски во Скопје. Со проста анализа на неговите изјави од периодот на нивното дружење може да се види дека
ставовите на Грција, и на Фрчковски се сосема идентични.
Секако дека ваква активност не се прави за бадијала. Но за исплата треба и форма. Во Дневник завчера се појави непотпишан текст, на втора страница, дека Пантео Универзитетот од Атина го ангажирал професорот Љубомир Фрчкоски да одржи предавање во Атина за карактерот на спорот околу името. Предавањето имало голема посетеност, пишува, Дневник иако не наведува што притоа кажал Фрчкоски на тоа предавање.
Секоја национална стратегија, па дури и силните империи, се уништени одвнатре. Среќа е што последните избори покажаа национално единство, и покажаа кој е ставот на нацијата кон ваквите како Фрчкоски. Овојпат, Грција фрли пари бадијала.
Во Дневник Фрчкоски пишува дека нема да биде заплашен, и дека е од оние кои не можат да се купат лесно, пишува тој. Но, не вели дека не можат да се купат. Само дека не можат лесно. Грците изгледа го изоделе тој, потежок пат.
http://www.vecer.com.mk/?ItemID=162719EFF48D09488F262A4B5976F9E6
.
