10.09.2013 17:44


Почитувани,
Ракометниот клуб Металург ве информира дека на ден 14.9.2013 година (сабота), со почеток во 13 часот, ќе стартува продажбата на блок-влезниците за групната фаза од Лигата на шампионите, во сезона 2013/14. Од сабота во продажба ќе бидат исклучиво блок-влезниците, додека картите за средбата против Пари Сен Жермен ќе бидат пуштени во продажба дополнително, на неколку дена пред самиот натпревар.
Оваа сезона, за разлика од минатата, во продажба ќе бидат пуштени блок-влезници за М-блоковите, кои се наоѓаат покрај самиот терен, и за Б-блоковите (тоа се блоковите горе). Со овој потег ќе се зголеми бројот на блок-влезниците, имајќи го предвид огромниот интерес што се пројави веднаш по нашиот пласман во најелитното европско натпреварување.
Цените на блок-влезниците за 5 (пет) натпревари на Металург на домашен терен, со Пари Сен Жермен, Динамо Минск, Вардар Про, Вакер Тун и Барселона, се следни:
-за Б-блоковите (горни централни блокови) цената е 1000 денари,
-за М-блоковите (централни блокови покрај самиот терен) цената е 1500 денари.
Секако дека останува и опцијата за задржување на местата при евентуален наш пласман во нокаут-фазата, опција која е многу интересна за нашите фанови, имајќи предвид колку тешко се доаѓаше до влезница за тие натпревари минатата сезона.
Влезниците за натпреварите на Металург во Лигата на шампионите и оваа сезона ќе ги дистрибуира КупиКартиЗаСе, во Скопје и низ Македонија, а на располагање ви е и опцијата за онлајн продажба наwww.kupikartizase.com .
По повод стартот на продажбата на блок-влезниците, во сабота, во Скопје Сити Мол, на продажното место на „КупиКартиЗаСе“ ќе присуствуваат нашите ракометари, кои на првите триесет купувачи ќе им подарат маички и постери потпишани од нив.
Ве очекуваме…
Спортски поздрав,
Ракометен клуб Металург