FILMOVISION CHALLENGE - Запознај ја филмска Европа

[Zlatikevichius]

Добро, Жижек вика и да не е точно, е точно.

Ми е гајле, точно е.

ццццццццц

Да де, па тоа е и целта на филмот: ако веруваш во нешто - тогаш мора да е точно!

 

[Violetova]

Словенија

Houston, We Have a Problem! (2016)

Маршалот е ова.

Словенечки документарец за вселенската програма која Југославија им ја продала на Америка. А уствари им продала глупости. Мастерклас на Тито против глупите амери.
Се протнува една теорија на заговор за убиството на Кенеди, откако 2 недели претходно некој рандомец го нападнал Тито кога овој бил во Њу Јорк во обид да ја опраи работата со вселенската програма која очигледно не функционирала.
Дрзок мадафакер Маршалот, му пушел пури у фаца на Никсон у сред Белата куќа каде наводно никој никогаш не запалил цигарчиња. Се курчел Никсон бајаги, дури и ја бомбардирал југословенската амбасада во Вашингтон. И Тито за да ги ублажи односите, пошто парите што ги земал од Америка ги потрошил на јакнење на југословенската економија, одлучил да им праќа коли на американците. Југо.
Ако се чудите како дошло југото у една сцена што ја има у Die Hard 2.
Ги подбуцнале останатите земји од сојузот и толку му треба на балканчето за да си го поебе своето.
Интересен документарец у секој случај. Оценки не ставам ама Злате ако водиш некоја евиденција, пиши му 8ца.

едит: Кур мој што сте стапнале на Месечината, неспособњаци едни. Нека се свети името Кјубриково.

Го гледав пред некоја година, ама и јас мислев дека реалноста ја дава,хехе.
Ама па југовци имаше по Америка, како се најдоа таму?

 

[Џонтра Волта]

Го гледав пред некоја година, ама и јас мислев дека реалноста ја дава,хехе.
Ама па југовци имаше по Америка, како се најдоа таму?

Има нешто

 

[Zlatikevichius]

За југото ОК, југовци има и во американски филмови од тоа време. Во Crow мислам дека имаше југо. Нешто е вистинито, не е се измислица во филмот. Ама дека Југославија имала вселенска програма појака од американската, тоа - кој како верува.

Патем: знаете зошто се викало југо? Од првите букви од синтагмата: "You go, but the car doesn't." И ова е точно.

 

[Violetova]

"You go, but the car doesn't."

 

[Џонтра Волта]

Еве го бе у Die Hard

 

[JBTgirl]

Човекот по име Уве
Направен според истоимениот роман на Фредрик Бакман, а дека романов го има во издание на Антолог дознав дури откако го изгледав.
Замислете љубов, вистинска, од оние коишто оживуваат, ти даваат смисла, те охрабруваат со насмевка да се извлечеш од провалијата во којашто само што не си пропаднал. Жена којашто те гради и покрај којашто ги остваруваш своите речиси заборавени соништа. За Уве тоа беше Соња.

И токму кога сѐ е навидум средено, еден момент сето тоа ти се одзема. И токму кога ќе се откажеш од сѐ, добиваш пријател преку којшто ја сфаќаш смислата на животот.

Малку има нешто од персиската духовна филозофија на Руми овде. Не е ни чудно што еден од клучните ликови е Персијката, Парване. Според Руми, животот секогаш те учи демантирајќи те, секогаш кога ќе помислиш дека не можеш да живееш без некого, животот ти го одзема за да ти докаже дека всушност можеш да преживееш и да ја најдеш смислата на животот на многу други места.

Ми се допаѓа делот како цело време Уве и Парване се бодреа еден со друг против сопствените стравови иако тоа некогаш ги потсетуваше и на нивните болки и загуби.

 

[Џонтра Волта]

The Girl with the Dragon Tattoo (2009)
Män som hatar kvinnor

Го имам гледано римејкот на Финчер пред многу години и ми останал во сеќавање како многу јак филм. Скоро ништо и да не памтам од тој, освен една-две сцени, Руни Мара во невообичаено издание и некој плот твист нешто.
Мислев дека како ќе тече шведскиов се повеќе и повеќе ќе се присеќам и крајниот резултат ќе ми биде спојлнат од сам себе, ама не беше тоа случајот. Таа сцена што ја памтев, се повтори, можда негде пред крајот малце се потсетив ама генерално гледано исто како да гледав нов филм.

Шведски трилер снимен по книга, станува збор за една хакерка, оваа на сликата, која хакира и следи еден новинар осуден таму за некои статии не знам што, кој пак е ангажиран од еден богаташ да го истражи и расветли исчезнувањето на внука му, за која он е убеден дека е убиена. Женскава со свои проблеми, новинарот со својата работа, некаде кон средината на филмот ќе се спојат и ќе ја расветлат таа матна точка од минатото кое крие доста тајни.
Не е многу напнат филмов ама е интересен, добар крај, убав тек, све океј, скандинавците си ја бркаат работата и нема тука простор за замерки.
Нуми Репејс мадафакерка, мислам дека е многу боље од Руни Мара во улогава, башка убава ми беше (на страна мускулатурата и скроз минималните цициња) а не обожавам баш вакви даркерки. Јака и опасна појава у секој случај. Серијал е ова од 3 филмови кои ќе бидат изгледани во текот на неделава.

8.5/10 оценка за Девојката со тетоважа на змеј.

 

[Major Tom]

#48 Шведска

Let the Right One In
/Låt den rätte komma/ (2008)



Оскар, малтретирано 12-годишно дете, интроверт, постојано размислува како да се одмазди. Запознава девојче в кое се вљубува, Ели. Таа не го поднесува сонцето или храната и за да влезе во соба треба да биде поканета. Ели го охрабрува Оскар да се спротистави на булингот врз него, но блискоста се нарушува кога Оскар ке разбере дека всушност Ели не е обично девојче.
Филмов е далеку од хорор. Јас лично влегов да гледам хорор но ме залажа жанрот, напишан во Летер. Сепак, океј филм, интересна приказна.


3.5/5

 

[Џонтра Волта]

The Girl Who Played with Fire (2009)
Flickan som lekte med elden

Лизбет се враќа во Шведска по година дена отсуство, во магазинот каде во претходниот филм се врати Бломквист, е ангажиран млад новинар кој се занимава со истражување околу проституција и трговија со луѓе, заедно со девојка му која пак има напишано книга за истите ствари. Лизбет оди да го посети старателот и набрзо ќе биде осомничена за тројно убиство каде жртви се споменативе ликови.
Бломквист е убеден дека Лизбет не е убиецот, повторно пола филм двајцата главни протагонисти си ја бркаат својата работа додека не се спојат.
Малце послаб од претходниот, нема некој шокантен плот твист, прилично добра акција, океј приказна, Нуми повторно мадафакерка и тоа е тоа.
Следи третото и последно продолжение.

7.5/10 оценка.

 

[Major Tom]

#48 Шведска

Force Majeure /Turist/ (2014)




Четиричлено шведско семејство(види фотос) престојува на француските Алпи за да ужива во неколкудневното скијање. За време на ручек во ресторан на планина, се појавува лавина која се упатува директно кон ресторанот и гостите. Додека мајката се обидува да ги заштити децата, таткото Томас прв го напушта ресторанот и бега во обид да се спаси, необраќајки внимание на семејството. Очекуваната катастрофа не се случува, но таа го потресува брачниот и семејниот живот и води до загуба на доверба.
Умрев од досада. Досаден, бавен филм, превише дијалози, долги кадри.

2/5

 

[Џонтра Волта]

The Girl Who Kicked the Hornet's Nest (2009)
Luftslottet som sprängdes

Tрето продолжение и финале на серијалов и целата сага околу животот на Лизбет Саландер. Полициско-новинарска истрага со судска разрешница на приказната. Да не навлагам у спојлери за да не ви се расипе вториот дел, ќе кажам само дека немаше многу акција, немаше некој шокантен крај, ниту пак некоја особена возбуда. Не беше воопшто лош, солиден филм и океј е да се изгледа кога веќе си ги гледал претходните 2 или пак си ги читал книгите.

7/10 оценка.

 

[Zlatikevichius]

49. ШВАЈЦАРИЈА 13-19.09.2023

Ова е претпоследната наша дестинација. Патувањето го заокружуваме следната недела.

Switzerland
TSPDT Starting List-Switzerland
Every Best Foreign Language Film Submission (SWITZERLAND)

Genießen!

 

[JBTgirl]

Како за предфинале изгледав маестрално направен филм и научив дел од малку потемната историја за Швајцарија, којашто ја знаеме како згрижувачка на преживеаните од Холокаустот.

Der Verdingbub (2011) - Згрижениот

Приказната на Макс, сирачето маестро на хармоника била заедничка за околу 100 илјади деца во периодот од 1860-1960 година. Земјоделците од руралните швајцарски предели заработувале многу помалку одошто им е право, па нашле друг начин да заработуваат - згрижувајќи деца за пари. И тоа не биле само сирачиња, туку и деца на самохрани мајки и сиромашни семејства, под изговорот немале пари да ги гледаат.

И... камо да останело само на тоа, туку тие најчесто биле злоупотребувани како работна сила, а не ретко биле и сексуално злоставувани.

Бертели, пак, е второто дете згрижено во семејството Босигер, доаѓа некое време по Макс откако властите буквално насилно ја одделуваат од нејзината мајка заедно со нејзините две сестри.

Инаку, детето згрижено пред Макс мистериозно умира само 6 месеци по доселувањето на имотот на Босигер.

Од згрижувачкото семејство, Макс и Бертели се здобиваат со многу удари, но покрај мајката и таткото, мора да се спомне и Јакоб, синот единец кој и на двајцата на различни начини им го направи животот неподнослив.

Но во сета таа неподносливост, трунка надеж дава и наставничката на Макс и Бертели којашто ја ризикува и работата во обид да ги заштити учениците.

Но, најголем двигател е повторно сонот, талентот и упорноста.

Сонот... сонот за земја во коjaшто сѐ е направено од сребро и на чифлиците нема свињи, па затоа нема ни згрижени деца да ги чуваат. Во мечтите на Макс, тоа е Аргентина.

Кој е колку виновен? Алчните земјоделци, или пак, уште поалчните власти кои нашле ефикасен и брз начин да го намалат бројот на сиромашни и да ги убедат земјоделците да не ги бараат своите права.

Каков крај имаат приказните на Макс и Бертели, ве оставам сами да видите, не сакам да откраднам од уживањето. Тоа е европски филм, квалитетен, ја соголува вистината, а не како поголем дел од американските, кадешто пропаганда, капитализам и изглед се важни.

Како што сум болна со супите и камилицата и не можам да спијам, ова беше супер начин да се помине времето и да се научи нешто ново.
10/10

 

[Џонтра Волта]

Ова е претпоследната наша дестинација. Патувањето го заокружуваме следната недела.

Босна и Шкотска ги немаше.