Сега откако заврши натпреваров и ми спласнаа емоциите да си кажам што мислам
Вечерва се виде огромна мотивираност на сите фудбалери без исклучок. Одеа на секоја топка до последно, не оставаа никој од противниците да дојде во шанса да шутира кон голот по никоја цена, беа упорни и беа пожртвувани на теренот.
Исто така нема да се согласам со повеќето од членовите по форумов што пишуваат дека натпреварот бил досаден. Вистина е дека немаше многу голови, но моето лично мислење е дека се играше убав фудбал. Топката нон стоп беше или на едната или на другата половина на теренот и видов солиден фудбал(далеку од досаден), поготово од нашите момци што за прв пат покажаа дека знаат да играат убавo, за разлика од она против Верона или Аталанта со влечење по терен и со шутирање без веза и демек имаме удари кон голот, а тие ни близу до голот. Така што, досаден може им бил на Интеристиве пошто изгубија. Вечерва имаше поинаква организација на играта и мислам дека баш поради тоа не примивме гол. Одбраната вечерва беше на висина на задачата. Игравме против најдобриот стрелец во Серија А и не примивме гол. Само за потсетување примивме 3 од Верона па дури и од Беневено и голманот Брињоли примивме гол.Интер колку и да не е во форма, сигурно не е полош од споменативе два тима. Ова покажува дека се работело на подобрување на дефанзивата и тоа не само што не примивме гол туку и не му дозволувавме ни да ни шутираат кон нашиот гол. Очигледно заслугите за тоа се на одбраната, а не на лошата форма на Интер како што нивниве фанови сакаат да го прикажат тоа. Сепак, и неиграњето на Монтоливо и Борини си го направи своето
Што се однесува до Калиниќ тоа е тоа. Едноставно се гледа дека прво е физички многу слаб. Да беше некој техничар ајде де, ама вака нема шанси против физички силни играчи од одбрана. Го газат. Мислам дека тоа му е најслаба точка. Чим прими топка појма нема шо да прај, одма ја додава ко да е бомба, ко едвај да чека да се ослободи. Немам видено ниту еднаш да поодел со топката 2-3 метра. Се труди се гледа, сака многу да помогне, ама тоа е тоа. Кутроне е млад, снажен е, сака да се докажува што е најбитно и има ТАЛЕНТ. Глупо е тоа што се повреди Калиниќ, затоа што сега ќе биде Кутроне као прв избор ама се тоа ќе се должи на повредата на Калиниќ и после пак старата песна. Сакам да е фит ама Гатузо да СФАТИ дека не е за во прв тим.
Биља беше стариот Биља од минатите сезони а Кеси беше одличен и во напад и во дефанзива, истрча маратон, два пати се жалеше на болки и пак се враќаше на терен. Беше многу храбар. Абате што го пцуеме беше доста добар, многу подобар во дефанзива од Бонучи кој пак праеше глупости некој. Најмногу ме фасцинираше Рикардо Родригез, кој играше смирено во одбрана и жестоко во нападите. За Сусо и Бона нема што многу да се зборува. Тие се најдоброто што го имаме. Антонио Донарума со ВАР доби втора шанса да покаже дека не е мртовец. Реално и не беше крив за првиот гол, ама ако тој беше признат, лошо ќе му се одразеше и немаше да биде мотивиран како што беше и ќе го примеше шутот на Жоао Марио и сите други и утакмицава верувајте ќе имаше многу поинаков исход. Со ова докажа дека не е „братот паразит“ туку вистински професионалец. Се гледаше дека го сака дресот. Ни требаат повеќе како него.
На крај сакам да кажам дека Милан заслужи да победи и поубедливо, но сеуште не сме на тоа ниво да реализираме повеќе шанси и тоа против вакви противници. Се надевам дека оваа игра ќе се преслика во Фиренца и во цела 2018 - та година. Многу ми е мило и за Рино. Се гледа колку се внесува во сите натпревари и колку се труди. Го заслужи ова. Форца Милан!
