Најчесто се вели дека пријателските натпревари, посебно летните подготвителни, не се некој голем показател за тоа што ќе следува во текот на сезоната. Тоа се виде и ова лето, Манчестер Ј. беше одличен на подготвителните, но на почетокот на сезоната беше далеку од добар. Во Шпанија уште не почнало првенството, но Реал иако имаше лоши резултати на подготвителните, доминираше на првиот наптревар кој беше од натпреварувачки карактер, кој носеше титула, па потоа повторно бледо издание против Фиорентина. Мислам дека тие и покрај лошите резултати на подготовите ќе имаат добра сезона.
Дали ова значи дека Милан ќе има добра сезона? Не би се кладел во моментот дека ќе биде така. Но ќе видиме набргу, не само дали ќе победува Милан, туку дали ќе ги покаже и истите слабости.
Милан летово не победи ниту една озбилна екипа. Само од Валенсија изгубија со еден гол, од сите други изгубија со поголема разлика. На четири натпревари (Олимпијакос, Сити, Ливерпул, Валенсија) примија дури 12 гола, а дадоа само 2. А уште полошо е, што ако се сеќавам добро, еден гол е шут надвор од шеснаесетник, а другиот гол кој е постигнат со шут во шеснаесетник е после нафрлена топка од корнер.
Значи, Милан ова лето, против поозбилна екипа, нема постигнато гол после добро одиграна акција, после организиран напад. Или не успеале да стигнат со топка во шеснаестник и да дадат гол!
Целиот тим е склон на киксови. Доста голови примија поради грешка на одбрана, на некој од среден ред или поради кикс на голман.
Ова е резултат и на тоа што тешко се справуваат со пресинг. Стара болка, која е резултат на немање технички потковани играчи во среден ред, но и на доста ограничени дефанзивци кои не знаат да одиграат пас, посебно кога се под пресинг (Запата е најлош во тој сегмент). Рами и Алекс се добри кога е во прашање пас играта, но и двајцата правеа киксови. Можеби тоа се должи и на тоа дека и двајцата се ’тешкаши’ дефанзивци, а еден и многу стар, па им треба време да влезат во форма.
Ако веќе бараме некоја причина зошто од 30 август не би било исто, еден од одговорите може да биде и ова партнерство. Значи, Рами и Алекс да играат на ниво и да се исправи една од причините за лошите резултати.
Понатаму, Милан и кога ја држи топката, дури и на противничка половина е безопасен. Всушност, тука најмногу се гледа недостатокот на тој техничар кој фали во средина. Затоа што играчи кои играат подлабоко во средина не се толку голем проблем, тука може да одиграат Кристанте, Поли и нормално Де Јонг, а тоа да не изгледа лошо. Проблем е што ни фали следен чекор. Па затоа повторно се враќа топката кон дефанзивци или голманот... Или се играат само хоризонтални пасови, во пракса тоа значи пасови во место. Не се освојува нов простор. А со такви пасови, плус она враќање топка кон дефанзивци и голман, внесуваат поглема паника, а и стануваат полесен плен на пресинг... така се прават и грешки многу полесно.
Но, и кога некако ќе успеат да стигнат на противничка половина, а во Италија голем број на тимови нема да играат пресинг, туку ќе го пуштат Милан да дојде на нивна половина и ќе се бранат. Тогаш до израз доаѓа целата безидејност.
Кога се во прашање головите, нешто ни останува да се надеваме на Балотели. Потоа при креирање и голови може да се надеваме на Менез, кој што играш многу малку на овие натпревари, некој нов офанзивен играч кој ќе создава шанси и дава голови (во нашиот случај демек бараа(т) такво крило) или некој играч од средина кој ќе е способен да искреира нешто. Но, јас не видов да не поврзат со таков. Се работи за играч од типот на Иниеста. Нормално, со таков квалитет нема да донесат, но потребен е со такви карактеристики. А со таков нешто не не поврзуваа. Изгледа дека со таква задача сакаат да задолжат некој од тројцата во напад.
Доста се пишуваше дека една од работите на кои ќе се темели играта под Изнаги ќе биде агресивноста и високиот пресинг. За жал, Милан не изгледаше добро ни во тој сегмент од играта. Приметив неколку пати, кога и ќе почнеа добро со пресинг, некако на крај противниците наоѓаа слабост, по што на многу лесен начин стигаа до шеснаесетникот на Милан.
Освен со знаење на играчите да читаат игра, за играње пресинг е потребна воиграност и физичка подготвеност. Па ни останува да се надеваме дека всушност овие слабости што ги покажуваа се резултат на тоа воигрување, а дека и добро работеле кога е во прашање физичката подготвеност.
Значи, подготвителните натпревари не даваат никаков надеж дека Милан ќе има добра сезона, освен ако не се сватат само како подготвителни, па да чекаме резултат на тие подготовки. И Инзаги неколку пати изјави дека се важни натпреварите од 30 август, а се ова е само подготовка за тогаш. Но, како и што пишувавме, распоредот му е уште еден непријател.
тешко на човекот бе.. таман земавме еден асален голман види ни ја скапанава одбрана.. бонера, запата 
