Откако се смирија страстите, да напишам и јас едно мое видување на последната трка во оваа сезона.
Една од поинтересните трки шо сум ги гледал во животов, совршено возење од Маса и трилер завршница и разврска за шампион. Долго ќе се зборува за спорната ситуација кога Глок ги пропушти Фетел и Хамилтон возејќи по надворешната (бавната) страна на патеката, и „не можејќи“ да го контролира болидот уште 200 метри, иако е профи возач.
Многу емоции измешани кратко пред завршувањето на трката и по неа, додека во таборот на Ферари сфатија што се случи. Маса извозе перфектна трка, без ниедна возачка грешка и со максимална концентрација од почетокот па до целта. Фетел докажа дека и со послаб болид е конкурентен на фаворитите, престигнувајќи го Хамилтон чесно, за разлика од потегот на Глок кој следуваше два круга потоа. Од Фетел очекувам да прерасне во возачиште, какво што моментално е само Алонсо. Другите се успешни заради возилата, Алонсо е шофер и пол. И за лаиците на темава, уште еднаш ќе кажам: Има разлика меѓу пропуштање на тимски колега (Шумахер - Баричело многу често, сега и Кими - Маса) со цел да се освојат повеќе бодови и тактички претумбации како на стартот на тркта, така и низ нејзиниот тек, ако е потребно. Пропуштањето на Глок не беше тимско пропуштање, нормлно. Што го натерало да го пропушти, дали пари, дали слава, дали место во МекЛарен, може и никогаш да не дознаеме. Честитки до Хамилтон кој заслужено ја освоит титулата, и честитки до Маса кој лавовски се бореше до последен здив, и не ја предаде титулата на тацна.
Иначе Џиш, мислам дека Ферари и натаму ќе си ги има броевите 1 и 2 на болидите, пошто први завршија во конструктори.
