Фан Клуб: Челзи

  • Креатор на темата Креатор на темата Вори
  • Време на започнување Време на започнување
Сами си искомплицираа, а пропуштија и неколку шанси на крај. Се на се добро изигран натпревар, солидно од сите.

На Мората само на глава нека му местат :D

DJSy8SqUMAArz0Z.jpg
 
Последно уредено:
Како една глупава грешка на индивидуалец, може да усере се што си градел во текот на натпреварот. Куртоа е како крава, која дава млеко и на крај ја клоцнува кофата и го истура по земја. Феноменална одбрана на 0-0, одбрана за три бодови и подоцна несфатлив потег и старт над Варди. Во ред, Азпиликуета ја закува целата ситуација, ама Варди не беше во некаква зицер позиција, за да мораш онака да одиш на него?
Мечов е совршен пример за неговата неконстантност, во текот на 90 минути, но и во текот на целата сезона.

Лестер се помири со пораз уште во првото полувреме. Голот на Канте дополнително ги дотепа. Игравме лесно, рутинирано, се чинеше дека имаме контрола до 70 минута. Потоа почнаа да се потат и играчите, а и ние по дома. За малку од готово ќе беше вересија.
Јулскиве засилувања, подобри и подобри. Ако можеме да издвоиме позитивности од натпреварот со Барнли, дефинитивно тоа е исклучувањето на Кејхил. Бидејќи црвениот картон значеше и сигурен крај на неговата кариера како стартер во Челзи. А повеќе ме радува тоа што негови замени се Рудигер и Кристенсен. Рудигер е комфорен, добро се позиционира засега и не комплицира. Топка во близина на шеснаесетник веднаш ја рога напред. За разлика од неговиот претходник со огромна желба за дриблање.

Бакајоко денес, како Есиен на времето. Мислам дека допрва ќе видиме најдоброто од него. Канте и тој ќе бидат пеколно дуо. Кога сме кај Канте, јас разбирам дека човекот во изминативе две сезони постави толку високи стандарди, што веќе излишно е да се коментира неговата игра, ама јас се чудам како одново и одново не воодушевува човекот со фудбалот кој го игра.
Мората исто така добар, со каква леснотија ги кова топките со глава, браво. Единствена му забележувам за неговото постојано (типично шпанско) сугерирање кон судиите. Непотребно губи енергија и фокус.

И да, добредојде Хазард. Раликата со него и без него на терен, повеќе е од евидентна. Тотенхем и Лестер на гости, Евертон дома, се враќаме на голема врата и тоа преку солидни/силни противници. Ќе речам пак, добар, добаар одговор на Конте и екипата.
 
Tiemoue Bakayoko won 75% of his 16 duels today. Bakayoko also made more tackles and regained possession more than any other Chelsea player.

 
Последно уредено:
Инаку вчера не пишав ама мора...Бакајокo (y)
Одличен беше вчера! Дури некако ме изненадува што во еден момент изгледаше како да ниеден играч да не сака да го допре...така да не знам против подиректни противници како ќе игра али вчера беше еден од најдобрите наши играчи.
Ма да сите беа одлични вчера.
И топ е што дојде Запакоста пошто....ептен стагнира Мозес, ова сигурно ќе го мотивира.

Со Карабаг дома играме (зошто бев убеден дека играме на гости до пред пар дена? :D ) што значи очекувам рутинирана победа слична на оваа вчера. Арсенал....нек си ебат матер бе знаат како против Конте :D Битно дома играме што ќе биде добро, фаворити сме ама ни најмалку лесен меч. Ги тепавме Тотнем на гости, така да...зошто да не ги тепаме и Арсенал лесно дома? :D

И полека почнува шансата за гледање 2 меча во недела што е топ за фановите а за играчите...па ќе видиме како е.

Одлично е што се врати Хазард и не само што се врати дури и изгледаше ок. Ќе му треба секако месец-два да влезе во високо квалитетна форма али вака во моментов..одличен.

И пак да кажам.. Вилијан > Педро. Ме нервира Конте што го форисра Педро кога Вилијан помага за побрза игра. Педро во комбинација со Хазард, ајде ок, Хазард ќе трча доволно и за двајцата ама Педро во комбинација со....Мозес? Naaah

Али да, презадоволен сум, не очекував 9 бода од четири меча и не очекував пораз од Барнли така да....ајде нека продолжат да ме изненадуваат со убави работи :D (и пази сега нерешено со Карабаг и пораз од Арсенал, за продолжен српрајз...)
 
Јас сум ептен возбуден за ЛШ. Една сезона само не игравме, ама изгледа ко вечност. Сега конечно сме пак таму и би сакал што подобар пласман, иако уште од старт имаме доста незгодна група. После гостинските натпревари против Атлетико и Рома, имаме тешки лигашки натпревари против Сити и Јунајтед. Тука ќе мора ептен да се покаже Конте и да го искористи максимумот од сите играчи кои ги има на располагање.

Почнуваме во вторник против Карабаг. Би требало да е лесен противник, ама сепак не смее да се потцени. Мора да стартуваме со победа. Очекувам да има ротации. Нешто вака би рекол...

Куртоа
Азпи - Кристенсен - Кејхил
Запакоста - Канте - Дринквотер - Алонсо
Педро - Мората - Хазард
​
Кејхил нека си игра во ЛШ, па против Арсенал да си седне на клупа. Луиз може да одмара, Кристенсен е доволно добар. Запакоста да го видиме од старт, како и Дринквотер заедно со Канте. За Хазард исто ќе биде супер овој натпревар за да биде стартер и да изигра околу 70 минути, па да е спремен за Арсенал.
 
Денес ЛШ а. А никој ништо не пишува овде, мора јас сам да си продолжам да пишувам. Епа ај штом не ви се пишува, еве читајте си :D


Донев напиша:
Ми фалеше Челзи викендов па решив да се вратам некоја година назад и повторно да го доживеам моментот кој некогаш сеуште не ми се верува дека го дочекавме. Моментот кој Челзи заслужуваше да го доживее и претходно, ама ете цело време се случуваше нешто и цело време бевме толку блиску, а сепак толку далеку. Се разбира, зборам за титулата во ЛШ :D

Ќе биде подолг текст, ќе си почнам од групната фаза па се до финалето, па ќе ги поделам ко што треба доколку на некој не му се чита се :D

Групна фаза
Леверкузен со Балак, Валенсија од кај што ни дојде Мата и Генк од кои го купивме Куртоа. Сите тимови со некакви, било какви конекции ама сепак релативно лесна група во која знаевме дека мора да се добие првото место.
Добро си почнавме со победа против Баер, па потоа Калу неколку минути пред крај направи пенал против Валенсија за да ни изедначат. Следеше лесна победа против Генк од 5-0. И потоа работите почнаа да одат надоле, прво нерешено со Генк на гости, а потоа и пораз од Леверкузен за да мора во последното коло против Валенсија да обезбедуваме пласман во нокаут фазата. Ова беше можеби првиот пат кога тимот покажа некој шампионски карактер, знам и пред овој натпревар или после и во ПЛ против Њукасл требаше да се тепа и изиграа на ниво. После ова зборевме дека ете колку и да не му оди добро на тимот, сепак со толку искусни играчи можат доколку е стварно потребно да се организираат и да победат било кој. Дрогба стапи на сцена со два гола и со победа над Валенсија на крај си го обезбедивме првото место во групата.

Наполи
Уште кога ги добивме Наполи за противници, некако бев убеден дека проаѓаме понатаму. Ама, додека да дојде време да се игра против нив, АВБ веќе изгуби контрола врз играчите и ништо не одеше како што треба. Се сеќавам уште на натпреварот, не почна ептен лошо, дојдовме до водство после нивна грешка и после скроз се распадна играта после голот на Кавани баш пред полувреме. Во второ одма се виде дека ништо не правиме, само се молев да се одбранат и да не изгубат ептен. 3-1 и надежите почнаа да се губат, во тој момент не знам дали имаше некој кој веруваше дека ќе успее Челзи да се спаси. На резултат од 3-1, спасувањето на Кол од гол линија е моментот кој и играчите го спомнуваат како еден од најбитните во целата таа кампања. Со 4-1, ни они психички мислам дека нема да беа во можност да се вратат.

​
Но, следеше смена на тренерот. Дојде Ди Матео за кој на почетокот не верував дека ќе успее да смени нешто, и ќе си продолжи како АВБ. Но, после првите натпревари кои ги изигра пред да стигне реваншот со Наполи, се виде дека има некаква промена во тимот, дека одеднаш се врати хемијата и дека добија некаква мотивација да ја завршат сезоната како што треба. Тука веќе на сите ни се врати некаква надеж за во ЛШ, знаевме дека доколку искусните играчи изиграат како што треба, можеби ќе имаме шанса да се вратиме од негатива и да избориме пласман. Така и беше, со Дрогба на чело, а потоа и Тери, Лампард и Иванович успеа Челзи да го направи тоа што никој не го очекуваше после поразот од 3-1 и избори пласман во четврт финале.

Бенфика
После огромниот успех против Бенфика, на сите ни се дигнаа очекувањата па клуб како Бенфика не го гледавме како реална закана. Така и се покажа. ВО првиот натпревар на гости успеавме да изиграме зрело тактички. Се дочека шанса и се искористи за гол и победа на гости. Дома повторно, со пеналот веќе имавме водство, и иако изедначија, се знаеше дека нема шанси Челзи да дозволи да им се лизне пласманот во полуфинале. Меирелеш ги закопа, го претрча скоро цел терен со топка и на крај самиот ја заврши акцијата со одличен шут. Не се ни сеќавам веќе баш на целите натпревари, ама знам дека во ниту еден момент не се осеќав несигурен, бев убеден дека Челзи проаѓа понатаму.

Барселона
Веќе знаевме дека во полуфиналето ќе не очекува моќната Барселона, најдобриот тим во историјата на чело со вонземјанецот Меси и што уште не. На сите ни се враќаа мемории од 2009та, сите сакавме Челзи да се одмазди за тој срам. А и се знаеше дека доколку има тим кој ќе може да ја измачи Барса, тоа е Челзи. Не ми се свиѓаше тоа што втората ја игравме на гости, ама на крај испадна одлично.
Се знаеше дека Челзи ќе мора целосно да се затвори и да чека некаква контра за да проба да стигне до гол. Дефанзивно одиграа супер, Барселона кружеше и кружеше, шутираше, пробуваше да направи нешто и на крај само еден напад на Челзи беше потребен за да се постигне потребниот гол, кој друг ако не Дрогба.
После овој натпреварбев убеден дека ја добиваме Барселона и дека во тимот има нешто што ќе не однесе до титулата. Тука веќе почнав да верувам дека навистина имаме шанси конечно да освоиме ЛШ.
Ќе ископирам пост кој го имам и претходно напишано за овој натпревар. И финалето е тука, ама овој натпревар некако ми отскокнува, и со овој натпревар Челзи ја заслужи титулата. Уште се сеќавам на се.

​
Почнуваш со Тери и Кејхил во одбрана, знаеш дека противникот ќе напаѓа цело време зошто мора да даде гол, знаеш дека мора да се откажеш од посед на топка и само да чекаш некоја грешка за да ти се отвори шанса да истрчаш накај противничкиот гол. Што значи дека се подготвува во главно одбраната, со Иванович, Кејхил, Тери и Кол. И што се случува. Почнуваат, Барса одма притиска и уште на почетокот Кејхил се повредува и мора да излезе. Влегува Босингва и одма мора да се менува се, сега Бане и Тери во одбрана. Барса одма го користи тоа и дава гол. Си викаш ајде има надеж, ќе издржат некако и... Тери прави глуп фаул и остануваме со 10 играчи. Едвај се држат некако со 11, а сега треба со 10 да се игра. Сите подготовки за натпреварот паѓаат во вода и мора во моментот да се смисли нешто за да се издржи. Во одбрана Босингва, Иванович, Кол. Треба еден саат да играш на Камп Ноу, против доминантна Барселона која те притиска цело време во свој шеснаесетник. Даваат и втор гол и тука веќе губиш надеж, се молиш само да не не наполнат. И таман си викаш еве го полувреме дојде, да земат душа малце и ЛАМПАРД му одзима топка на Меси, Рамирес го уклучува моторот и трча напред, а ЛАМПАРД брилијантно му пушта топка во простор, и Рамирес лоб над Валдес за да му донесе на Челзи гол со кој може да оди понатаму баш пред паузата. Второ полувреме продолжува притисокот на Барса, одбројуваш секунди и се молиш да не направат ниедна грешка во одбрана, и што се случува, пенал. Пенал за кој лично Фабрегас после му има признаено на Дрогба дека не бил пенал. Застанува големиот Меси да го изведе и си викаш е сега готово е, мораше ли нешто вакво да се случи, и на крај овој мава пречка. Добро е, има уште шанса, ќе издржиме. Проаѓаат минутите, Барса се по нервозно напаѓа, Пеп почнува да се поти на клупа и го соблака палтото, за на крај Торес за среќа да ја исгуби топката и да остане понапред од сите други играчи, за кога Кол ќе ја избаци што е можно подалеку да го најде Торес кој има празен терен пред него и само Валдес на другата страна. Го гледаш како трча, трча, трча, трча, како никако да не може да стигне до голот за на крај да си пројде покрај Валдес и мирно да ја подаде топката во гол со што го осигурува пласманот во финале на ЛШ. Овој гол го имам гледано буквално над 100 пати и секој пат одма цел се наежувам, не може да се опише тоа чувство тогаш.

И после спомнуваа автобуси и лоша игра од Челзи. Нема да го разберам ова стварно. Да играш 60 минути со играч помалце на Камп Ноу, против Барселона, прогласена од многумина за најдобриот тим и да губиш 2-0 за на крај да заврши 2-2. Не знам како некој може да си даде за право да го критикува Челзи.
:cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc::cuc:

Баерн Минхен - финале
Баерн не очекуваше на домашен терен во финалето. Челзи повторно аутсајдер, ама сите знаевме дека има нешто во тимот на Челзи, дека е пишано конечно тоа да биде годината во која Челзи ќе дојде до толку посакуваниот трофеј. Повторно со својата тактика, се чекаше на контра за да дојдеме до гол. Баерн имаше доста шанси кои не ги искористи и пак онака си викав дека после се, Челзи ќе успее некако да го добие ова. Ама, ни дадоа гол во 82-83та минута. Се радуваа како да е крај и како да освоиле. Реално, тука изгубив малце надеж, ама продолжив да верувам дека сеуште има шанси да се случи нешто невозможно и Челзи да се врати во игра. Повторно, the big man Дрогба го врати Челзи и изедначи. Како сум скокал после корнеров...
Тука веќе бев сигурен дека што и да се случи до крај, Челзи си оди од Минхен со трофејот. Екстра време, се држеше тимот добро и знаевме дека Челзи чека пенали за да проба да освои. Ама, повторно пенал и тука веќе пак помислив дека ќе го даде Робен и пак ќе треба да се враќаме. Не го гледав пеналот, не можев, излегов и баш ми падна камен од срце кога ми викнаа дека Чех одбранил. После тоа пак се враќа оноа дека Челзи сигурно освојува :D
Стигнавме до посакуваните пенали. И пак, Челзи не е Челзи доколку не оди по тешкиот пат. Мата го утна првиот пенал и мораше да ги бркаме Баерн. Го гледаш Чех како цело време оди на вистинската страна и се за малце не ги одбранува првите три пенали. Потоа конечно го одбранува пеналот на Олич, а оисле него и на Швајни. Го гледаш Дрогба како оди да го шутира пеналот за победа и тука веќе знаев дека е готово, знаев дека нема шанси Дрогба да не ја искористи шансата. Каков микс на емоции доживеав, не бев баш свесен што се случува, еве и после повеќе од две години уште не ми се верува.

​

Проаѓаше времето на генерацијата, и стварно е одлично што играчи како Чех, Тери, Лапард, Дрогба после толку години пробување и неуспех поради различни причини успеа да го освои трофејот кој сите најмногу го посакувавме. Засекогаш ќе останат зашишани во историјата на Челзи како едни од најдобрите играчи кои некогаш заиграле, вистински легенди. А ние може само да бидеме среќни што сме генерација која дочека да го види овој успех.
Сега со Мурињо повторно на чело и со желба да остане долгорочно, верувам дека во блиска иднина повторно може да се оствари овој успех. Битното е дека успеавме да дојдеме до првиот трофеј и да го тргнеме целиот тој притисок. Сега имаме тим изграден за успех, и се надевам дека ќе може да го достигне врвот и да ја покори Европа.

Кликни за повеќе...

:vozbud::vozbud::vozbud::vozbud::vozbud::vozbud:
 
dark warrior™ напиша:
Чекаме да видиме што ќе направат па да пишеме да не биде на празно @Донев
Кликни за повеќе...
Што ќе направат општо во ЛШ или вечер? :D

Не е битно, ќе почекаме да видиме :D

Иначе за вечер Дринквотер е повреден, се повредил завчера на тренинг. Конте најави доста промени. Хазард изгледа пак ќе почне од клупа затоа што не сака воопшто да ризикува доколку не мора. Исто и Мората изгледа ќе одмара. А Мусонда пред некој ден имаше пост со кој сугерираше дека наскоро ќе дојде неговата шанса, па можеби он ќе биде изненадување во тимот.
 
Вреди малиот да си добие шанса трк и дриблинк има солиден само му фалат мноооогу минуте да му се даваат за да го стигне нивото на првиот тим
 
Колку иритатно ми звучи името Карабах коа ќе ги прочитам автоматски не ми си гледа утакмицата вечер, нека им забетонираат 10 комада вечер семе им ебам циганско, потурско, небањато никакво.:boksix:
 
You must log in or register to reply here.

Kajgana Shop

Back
На врв Bottom