Ајде уште еднаш. Ќе се обидам натенане и на раат да си го образложам мислењето. Мада мислам дека е залудно потрошено време и верувам дека ќе ми биде последно мислење на темава.
Прво, јасно ми е дека мажите и жените се биолошки различни (жените раѓаат деца, дојат, имаат циклус, генерално се физички послабиот пол) и во ниту еден момент не мислев на таква еднаквост, дури и напоменав дека не зборувам за бришење на родовите улоги во таа смисла. Од медицински аспект, разлики постојат и во мозочната маса. Кај мажите доминира сивата, а кај жените бела меса. Понатаму, хормонска разлика, тестостеронот и естрогенот со причина се тука и влијаат на половите карактеристики кај мажот и жената. И тоа е причината за т.н. "женственост" односно "мажественост", кои сите на прв поглед ја забележуваме. Иако, не сакам да звучам површно, психологијата кога станува збор за женственоста кај жената и мажественоста кај мажот е многу подлабока. И ете, додека на некоја жена (како во случајот погоре) мажествено и е мажот да биде силен, да покажува мускули, да ја чува и заштитува, да и биде рамо за плачење, но никако да не плаче (затоа што тоа е само за жените), мене дефиницијата за мажественост ми е маж кој што знае што сака во животот, ги цени, сака и почитува жените и нивните права, маж кој ќе има доблест да ги искаже своите емоции, макар и оние тажните. Зошто на крајот на краиштата, во суштината на човековото постоење се емоциите и чувствата. И тоа, драга колешке Бијонс, нема никаква врска со рамноправноста на половите, туку со контролата на емоциите и нагоните.
Друга работа, кога велам економски, политички и социјални права, веќе кажав дека мислам на еднакви можности за вработување, плата, тргање настрана на стегите од 1900тите, кога жените му биле покорни на мажот. Всушност, кога ќе размислам, жените во тоа време стварно биле ЖЕНИШТА, во вистинска смисла на зборот. Замисли, мојата прабаба, чувала деца, чистела, се грижала за добикотот, работела на нивата, се грижела за домаќинството, појадок, ручек, вечера за мажот. А мажот? На работа, на пат и во кафана! И дали тоа го прави мажот МАЖ и СУПЕРИОРЕН ПОЛ во моите очи? НЕ.
Ако јас сум завршила факултет според еднакви критериуми како и мажот, зошто да бидам дискриминирана во однос на работа и плата? Квалификацијата и изборот треба да бидат реални и еднакви без разлика на полот.
Како што напредувам понатаму во кариерата, така треба да се вреднува и мојот труд. Ако мажот, се покажал далеку подобар, нема проблем.
Јасно ми е дека во одреден период на животот кога жената ќе сака да се оствари како мајка, кариерата е принудена да ја стави на пауза. Следствено на тоа, за сметка на тие година две пауза, мажот има далеку повеќе можности за напредок! И тоа е во ред. Јас како жена, имам мајчински инстинкт и спремна сум на тоа, за да се реализирам како мајка. Но, очекувам и сакам да имам еднаков третман со мажите чиишто квалификации ни се совпаѓаат.
Искрено, очекував дека барем дел од жените на форумот ќе ме поддржат. Но, не за џабе рекле "жена, на жена најголем непријател". Ама се додека синовите ги учите дека е срамота да плачат, а ќерките дека местото им е во кујна, да перат, пеглат и чистат за мажот, ако ви е! И токму ова, ја оправдува потребата од постоењето на фениминизмот како таков
.
Како заклучок, јас сум против радикален феминизам, еднаквост на жените и мажите во биолошка смисла и супериорност жените во однос на мажите. Јас сум ЗА еднаков третман и право на избор во општеството.
