Вардар го освои и "Кукуш"
* Низ просечен прволигашки натпревар избраниците на Илчо Ѓоргиовски и на незгодниот терен на југот од земјава ја продолжуваат пролетната победничка серија
ХОРИЗОНТ Т - ВАРДАР 0:1 (0:0)
Стадион "Кукуш" во Турново. Гледачи: 500. Главен судија: Зоран Петковски. Помошници: Горан Манасиев и Петре Новачев (сите од Велес). Делегат: Кочо Атанасовски (Гевгелија)
Стрелец: Настевски 77' (В). Ж. картони: Пандев, Шишков, Митров, Христовски (ХТ); Трипуновски (В).
Играч на натпреварот: Иван Настевски
ХОРИЗОНТ Т
Димовски 2
Мавров 2
Петров 1,5
(52' Стоилов 1,5)
Христовски 1,5
Митрев 2
Ташев 2
Лазаревски 1,5
(76' Ковачев /)
Шишков 1,5
Пандев 2
Чурлинов 2
Георгиев 2
(85' Танчев /)
ВАРДАР
2,5 Симов
2,5 Сиљановски
2,5 Милевски
2,5 Мојсов
2,5 Симовски
2,5 Митрев
2,5 Положани
(/ Џангаровски 87')
2,5 Трипуновски
2,5 Ард. Нухиу
(2,5 Ѓурѓевиќ 50')
3 Настевски
2,5 Христов
(2,5 Спасески 50')
Вардаровите фудбалери продолжуваат со своите резултатски квалитетни изданија низ пролетниот дел од сезоната нанижувајќи ја третата за себе победа во четвртиот настап од вториот дел во актуелната сезона 2009/2010.
Овој пат "црвено-црните" успеаја да стигнат до триумфот и на за нив секогаш "жешкото" гостување против Хоризонт Турново, преку погодокот на младиот офанзивец Иван Настевски во 77. минута.
Низ просечен прволигашки натпревар, без премногу возбудувања и на двете страни турновци активно го почнаа натпреварот со желба да дојдат до триумфот. Главно преку играта на средината од теренот диктираа темпо, меѓутоа низ првите 45 минути не успеаја да реализираат за свое водство. Преку контранапади, но и со странична офанзива преку брзите Настевски, Положани и Ардијан Нухиу и гостите се закануваа неколкупати, меѓутоа сето тоа јалово.
Сосема слична игра и во второто полувреме, без премногу возбудувања и на двете страни, со тоа што далеку поотворениот атак кон гостинскиот гол од страна на домаќините неизбежно отвори повеќе простор за игра и на квалитетните поединци од редовите на Вардар. Двете измени на Илчо Ѓоргиоски низ почетните минути од второто полувреме со внесувањето на Спасески и Ѓурѓевиќ очигледно од тактички аспект донесоа новина во вардаровите редови, па во 77. минута умешно искористија еден "кикс" на одбраната на Хоризонт Турново за водство од 0:1. По нафрлувањето од левата страна, домашниот голман Столе Димовски само кратко ја одби топката која дојде до осамениот Настевски на кого од неколку метри не му беше тешко да ја смести во празната мрежа.
До крајот "вардарците" умешно ја контролираа играта чувајќи ја тешко стекнатата предност, и покрај тоа што неизбежен беше и револтот на домашните фудбалери кон делителите на правдата поради неколку сомнителни одлуки на судиската тројка.
М.С.
ГООЛ, ГООЛ, ГООЛ...
77' - По нафрлањето од левата страна, домашниот голман ја клизнува топката која доаѓа до осамениот Настевски на кого од само неколку метри не му е тешко да ја смести во празната мрежа
Прв "црвено-црн" триумф во Турново
Најтрофејниот македонски клуб на своето трето гостување во Турново низ првенствените натпревари стигна и до својот прв триумф. Претходно "црвено-црните" имаа еден пораз и реми. Од петте досегашни средби меѓу двата клуба Вардар има една победа од 2:0 во Скопје, но и пораз од 1:3, оној од есенскиот дел низ актуелнава сезона.
Се "ниша столчето" на Стојанов
По третиот едноподруго пораз на Хоризонт Турново низ сите три средби од пролетниот дел на сезона с$ поверојатна е смената на Александар Стојанов на тренерската клупа. Согласно последните информации, можно е Хоризонт Турново веќе следните денови да добие нов шеф на стручниот штаб.
Пролетва турновци немаат постигнато ниту еден погодок на трите свои натпревари, со порази од Силекс (3:0) во Кратово, од Тетекс (0:2) на домашен терен и последниот од Вардар
,потребани му сме на Вардар сега за да го избегне баражот а башка и во Битола секад идеме повеќе да им покажеме на Чкембарите кој сме
