ЕП 2014 - Група Д (Хрватска, Шведска, Белорусија, Црна Гора)

[ElNinho]

Во „последната“ група Д од евроконтиненталниот собир ќе учествуваат четирикратниот освојувач на злато - селекцијата на Шведска, двократниот финалист - Хрватска, Белорусија на Серхеј Рутенка и формално аутсајдерот - Црна Гора.

Според очекувањата и прогнозите, „великаните“ на европскиот ракомет, репрезентациите на Хрватска и Шведска би требало без поголеми проблеми да остварат пласман во вториот круг и во меѓусебниот дуел да решаваат за освојвувачот на групата, односно екипата која во понатамошната фаза би пренела 2 бода повеќе од конкурентот. За преостанатото трето место би требало да се борат Белорусија и Црна Гора, каде што балканската држава е во улога на аутсајдер.

Натпреварите од оваа група ќе се играат во главниот град на Данска, Копенхаген, поточно во предградието Брондби, во истоимената сала ( Brøndby Hallen ). Салата е релативно мала и за ракометни мечеви има капацитет од 4.500 столчиња. Во оваа сала своите натпревари од Лигата на Шампионте ги игра тимот на КИФ Колдинг Копенхаген.

Репрезентации:​

Шведска​

Четирикратноит светски и европски шампион на ова ЕП доаѓа по слабиот пласман на претходното во Србија каде што заврши на 12. место и по неуспехот да се пласира на СП 2013 каде што во баражот отпадна од Црна Гора. Сепак во меѓувреме Швеѓаните “ги залечија раните“ со сребрениот медал од ОИ во Лондон. Во Данска доаѓаат ослабени поради отсуството на нивната главна ѕвезда, Ким Андерсен кој поради повреда ќе го пропушти првенството. Сепак во тимот имаат неколку млади и неколку докажани играчи чија цел ќе биде да остварат значително подобар пласман од оној на претходното ЕП.

Тим:

Sveriges 16-trupp:
GK:
Mattias ANDERSSON, SG Flensburg-Handewitt
Johan SJÖSTRAND, THW Kiel
LW:
Jonas KÄLLMAN, IFK Skövde HK
Fredrik PETERSEN, Füchse Berlin
P:
Andreas NILSSON, HSV Hamburg
Jesper NIELSEN, Füchse Berlin
RW:
Niclas EKBERG, THW Kiel
Mattias ZACHRISSON, Füchse Berlin
LB:
Kim EKDAHL DU RIETZ, Rhein Neckar Löwen
Jonas LARHOLM, Pick Szeged
CB:
Patrik FAHLGREN, MT Melsungen
Lukas KARLSSON, KIF Köpenhamn
RB:
Johan JAKOBSSON, Aalborg Håndbold
Magnus PERSSON, HK Drott Halmstad
Def.
Magnus JERNEMYR, Lugi HF
Tobias KARLSSON, SG Flensburg-Handewitt

Ѕвезда:

Во отсуство на Ким Андерсен, изборот на предводник на Швеѓаните паѓа на Никлас Егберг. Десното крило е еден од најдобрите стрелци за репрзентацијата на Шведска а покрај тоа е и редовен "top scorer" и во Лигата на Шампионите, каде што од минатата сезона настапува за Кил. Претходно беше дел од „пропаднатиот“ проект на РК Копенхаген, каде што двапати го освои данското првенство.

Тренер/и:
На клупата на Шведска стои препознатливото дуо сочинето од Ола Линдгрен и Штефан Олсон. Двајцата како „ко-тренери“ беа назначени во 2007 година и им беше доделена задачата да го подмладат тимот и подготват за нови искачувања на пиедесталите. Најголемо достигнување им е сребрениот медал од Олимпијадата во Лондон.

Белорусија​

За тимот на Белорусија ова ќе биде само трето учество на европските првенства. Претходниот го имаа во 2008, после 14 години пауза од нивното деби, каде што завршија на претпоследното 15 место. Лани на СП во Шпанија стигнаа до осмина-финалето каде што загубија од Хрватска. На ова ЕП пак се пласираа како второпласирани во групата 6, каде што без учество на собирот ја оставија Словенија. Тимот е воглавно сочинет од двата најголеми белоруски ракометни колективи: Динамо Минск и Брест Мешков.

Тим:


Ѕвезда:
Неоспорливо прв играч на Белорусите е еден од најдобрите светски ракометари Серхеј Рутенка.Интересно е што за репрезентацијата на Белорусија досега има одиграно помалку од 30 натпревари бидејќи по добиеното словенско државјанство, првично се реши да настапува за Словенија. По настапот на ЕП 2006 за репрезентацијата на Словенија, членот на Барселона се реши од 2010 повторно да настапува за својата матична земја.

Тренер:
Предводник на стручниот штаб на Белорусија е Јури Чветсов, поранешен тренер на Лемго и Рајн Некар Ловен, кој со оваа репрезентација успеа да се квалификува на ова ЕП и на претходното СП лани.

Црна Гора​

Од четвртиот барабан во оваа група беше извлечена и репрезентацијата на Црна Гора. Релативно младиот тим, по распадот од федерацијата со Србија доживува напредок последните години, сврзувајќи СП и ЕП во овие 2 години. Сепак, на главните собири имаат релативно слаби резултати, па така на СП лани завршија на 22 место. На ова ЕП пристугнуваат како второпласирани од квалификациската група 2, каде што со првопласираната Чешка ја елиминираа Германија.

Тим:

Spisak:
1. MIJATOVIĆ RADE
2. RAJKOVIĆ MARKO
3. MARKOVIĆ IGOR
4. VUJOVIĆ MILOŠ
5. POPOVIĆ MILAN
6. LASICA MARKO
7. RADOJEVIĆ IGOR
8. RADOVIĆ MIRKO
9. RAKČEVIĆ MLADEN
10. GRBOVIĆ NEMANJA
11. VUJOVIĆ STEVAN
12. JOČIĆ FILIP
13. PETRIČEVIĆ BOGDAN
14. PEJOVIĆ ŽARKO
15. MILAŠEVIĆ MIRKO
16. PERIŠIĆ IVAN
17. LIPOVINA VLADAN
18. MALOVIĆ NEMANJA
19. SIMOVIĆ MARKO
20. SIMIĆ NEBOJŠA
21. MRVALJEVIĆ DRAŠKO
22. ŠEVALJEVIĆ VASKO

Ѕвезда:

Во отсуство на Жарко Марковиќ и Фахрудин Мелиќ, како ѕвезда во тимот на Црна Гора се истакнува Младен Ракчевиќ. Пикерот кој ни е нам добро познат по настапите во Вардар и Металург, а оваа сезона игра во грчки АЕК, е една од најчестите опции во нападот на Црногорците и важна алка во одбраната. Покрај него за истакнување се и голманот на Металург - Раде Мијатовиќ и бекот на Хановер - Васко Шеваљевиќ.

Тренер:
Нам добропознатиот Зоран Кастратовиќ е предводник на тимот на Црна Гора, кој на оваа позиција е од 2009 година. Оваа сезона беше и паралелно тренер на РК Вардар. Кастратовиќ ја предводеше женската репрезентација на Македонија во 2001 година.

Постот за Хрватска ќе му го препуштам на @TheTrooper

 

[TheTrooper]

Хрватска е позната како репрезентација која во последните 11 години е дел од самиот ракометен врв. Од 2003 година и од изненадувачкото освојување на СП во Португалија почнува златната ера на хрватскиот репрезентативен ракомет која и понатаму трае и покрај речиси целосната смена на генерации и начин на игра.
До пред 3 години тоа беше репрезентација под водство на Балиќ на теренот и Червар надвор од него.Од тогаш репрезентацијата ја превзема неговиот помошник Голужа за кој постојат многу сомнежи во негиовиот тренерски квалитет.Тие сомнежи додатно ги појача и за хрватските стандарди потфрлувањето на СП во Шведска каде што завршија на 5то место.
Како и да е не може да му се оспори на Голужа успешната трансформација на оваа репрезентација.
Лино веќе од 2009 даваше назнаки дека воведува играч кој ќе ја земе диригентската палка од Балиќ - Дувњак и дека играта ќе се базира на јак блок и брзи контри и полуконтри.Голужа беше тој кој што успешно ја доврши таа трансформација,тоа вртење за 180 степени во начинот на игра без да пати многу резултатот.
Сепак колку и да изврши солидна транзиција толку и неискуството,а спред многумина и недостатокот на интелегенција на клупата ја држат Хрватска ускратена за тој додатен чекор кој фали за освојување на нешто посјајно од бронза.

Составот би требало да е целосно познат со само неколку дилеми.Единствено изненадување (непријатно за сите навивачи на Хрватска) е Валчиќ.
Прво име и алфа и омега во екипата е Домагој Дувањк.Денес можеби еден од најдобрите играчи на светот е главната алка во оваа екипа.Он ги води полуконтрите и контрите (во што со Хансен се најдобри на светот), он пуца од 10 метри, он е главен асистент и ако он има лош ден,а контрата не функционира Хрватска секогаш губи.

Заедно со Дувњак за Хрватска најбитна е одбраната - односно нејзините блокови.Составена од неверојатно физички спремни играчи кои во некои комбинации знаат да бидат сите над 200цм и кои се доста брзи во нозете и рацете за играчи со таа висина. Одбраната е или некоја поплитка 5-1 со најчесто Вори како преден или плитка 6-0.Не месарат како французите туку ја користат својата предност во висина и се поставуваат добро сите пред противнците и така тешко даваат некој да излезе преку нив на 6 метри или да шутне над нив.Се фокусираат на бековите и често го оставаат противничкиот пикер да игра и најчесто само тој е единствениот кој ги држи противниците во игра.Ама и тоа е добро замислено затоа што многу често и ги крадат тие топки наменети за пикерот и така одат во контра.

Дури и ако ги пројде нешто воловите напред тука е Алиловиќ кој е исто двометраш кого го красат брзи реакции.Мирко исто така има и милиметарски прецизни додавања напред за крилата во контра.Единствена мана и карактеристика која му фали да е во рангот на Омејер и Штербик е тоа што не е клач играч.Го нема тоа во него да е најдобар кога најмногу треба,Многу ретко знае да направи само 3 одбрани,но со тие 3 да донесе победа.Едноставно ја нема таа психа,бар не сеуште...сепак за голман е сеуште доста млад со 28 години.

Крилата се сите мали,ниски и многу експлозивни.Сите се под 185цм висина.Никој од нив нема да може да игра халф во одбрана,но затоа ќе бидат на другиот гол дур да им текне на противничките играчи да се вратат назад.Чупиќ е тука посебно значаен пред се поради одличната реализација од 7 метри и неговата пожртвувана игра.

Пикерот е проблем со оглед на годините на Вори и невикањето на Сулиќ.Муса е одличен во одбраната,еден од најснажните играчи на светот,но во нападот подпросечен играч.
Дур има снага Вори нема проблем....ама он има 34 години и се помалку сила.

За многу луѓе проблем би бил и десниот бек,но никако не се согласувам со тоа.Со тек на времето Копљар ми стана омилен играч.Човекот игра многу паметно,констатно и во двата правца 60 минути.Иритира многу луѓе затоа што не игра како што би се очекувало од играч со негова конструкција и му фали жарот кои го имаат остантите играчи.Не зема повеќе од 3-4 шута по утакмица и повеќе голови дава од 7 метри и помалку од колку надовр од 9. Гледа попрво да асистира него да шутира. Тотално атипичен играч кон кого статистиката е ретко наклонета. Ако не функционира тоа,ако треба некој да разбие и да пукне без да му ја мисли тука е Бунтиќ.Страшно неинвентивен играч,но ај да те видам пробај задржи го кога ќе тргне.Спор играч со само една финта,но тешко се задржува кога ќе ја направи и воопшто не се плаши да повлече кога треба.
На левиот бек многу ќе зависи од здравјето на Лац,ама и онака тој 10 години ниту еднаш не бил здрав .Тука сите се еднодимензионални играчи и склони кон повреди,но секој од нив знае да даде квалитетен допринос во играта. Посебно важен може да е Мандалиниќ кој може на кого сака да му збибери 3-4 добри голчиња од 10 метри кога ништо не иде и да ја крене екипата.
Уште една сила на оваа екипа е и тимскиот дух и заедништвото на играчите.Се гледа дека одлично се сложуваат и дека се сите за еден - еден за сите.
Се на се екипа од самиот врв на која треба да и се поклопат доста работи за да биде прва.

 

[bbbbbb]

Poentata za Alilovic na Trooper mislam deka generalno vazhi za mnogu drugi vo sostavot. Super igrachi, na hartija strashen sostav, ama koga kje dojde kluchniot mech - najchesto polufinale - totalen out. Ne e samo Alilovic, tuku i Lackovic, Chupich, Kopljar, Buntic, Musa, shto najdobro se vide na OI vo London. Taman pomisliv deka osvojuvaat posle strashnata i nadmokjna igra vo grupata (osobeno protiv Danska) oni kapituliraa pred Francija.

Kolku i da ima interni problemi vo federacijata i da rabotat sueti na relacija trener igrachi, da se izostavat od reprezentativniot sostav Balic, Sulich i Spoljarich e seriozen delikt. A shto ima namesto niv? Valchich, Musa i Gojun (so seta pochit za deckovo, no ima ushte mnogu da jade na tehnichki plan). I 100 treneri da biraat megju ovie, 100 kje gi izberat prvive pred vtorive trojca.
Ponatamu, preferencata na Buntic pred Stepancic i Shebetich ne mi se dopagja i mislam e preterana. Nikoj od ovie ne igra odbrana asalno, ama vo napad bi go preferiral jas Shebtich, vo sluchaj koga Kopljar e i biten igrach vo odbrana. Levo, isto taka pred site bi go stavil Slishkovich, koj igra fantastichna sezona vo Celje, osobeno vo LS. Lackovic i Bichanich igraat na nivo poslabo od nego cela sezona.

Ne znam... vo mojata prognoza gi staviv na treto mesto na shampionatov, ama so skepsa (valjda zoshto ochekuvam Shvedska da bide iznenaduvanje na shampionatov). Kako i da e ne ochekuvaat iskluchitelno interesni natprevari vo grupata shto kje se formira od C i D. Samo dvajca patnici za polufinale od : Francija, Srbija, Hrvatska, Shvedska.... hmmm... kje bide krvavo dobro...

 

[Sungerot Bob]

Која репрезентација НЕМА да се квалификува понатаму? ...... Па мислам дека Шведска и Хрватска дефинитивно одат понатаму, иако тоа и не мора да значи.
А 97% или Белорусија или Црна Гора нема да оди понатаму.
Ако морам да бирам помеѓу овие две репрезентации, сепак мислам дека Белорусија нема да се квалификува понатаму, зошто реално гледано ептен се слаби..... не дека Црногорците се којзнае колку јаки, но бар имале бар малце повисок пласман во однос на Белорусците.

Така да според мене оние кои нема да се квалификуваат понатаму се Белорусија...., но сепак ќе речам, не мора да значи

 

[Xsago]

Мислам дека лесно може да се случи ова да е најслаба група на првенството. Црна Гора и Белорусија барем на хартија мислам дека се најслаби репрезентации на првенството (макар што Австрија, Чешка, Македонија и Норвешка не се многу понапред). А и Шведска јас напротив мислам дека ќе разочара. 2 екипи нормално мора да поминат понатаму ама толку ќе им биде дострелот.

 

[TheTrooper]

Црна Гора испаѓа.Да беа Марковиќ и Мелиќ и ќе беше интересна борба за 3то место,ама вака Белорусите се каде каде посилни.
Рутенка и пола Динамо Минск и Брест не се екипа за потценување.Башка поминаа не баш лесна група за да стигнат на ова ЕП.
--- надополнето: 6 јануари 2014 во 20:15 ---

Мислам дека лесно може да се случи ова да е најслаба група на првенството. Црна Гора и Белорусија барем на хартија мислам дека се најслаби репрезентации на првенството (макар што Австрија, Чешка, Македонија и Норвешка не се многу понапред). А и Шведска јас напротив мислам дека ќе разочара. 2 екипи нормално мора да поминат понатаму ама толку ќе им биде дострелот.

Сериозно ? А групата со Австрија,Македонија и Чешка е многу посилна ?

 

[Xsago]

Сериозно ? А групата со Австрија,Македонија и Чешка е многу посилна ?

Тука некаде се, нашата е другиот канидат, ама имам впечаток дека Австрија и Чешка ќе бидат во добра форма за разлика од Шведска и Белорусија.

 

[TheTrooper]

Тука некаде се, нашата е другиот канидат, ама имам впечаток дека Австрија и Чешка ќе бидат во добра форма за разлика од Шведска и Белорусија.

Дека играат добри пријателски ?
Мене тоа баш за нив ми кажува дека прерано ќе влезат во форма и ќе изгорат.
Башка што резултатите во пријателските никогаш не кажуваат кој каков турнир ќе има

 

[BilboBaggins]

А Мелиќ зошто не игра? Марковиќ знам е скаран со селекторот така?

Очекувам Белорусите да поминат само заради Рутенка, ама во втора фаза во никој случај нема да можат да се носат со другите.

 

[Xsago]

Дека играат добри пријателски ?
Мене тоа баш за нив ми кажува дека прерано ќе влезат во форма и ќе изгорат.
Башка што резултатите во пријателските никогаш не кажуваат кој каков турнир ќе има

Немаат врска пријателските, истото го мислев и претходно. Подолго време имаат добри резултати и Австријците и Чесите додека Белорусите и Швеѓаните се "влечат" по малку. Барем мене така ми изгледа. Дај боже да грешам и лесно да ја минеме групата. А факт е дека секогаш има комплетно неочекувани изненадувања и разочарувања на првенствата. Ќе видиме кој ќе биде што оваа година....

П.С. Се разбира откажувањата на некои од Црно Горците и повредата на Ким Андерсон ми влијаат врз мислењето.

 

[ElNinho]

Blaženko Lacković neće putovati na rukometni Euro u Dansku. Tako je odlučio izbornik Slavko Goluža koji je procijenio kako je ozljeda koljena iskusnog rukometaša ipak preteška da bi ga čekao.

Е сеа да отиде со дуото Мандалиниќ и Слишковиќ во напад мислам дека ќе експлодираат двајцата, но овој ќе го земе Бичаниќ место вториов.

Иако има можност и Лацковиќ да биде пријавен, но да го чуваат за 2 круг...

 

[Tomasino]

Штета за Лацковиќ,го откостија повредите ....навистина перфектен играч,да имаше малку повеќе среќа ќе беше на нивото на најголемите светски леви бекови како Хансен,Јиха,Карабатиќ....(иако и сега припаѓа таму)....
Никако да излезат со најдоброто што го имаат,секогаш им се случуваат некои пехови..
Бичаниќ не е лош избор,има шут дечкото,има добра техника,ќе брка работа,но Лац си е Лац...
Trooper си кажа се како треба за хрватскиот тим,нема потреба од дополнителен коментар..би требало лесно да ја пројдат групата со најмалку 2 бода во наредна фаза...
Швеѓаните собраа салам тим,супер голмани Андерсон и Сјорстранд,Лархом,Ду Риц,Калман,касапи во одбрана како Јернемир и Тобиаш Карлсон,штета шо Ким Андерсон е аут,иначе ќе беа фаворити за самата завршниц
Белорусите според мене ќе бидат ја поминат групата,последните неколку сезони им се најдобри на репрезентативен план,богами и на клубски...
Играат супер брз ракомет,даваат многу голови,но и примаат...ќе имаат проблем со добрите одбрани на Хрватска и Шведска,но би требало да пружат отпор,посебно против Шведска...
Црна Гора е залутана овде,мислам дека убедливо ќе испаднат,со 0 бодови на своето конто..
Им лежат Швеѓаните,но едно е да играш на домашен терен,друго е да играш турнирски....
Да играше Марковиќ ќе личеа на нешто,ама вака тешко..

 

[ElNinho]

Леле Мирко ги отпиша овие!

 

[Кико Д.]

Леле Мирко ги отпиша овие!

Кај има пренос?

 

[Дуле Пацов]

https://www.youtube.com/user/ehfeuro?feature=watcha

Кај има пренос?

https://www.youtube.com/user/ehfeuro?feature=watcha
Го утнав линкот пред малку