Еј момци а да формираме ние едно здружение, за иднината на ФК Вардар, да бараме наш претставник у тимот.
Ве читам тука и мило ми е што Вардар има многу луѓе што вистински го сакаат клубот, ете само треба некој да го обедини црвено-црното смејство..
Вие тука покажавте повеќе грижа и заинтересираност за клубот отколку тие што работат во клубот, и повеќе информации за клубот од самите спортски "медиуми"
Браво!
Ех, да размислуваа(вме) сите вака..
3 месеци клубот е на смртна постела, 2 години уназад клубот „живуркаше“, секојдневно пристигнуваат лоши вести, надеж скоро и да нема, „големиот“ Вардар е пред колапс, а ние 3 месеци тука се палиме на лажни вести и веруваме и се надеваме дека шваби, бугари, турци, кинези, арапи ќе се појават и ќе го спасат клубот, 3 месеци расправаме за тоа која власт повеќе му наштетила на клубот, да, истите тие влади кои 30 години уназад уништија се што можеше да се уништи во државава, па сега до Вардар им дошло. 3 месеци чекаме на Петко, Станко, 3 месеци чекаме на избори, 3 месеци расправаме за се што може да се расправа, само за она што највеќе би требало да не засега како група, како нешто што не сплотува, немаме мрднато со прст. Ќе ми излезе некоја вест, навивачите на Брондби купиле не знам колку илјади дресови за да му помогнат на клубот, ќе прочиташ дека во 3-та лига Х клуб го бодреле 30 илјади навивачи, дека навивачите организираат акции, собираат пари, бараат спонзори, наоѓаат решенија, а ние немо посматраме и чекаме на дпмнеовци, на мутни ликови, се лажеме со некакви си богати спонзори.
Фудбалот е бизнис, и за да некој вложи, треба да му понудиш некакви придобивки. Кои се тие придобивки кои што ќе натераат некого да вложи во оваа вукојебина? Огромни кирии за стадион, а на него едвај 200 гледачи (ако е дерби, и сончево)? 3 милиони долгови и измислени, непостоечки фактури? „Најверни“ фанови кои полесно им е да прерипаат ограда и да молат играчи за дрес, него да тркнат до фан-шоп и да одвојат од кафаните и пиенките за еден мочан дрес? „Најверни“ фанови кои милион пати ја разделија и групата и трибината и ги оттргнаа сите што вредеа на истата со нивното гребење за пари, дроги, влијанија преку партии? Секојдневно ебавање од власт и опозиција и секакви блокади ако не плаќаш рекет? Единствено што оваа вукојебина и овој наш Вардар можат да понудат, е можност за инсталирање на перална, правење на тешки манипулации, местенки, политички игри, разно-разни надворешни влијанија и слично, кои сите знаеме на што ќе се завршат. Бајките за стабилен Вардар, во една ваква ситуација, не се ни science-fiction.
Велиме ФК Вардар = Македонија.. да, веројатно многу вистинито. ФК Вардар е слика и прилика за нашата ни Македонија, за се што е прекрасно во неа, и за се што секојдневно ги тера младите да си го бараат чарето надвор, за се труло и скапано, за се што не чини, за луѓето, културата, менталитетот. На сите среќи и претежно несреќи што ги проживеавме у државава, на сите секојдневни (извинете на речник) ебавања, комедии и трагедии што ги гледаме кон обичните смртници во режија на политичката сцена, уште ова фалеше. Мада, фудбалот и онака е веќе некое време мртов во државава, како и многу други работи
mms.mk
