Прво за Интер:
Вечерва видовме еден поинаков Интер, екипа со поинаков менталитет. Екипа која реши да се надигрува со најдобрата екипа во Европа, и ја надигра. Навикнати сме да гледаме ситуации во кои на нафрлена топка нема сино-црн дрес во шеснаесетникот. Вечерва, Милито, Ето, Пандев, Снајдер, Маикон... влегуваа во 16 метри и се обидуваа да го постигнат посакуваниот гол. Навикнати сме да гледаме како Интер се затвора после водство и чека на грешка на противникот. Вечерва, не ми се веруваше на очите дека на 2-1 за нас, се обидуваме да постигнеме трет гол, и го постигнавме. Вечерва, и после 0-1 не се мислев многу да уплатам 1, зошто видов по пристапот дека се решени да победат и дека ќе победат.
Наместо одма да пикираме некој за критика, дајте одвреме навреме да пофалиме некого. Место за критики има, ама прво да видиме за заслугите. Прво, капата долу за Мурињо, неговата храбра тактика и прецизна тактика на крајот на краиштата. Ако некој мисли дека Ибра и Меси беа спречени на среќа, или не им беше денот, се лаже. Го оддалечивме Меси подалеку од голот и не му дадовме на Ибра да прими топка. Прекрасна одбрана. Честитки за Цезар кој имаше навремени и храбри интервенции. Честитки за Лусио и Самуел за бескомпромисната борба, честитки за Занети и неговите 36 години, за Маикон кој би бил еден од најдобрите играчи на светот воопшто, ако му дадат да игра само дерби натпревари. Честитки за Пандев кој си поигруваше некогаш и со 2-3 играчи одеднаш. Играта на Интер падна по неговото излегување од причина што немаше кој да го повзе нападот со прецизни проигрувања. Штета што не е физички поподготвен. Честитки за Снајдер кој гореше од желба да постигне гол и како што изјави предходно, да игра во Мадрид. Честитки за Тиаго Мота кој ако се заборават 4-5 лоши проигрувања во серија во првото полувреме, тотално растураше во дефанзива и му дишеше во врат на Меси. Честитки за Камби, човекот кој го има насекаде. И за Ето и Милито кои се редовна закана по голот на противникот, кој и да е.
Честитки за најголемиот дел од публиката која направи Вулкан на Меаца и ја заслужи оваа победа.
На крајот по некоја критика:
Критика за оној дел од публиката која го создаде проблемот со Балотели. Со кој памет му се свири на свој играч при 3-1 на крајот на натпреварот, не можам да разберам. Единствените „гревови“ на играчот беа едно лошо проигрување кога топката лошо му отскокна, и еден удар на кој сите ќе збесневме од еуфорија ако му легнеше добро, како што му легна со Удинезе на пример. Нема ништо што тука не би го пробале Маикон или Ето, ама нив немаше да им свират.
Критика и за Балотели, кој сеуште не знае како да се справи со притисокот. Реагираше недолично и неговиот потег е за секаква осуда. Сепак, колку и да го критикуваме некогаш, овој пат не беше тој кој иницираше и тој кој создаде проблем.
Со оглед на тоа дека Матераци го нападна во тунелот а навивачите во гаражата, сега дојдовме до ситуација на линч, која ја започна дел од неодговорната публика а ја влоши Балотели со неговото незнаење и непрофесионализам.
Моментот од херој до трагичар е некогаш еден удар, овој пат беше ударот кој не заврши во мрежата, удар кој ќе ја потопеше Барса дефинитивно.
Сепак, да не заборавиме дека:
- издвојувана е огромна победа над европски првак и најсилна екипа во моментов
- ќе одиме на реваншот со 2 гола предност, што ни дава големи шанси да играме финале после 40-тина години (сеуште ништо не е готово)
- во очите на светската фудбалска јавност пораснавме за неколку километри, бидејќи до вчера скоро едногласни беа сите, дека нема тим кој може да ја победи Барселона.
Уживајте во победата вечерва и не му ја мислете за други работи.
), така да не би имал никаков проблем за настап во вториот меч.
sepak zal mi padna za nego
