Дали има потреба од закон или правна легислатива за регулација на опасни раси на кучиња?

[Uluru]

Овдека не зборуваме за змии и стаорци, зборуваме за угризи од кучиња кои навистина се случиле и секојдневно се случуваат, а не треба да се случуваат. Незнам одкога ја следиш темава Lurtz, но јас на минативе неколку страни наведов аргументи за слабите точки на законите кои се ориентирани кон одредени раси - не се ефикасни и во многу земји каде се применувале со години, веќе се укинуваат и заменуваат со закони кои повеќе се ориентирани кон одговорноста на сопственикот. Многу едноставно, кога ќе ги одстраниш сортите кои најчесто се споменувани во напади на луѓе, бројот на напади не се намалува, туку само се сменуваат расите кои напаѓаат. Тоа е веќе докажан факт. Значи пекинезерот на момчето можел исто така да биде задавен и од хаски, маламут, чау-чау, шарпланинец итн...баш заради тој нагон што го спомнав во претходниот мој пост. Е сега, ако се применува како што треба законот за маски и поводници, ваквите инциденти ќе се намалат. Јас претходно поставив едно прашање и никој не ми одговори, еве сега и тебе те прашувам - од аспект на родител - дали тебе би ти било побитно твоето дете да не биде никогаш каснато од пит бул, или слична раса, или да на биде никогаш каснато од ниедно куче???
--- надополнето: 12 февруари 2012 во 02:43 ---

Eве Lurtz, се надевам дека ова малку ќе помогне за да не вртиш енциклопедија и да не носиш стек со тебе благодарение на Controlled chaos dog training(ако англискиот е проблем, нудам и превод) и НЗС кучињата не се играчки па да си играш со нив, коректниот и културен начин на комуникација со кучето е најпрвин да го прашаш сопственикот дали можеш да го погалиш кучето.​

 

[Lurtz]

Не е за секој идиот куче, посебно не од овие раси. Ги тераат на агресувност уште од кученца, ги тепат, ги сскат, ги спремаат за борби и психата на кученцето им ја пореметуваат што доведува до таа агресивност кога ќе пораснат. Во моево маало има најмалку 2ца вакви идиоти со питови...
На ваков начин да чуваш и пикинејзер, кога ќе порасне апсолутно ќе биде агресивен.

За такви луѓе зборам Алфа Дог...само што пекинезерот пуштен на улица или во парк обично (колку и да се серт по природа тие мали раси) нема ни да го забележиме.
Различни примери, различни профили на сопственици и раси кучиња...не се правило, но многу чести се оние несакани комбинации.
Од она што го разбрав од една колешка словенка (честопати се информирам за секојдневието од колеги за нивните држави), имаат огромни казни и ригорозни контроли. Ако бидат пријавени треба буквално да земат кредит за да ги отплаќаат казните.
Не знам зашто не може нешто да се стори и овде. На пример да не смее да се пушти надвор без ланец, кое и да било куче. Во спротивно не треба да се жалиме ниту од коњите пуштени по булевари, и тие се домашни животни, а не напаѓаат никого

еве сега и тебе те прашувам - од аспект на родител -

Нормално од ниедно само информациите од терен (медиуми, гугл) говорат во прилог на честа комбинација девијантна личност да бара поголемо куче или поголема штета при напад. Обично сум чувал поголеми кучиња (не расни), но никогаш не сум ги пуштал низ улица да трчаат, ниту сум ги сскал некому...затоа што то куче ќе ги запамети моите намери и следниот пат и без да му кажам ќе му се пушти на истото лице. Башка и не сум таков тип да заплашувам некого.
Проблемот е што одредени сопственици ја бираат расата према сопствени убедувања и потреби...а потребите на еден таков (не)човек (како оној што го има пуштено па му го изел пекинезерчето или момчето од Штип што го мачеше своето куче) е расата да е што поподложна на можно насилство. Еден таков човек не ми се верува дека ќе чува пекинезерче или друго мало куче, колку и да е способно да гризне.
Ако се чуваат регуларно, мислам дека ваква тема за опасни или неопасни раси немаше ни да постои односно ќе се дешаваа само ретки исклучоци кои е полесно да ги контролираш...а еве како размислуваат некои сопственици

Види сеа,јас сакам да земам уште едно куче,чувар.Кучето би било стафорд значи ќе го направам убиец,кој да ми влезе во двор да го изеде.Тоа е мое право дали ќе го направам агресивно.На крајот моја е одлуката какво куче ќе имам, и никој неможе да ми забрани дали ќе имам убиец во двор!Мое си е, и јас ќе одговарам за него.

А што прават различни раси кучиња

Знам еден Шарпланинец не само што удави чивава,туку и ја изеде а после ја исповрати.Ама тој бил хранет со живо месо така да убав залак му се видела чивавата!

Здраво на сите,
Утрово мојот пекинезер Бони беше нападнат од питбул и умре. Во Скопје живеам но сега незнам каде да го закопам/однесам. Не сакам да го фрлам во контејнер како да е ѓубре
.

 

[Uluru]

Ете гледаш... затоа јас сум против ставањето на тапет на поедини раси. Бидејки главниот проблем е секогаш сопственикот, а не расата на кучето. Таквите искомплексирани типови ако ја забраниш расата што моментално ја чуваат, едноставно ќе се префрлат на друга раса, и што е најтрагично тоа може да е куче од голем раст и раса која не се смета за опасна, но со таков неодговорен сопственик кој не бил никогаш санкциониран за своите постапки, па со тоа куче да предизвика инцидент со многу многу потрагичен исход од две дупчиња на ногата на дете. Точно е дека најголем број инциденти се предизвикани од големи и моќни кучиња но битниот момент е што тие не биле под контрола на сопствениците. А големо силно куче спрема мало дете или мало куче - јасно е каков ќе биде исходот.
Проблемот кај нас е што има закон и има санкции кои го регулираат чувањето на кучињата, но еве еден интересен момент - многу често ваквите инциденти не се пријавуваат правилно кај надлежните органи, туку правдата ја бараат медиумите, и се останува на сензацијата, а проблемот не е решен. Значи полицијата може кривично да го гони сопственикот на кучето а исто и ветеринарната инспекција, која што може да санкционира многу повеќе работи кај еден таков сопственик отколку само дали во моментот кучето имало маска и поводник или не, и може да изрече една така поприлична казнена сума. Е сега мал број од ваквите случаи кај нас се пријавува во полиција, додека скоро воопшто не се пријавува кај ветеринарната инспекција. Една друга работа е што велиме нели дека кај нас голем проблем за нашата безбедност се пит були кои се чуваат и тренираат исклучиво за агресија и борби. Но баш за напади од такви кучиња не сме читале кај нас - затоа што баш тие што чуваат такви кучиња знаат што и зошто чуваат. Тие кучиња тешко е да дојдат во ситуација да повредат дете, затоа што никогаш нема да дојдат до школски двор или парк бидејки практично освен нивниот бокс, траката за трчање и рингот за борба ништо друго и не гледаат. Иронично , но таквите кучиња се чуваат поодговорно од некои wannabe опасни фаци.
Затоа мислам дека не е битно како ќе го чува некој кучето, туку колку може да го контролира.Точно е дека секој има право да си го истренира кучето како сака, но се додека на јавни површини може да го држи под контрола така да тоа не предизвика штета и не повреди никого. Значи и ,,убиец во двор,, може да биде крајно социјализирано и културно куче на јавни површини ако така се истренира. Во спротивно, имате лошо истренирано куче што е вон контрола на сопственикот и е општа опасност за сите околу него. Пример за кучиња дресирани за чување и заштита гледаме секој ден - тоа се полициските кучиња кои без никаков проблем можат да совладаат човек , но надвор секое дете може слободно да ги погали, не затоа што не се опасни, туку затоа што се под целосна кнтрола на хендлерот. Кога ќе ги сретнете дечките од полиција слободно прашајте ги за тоа, секогаш радо ќе ви одговорат.

 

[ZeenaK9]

само што пекинезерот пуштен на улица или во парк обично (колку и да се серт по природа тие мали раси) нема ни да го забележиме.

Не знам зашто не може нешто да се стори и овде. На пример да не смее да се пушти надвор без ланец, кое и да било куче. Во спротивно не треба да се жалиме ниту од коњите пуштени по булевари, и тие се домашни животни, а не напаѓаат никого

Обично сум чувал поголеми кучиња (не расни), но никогаш не сум ги пуштал низ улица да трчаат, ниту сум ги сскал некому...затоа што то куче ќе ги запамети моите намери и следниот пат и без да му кажам ќе му се пушти на истото лице. Башка и не сум таков тип да заплашувам некого.

Проблемот е што одредени сопственици ја бираат расата према сопствени убедувања и потреби...а потребите на еден таков (не)човек (како оној што го има пуштено па му го изел пекинезерчето или момчето од Штип што го мачеше своето куче) е расата да е што поподложна на можно насилство. Еден таков човек не ми се верува дека ќе чува пекинезерче или друго мало куче, колку и да е способно да гризне.
Ако се чуваат регуларно, мислам дека ваква тема за опасни или неопасни раси немаше ни да постои односно ќе се дешаваа само ретки исклучоци кои е полесно да ги контролираш..

Проблемот со тоа пекинејзерче што шета во парк без ланец, можеби нема ние да го забележиме но затоа ќе го забележат кучињата. Ако тоа пекинејзерче не е добро социјализирано и нема одредени манири кои покажуваат респект према другите кучиња- ќе било изедено од било кое. Дечкото јас убаво го прашав, кога кажа дека пит булл му го убил пекинејзерот- кој бил без ланец? Дечкото не ми одговори, што за мене значеше само едно, пуштен пекинејзер (со наполеонов комплекс), а за питот не знам дал бил врзан или пуштен, ма да во последно време не сум видела многу пуштени...
Мене ми се има случено да го шетам кучево низ парк, нормално на ланец и редовно со маска, кога од некоја страна ќе ми се пушти некој минијатурен створ и го гриза за нога, ми рипа на глава и го гребе по учи. Среќа кучево е толерантно, но и нејзината толеранција некогаш ќе има крај... јас им се обраќам на сопствениците на кутрето, а тие, како вистински сопственици требаше да го тргнат кучето, но не...тие стоеја на страна и се смееа и се гордееа за тоа како нивнотот минијатурно кутре му покажува сила на еден ротвајлер. Не сакам ни да замислам, ако малку поише ја гризнеше и јас немав добра контрола врз нејзе, што ќе се случи со тие мали кутриња... и во ситуацијава кој е крив? Па, ако гледам од моја страна и од страна на секој одговорен сопственик, кутрето без ланец е криво, без разлика на неговата големина, али замисли, никој кога ќе не има по весници, нема да каже што се случило, туку ќе следи наслов- ротвајлер повторно нападна....

Без разликана на големината на кучето, сите кучиња треба да бидат на ланец, сите кучиња треба да носат маски....

Ти си чувал големи кутриња и си бил одговорен сопственик, но ете не се сите такви... па повторно ќе потенцирам, свртете се против сопствениците а не против кучињата.
--- надополнето: 12 февруари 2012 во 11:57 ---

Да ти дефинирам сериозност и култура на дискутирање на форумов? Си слушнала барем како се создавани некои раси и што значи вкрстување на раси? Среди се во тој поглед па ќе дискутираме.
Ајт сега назад на темава и полека со пресуди за кој бил кој не експерт.
Поздрав Ивана

Многу добро знам како се создадени огромен дел од расите, една твоја утка тука, зборуваш оремногу очигледни работи, тоа ти е вкрстувањето... а за култура на форум....имаш пп нели малку ти е офф топикче муабетчево.

 

[Лајто]

Не сум некој борец против овие кучиња но навистина ме запрепасти случкава. Ајде да видам какво алиби ќе кажете овде или причина што нападнало кучето...

http://www.sitel.com.mk/dnevnik/svet/voditelkata-shto-ja-grizna-kuche-zakrpena-so-70-konci

 

[ZeenaK9]

Кои 70 конци Бог да чува.... цела фаца ли и ја шиеле... и ете, замислете не Пит или Рот, туку Дого Аргентино... ловџиско куче.... и шо мајка бара фацата нејзина кај кучето во уста да ја пика....али ајде... да не се навлага и тука...

 

[Uluru]

За ова куче нема потреба од алиби, а причината.... ова не е класичен напад од агресивно куче, туку предупредувачко укасување ,,тргни се од мене,, Ако сте го гледале клипот, кучето без проблем можело да ја искасапи водителката - ако сакало. Ова не е прв случај, се има случено и претходно ваква ситуација и тоа при интервју со полициско куче.
http://animal.discovery.com/videos/untamed-and-uncut-attack-dog-bites-reporter.html
Интересно е што и во двата случаи голем број на експерти за однесување кај кучињата укажале на тоа дека се работи не за агресивен напад, туку едноставно за неразбирање на говорот на телото на кучињата, кои и во двата случаи покажувале знаци (помалку или повеќе јасни) дека не сакаат толку да им се доближи некој.
За овој случај и Цезар Милан има дадено свое мислење.
http://www.cesarsway.com/newsandeve...storm&utm_medium=email&utm_campaign=Feb12NL_2

Бројот на конци нека не ве запрепастува. Водителката заработува со тоа што лицето и е пред камерите, многу нормално дека повредите треба да се санираат со фина пластична хирургија, што бара и поголем број конци.
--- надополнето: 14 февруари 2012 во 16:32 ---
http://www.cesarsway.com/newsandeve...Cesar-and-Junior-Celebrating-150th-Ep-on-GDLA

 

[ZeenaK9]

За ова куче нема потреба од алиби, а причината.... ова не е класичен напад од агресивно куче, туку предупредувачко укасување ,,тргни се од мене,, Ако сте го гледале клипот, кучето без проблем можело да ја искасапи водителката - ако сакало. Ова не е прв случај, се има случено и претходно ваква ситуација и тоа при интервју со полициско куче.
http://animal.discovery.com/videos/untamed-and-uncut-attack-dog-bites-reporter.html
Интересно е што и во двата случаи голем број на експерти за однесување кај кучињата укажале на тоа дека се работи не за агресивен напад, туку едноставно за неразбирање на говорот на телото на кучињата, кои и во двата случаи покажувале знаци (помалку или повеќе јасни) дека не сакаат толку да им се доближи некој.
За овој случај и Цезар Милан има дадено свое мислење.
http://www.cesarsway.com/newsandeve...storm&utm_medium=email&utm_campaign=Feb12NL_2

Бројот на конци нека не ве запрепастува. Водителката заработува со тоа што лицето и е пред камерите, многу нормално дека повредите треба да се санираат со фина пластична хирургија, што бара и поголем број конци.
--- надополнето: 14 февруари 2012 во 16:32 ---
http://www.cesarsway.com/newsandeve...Cesar-and-Junior-Celebrating-150th-Ep-on-GDLA

И не треба да бидеш некој голем експерт за да знаеш дека не можеш својата фаца да му ја ставиш на кучето во уста, посебно ако не го познаваш и ако не те познава. Кучето си даваше многу јасни знаци дека не сака да биде малтретирано со тоа што цело време си ја лиже устата, покажува анкциозност... но глупава водителка, што да и правиш...

 

[Uluru]

А за ова алиби ?????
http://www.abc24.com/content/thetru...-City-Leader-Says/VuEqpZrj0Ue92h8zbCy6Qg.cspx
--- надополнето: 15 февруари 2012 во 23:58 ---

 

[Vanlok]

Кои 70 конци Бог да чува.... цела фаца ли и ја шиеле... и ете, замислете не Пит или Рот, туку Дого Аргентино... ловџиско куче.... и шо мајка бара фацата нејзина кај кучето во уста да ја пика....али ајде... да не се навлага и тука...

Argentine Mastiff (also known as the Dogo Argentino) не е случајно ставено во листата на Опасни раси на кучиња, таму каде чувањето е регулирано со закон.
Во генезата на оваа раса, влегуваат неколку Бул раси, од кои најдоминанти се тие на Бул териерот. Директен предок е изумрениот Кордоба фајтинг дог, кој е крос меѓу Бул Териер, Мастиф и Булдог.
Намената на овие раси а и на Дого Аргентино, е ловење на крупен дивеч и полудив добиток, како бикови на пример кои некогаш ги чувале како полудиви и постојано на испаша. Овие бул раси често гравитираат кон касање на муцката на бикот (и понекогаш на водителките) со што ја анулираат опасноста од роговите.

Поентата е дека Питбул и Дого Аргентино се повеќе сродни одколку што мислиш.

​

​

Не, ова не се слики од истото куче. Едно е Аргентино Дого а другото Питбул.
Ајде погоди кое е од која раса?​

Тоа што познавачите (поточно љубителите) на ваквите раси на кучиња не можат (или не сакаат) да разберат е дека генералната човечка популација не ја познава кучешката психологија, говор на телото и слично. Кога една водителка не ја подготвиле пред емисија (макар од сопственикот), тогаш што да очекувате од 99% од луѓето што се шетаат со децата во парк или покрај кеј?
Како на 2-3 годишно дете кое само што проодело ќе го научите тоа?

Во случајов со каснувањето на водителката, што прави сопственикот? Па зарем тој исто не испеал да ги прочита знаците на нервоза кај кучето?


Како веќе кажа Улуру, сите кучиња треба да се со маска и на ланец. Со тоа што јас мислам дека за расите кои потекнуваат од Бул расите, како и за сите кучиња над одредена килажа треба да постојат построги регулации. Како во регулациите кои постојат во повеќето земји и кои пред се, се состојат од одредување на тоа кој се може да чува вакви раси, како и строго евидентирање и следење на таквите кучиња. Со строги санкции за кучето и за сопственикот кога ќе има екцесна ситуација, макар и без последици.

 

[Uluru]

Ти ја разбирам поентата Ванлок, но морам да констатирам дека има неколку грешки, кои се за мене многу битни бидејки се главен дел на причините зашто јас не одобрувам вака формулиран закон.
Да тргнеме од генезата односно генетиката. предците на ДА претпоставувам ги пренесе најверојатно од википедија и на база на тоа (претпоставувам) тврдиш дека се многу блиско сродни, малтене иста група со бул тип расите (?). ДА не е бул тип, сродството со пит бул првенствено е преку мастиф типот, и ДА спаѓа во мастифи. Така да поблизу се сродни Јоркширскиот териер со Пит бул териерот (иста група, исти особини) отколку Пит бул териер и ДА. Ако веќе одиме на тоа која раса како и за што била создадена, пред да се донесе заклучок за една благородна раса како што е ДА треба мислам малку подетално да се разгледа нејзината историја. Да не должам многу, ќе те замолам да го отвориш и прочиташ следниот линк, каде имаш нешто подетално објаснето за историјата на расата, исто така и детална листа на раси кои влегле во ,,составот,, на ДА, како и видувањето на ,,таткото,, на расата за тоа што го постигнал, и насоката во која треба понатамошната еволуција на расата да се движи. Не е толку просто и едноставно како што ти изгледа.

http://www.huntingdogos.com/dogo_history.asp

Исто така сите кои ја споменуваат генетиката и генезата на пит бул типовите - напаѓањето им е вродено, создавани се за борби и напаѓање итн, итн.... прават една кардинална грешка. Имено, сите овие раси, се стари од стотина, до неколку стотини години.При создавањето многу повеќе се внимавало на особини како што е стабилноста на карактер, темперамент итн, бидејки овие раси се создавале со некоја цел - било да е тоа за работа, лов, заштита итн., што ги направило евентуално и погодни кандидати за борби.Но, битното е што при создавањето на овие раси се создала могу добра генетска основа во однос на карактерот на ваквите раси (за секоја раса посебно) па поради тоа иако во светот има милиони и милиони пит бул тип и мастиф тип раси , но нема секоја година милиони луѓе убиени од такви кучиња.Е сега, далеку од тоа дека сега овие раси ги имаат сосема истите особини како и кога биле создадени, но постојано се испушта од предвид една битна работа - како што и самите статистики кажуваат бројот на напади од кучиња (и напади од пит бул раси) секоја година е се поголем, но генезата на расите во тоа нема скоро никаква улога, туку проблемот може првенствено да се најде кај неодговорните одгледувачи, односно штанчаци на кучиња каде не се внимава на никакви особини, па излегуваат кучиња со нестабилен карактер и нерви.Овој проблем не води потекло од настанокот на расите, тој потекнува од последниве 30-40 години.
Исто така кога сме кај конкретниов случај со водителкава, ете пректичен пример. Зошто куче од раса која е опасна, на која и е генетски вродено да напаѓа и да биде агресивна, како што тврдат повеќето противници на овие раси, зошто не изврши напад како што се тврди дека само овие раси можат да извршат - искасапена или убиена водителка, откинати раце, нозе итн... Зошто тоа не се случи овде,туку кучето само еднаш ја касна водителката ??? Е тоа е генетиката на дело. Ова куче всушност не покажа никаква различна реакција од било која друга раса на куче ставено во таа позиција. Всушност како што покажав на минатата страна, сосема ист таков случај имаше и со полициски германски овчар кој го касна водителот за лицето при едно интервју. Значи дека и овчарските и пит бул тип расите се поблиски сродници отколку што се чини.

Ванлок, дали би се чувствувал побезбеден ако на кеј или во парк сретнеш некое од овие кучиња на пример?

Сликиве ги поставувам само за да ти покажам дека нема ништо полошо од одредување на агресивноста за расата на база на тоа како таа изгледа, тоа е погрешно и неуко, и апсурдно.
За да не се мачиш, на првите две слики кучињата се мешавини од лабрадор... и пит бул, третата е мешавина од хаски... и пит бул и последната е мешавина од германски овчар ... и пит бул. Значи секое е потенцијален убиец... ама не личи на такво.
И во основа пак за случајот со водителката цел низ на познавачи на кучиња рекоа дека тука се работи за човечка грешка.
Ако имаш куче кое на кеј или во парк би ги вознемирувало шетачите, или велосипедистите или било кој, треба да биде на поводник и под контрола - па од било која раса и да е - толку е просто.
Да оставиш мало дете само со било кое куче е неодговорно - па макар кучето било и пекинезер - толку е просто.
И на крај, уште една од причините што мислам дека вреди да се бориме против вакви закони се луѓе кои не бираат средства поради нивната омраза кон некои кучиња, луѓе со ,,многу високи,, морални и етички вредностии елоквенција и едуцираност на ,,завидно,, ниво кои прават борбата против BSL да стане global effort.

http://cravendesires.blogspot.com/2010/09/weekly-frankenmauler-roundup-x2-91110.html

сајтов е ,,чедо,, на основачката на dogsbite.org и написите се лично нејзини - навистина личност за пример.

 

[Мајло]

Епа повеќето од тие раси се и токму за тетовирани фаци створени. И едно е јасно: пекинезер, пудла и пит бул немаат иста вилица и нагони. Така да подобро пекинезери да си чувате.

Ја не сум тетовиран,не сум мускулест,имам 80 кила и чувам пит бул.Кога ќе престанат тие предрасуди тогаш ќе може да се збори за некаков напредок во разбирањето на тие кучиња.Мирко Филиповиќ чува пикинезер.

Питовите се прекрасни кучиња,ако си чувал или пак си бил во нивна близина.Мојата кучка е секогаш на ланец,со маска,чувана е дома а кога е во двор нема шанси да излезе од нигде,имам знак пази кучи,вакцинирана е против беснило.Кога ја шетав во парк СО МАСКА,едно така мило кученце лабрадорче(од оние мирните за мали деца што се и што сакаат све живо и диво,што мрда и што не мрда),се пушти на моето куче.И кажете ми сега дали овие две раси на кучиња имаат исти третман?Дали да не бев јас да беше некој друг со пократок фитиљ го одврзе питот и се случива масакр,утредента во Вест ќе пишува ''Разбеснат пит бул масакрираше невино лабрадорче''.

Се е до начинот на одгледување и дресирање.Дотичните ова ќе го разберат тогаш кога и студентите на Архивистика ќе ја разберат квантната физика.

 

[Vanlok]

Во врска со веродостојноста на податоците, зошто еден http://www.huntingdogos.com би го земале за поведостоен од википедија?
Како и да е, немав намера да влегувам во детална генетска анализа на ДА, освен фактот дека бул териер е голем дел од генотипот (како и кај некои други раси за кои зборевме). Дали воопшто не се сродни може било кој лаички да заклучи најмалку по фотографиите од мојот предходен пост.


Впрочем Улуру, со задоволство ти ги читам постовите и морам да признаам дека се повеќе од информативни. Разбирам дека состојбата со „чистината„ на расите ја прави работата многу тешка за одредување на расата на одредени мешани примероци. Се согласувам и дека сите кучиња се потенцијално опасни, во специфични околности... соодветно на тоа законот за маска и ланец треба да важи за сите примероци.

Еден закон што ќе го регулира ова, треба да го земе во предвид и потенцијалот за правење штета. Ова е наједноставно да се изврши преку тежината на кучето. Кога ќе надмине одредена граница, потенцијалот за штета е поголем. За овие примероци (или раси) треба да важат поригорозни услови за чување.

На крај, сепак мислам дека неколкуте раси кои „водат„ во направените инциденти, потребни се најригорозните услови за чување... добивање специјална дозвола за чување, плаќање лиценци, детална евиденција за кучето и сопственикот, микрочип (нема веќе бегање без последици кога кучето ќе почне да напаѓа деца во училиште), и др.

... зошто не изврши напад како што се тврди дека само овие раси можат да извршат - искасапена или убиена водителка, откинати раце, нозе итн...

За среќа нема да знаеме што се можеше да се случи да беа сами со водителката, кучето го повлекоа назад...нели?

Заклучокот што треба да го земеме од овој и ваквите случаи е дека луѓето се во огромен дел неинформирани за кучешкото однесување, психологија и говор на телото. Оваа неиформираност нема да се смени, а децата генерално, се додека не се „изгорат„ тешко учат да бидат претпазливи со непознати кучиња. Да, на деацата треба да се внимава... ама некогаш е доволна секунда невнимание на места како парк и кеј, за да се случи несреќа.
Факт е дека голем број кучиња се голема потенцијална опасност за тие што не се членови на семејството. Дури ни тогаш, ако алфа статусот не е точно определен и кучето не си го знае местото.

Со оглед на сето ова, можам да ти одговорам на твоето прашање. Не, не се чуствувам безбедно да шетам деца во парк и на кеј. Барем не додека не почне строго да се применува законот за носење на маска и ланец.

 

[Uluru]

Јас никаде не реков дека не ти се веродостојни податоците, замо потенцирав на тоа дека најверојатно ги имаш преземено од првиот сајт што си го отворил.Ако не ти се допаѓа тој сајт што јас го поставив, повели, провери се имаш десетици други што ги даваат истите податоци. Како што реков, јас сум љубител на детални и темелни информации а не на сувопарно набројување на неколку раси. Заради тоа што така излегува дека конкретнава раса е намерно создадена машина за убивање, а ако ставиш малку подетални информации,се добива друга слика, поцелосна. Дали ги прочита податоците? На пример мене ми се допаѓа тоа што успеале од основа од раса која бла толку агресивна со кучиња, што единките попрво се давеле меѓу себе наместо да се спарат, со воведување на други раси и внимателна селекција, е створен стабилен пес со силни заштитнички карактеристики. Понатаму, створена е расата не од ископмлексирани набилдани стереотипни фаци со безвезни дворски парења, туку од благородни луѓе со внимателна селекција и одгледување, со нагласок на тоа дека не е пожелна инволуција на расата кон агресивноста на нејзиниот предок кордобанскиот пес за борби.
На видеото јаасно се гледа дека во моментот не го држат кучето, и веднаш го тргнуваат - откога ја отпушта водителката од устата.Зошто воопшто ја отпушта? Нели тоа не е типичниот начин на напад на овие раси, ли се закачуваат и не отпуштаат, често дури и додека не го убијат песот? Колку и да се обидуваме да го извртиме тоа ФАКТ е дека кучето само ја касна жената и ја пушти, тоа не е класичен напад. Ете погледни го и видеото со ГО, тој беше на поводник во рацете на неговиот водич, кој беше веднаш до него, па нападот беше сосема ист. И тоа е тоа што сакам да ти укажам, неможема да се базираме на тоа кое куше како изгледа за да одредиме колку сме безбедни од него - изгледот не е никаков репер за постапките на кучето. А и друг пример - зошто питот во школото не ги искасапи децата? Нели напаѓаат на главата, и не запираат? Па како тогаш децава завршија само со по 2 дупчиња на нозете? Значи пак ќе речам - не е толку просто како што се претставува дека изгледа.
И за нешто друго си грешка - во повеќето земји на запад децата добиваат инструкции на училиште како се приоѓа на куче и како се постапува со куче,така да едукацијата на децата не е нешто невозможно.

 

[Vanlok]

Малку што од твојот последен пост можам да го спорам, дури и покрај тоа што очигледно го правиш истото за што (суптилно) ме обвинуваш мене. Заради желбата да го одбраниш ставот, до некаде ти бега целата слика на ситуацијата.



Неколку десетици илјади години, колку што кучето е со човекот, се навистина малку од еволуциски аспект. Соработката се случила затоа што кучето-волкот веќе бил еволуиран во социјално животно кое живее во глутници, каде секој волк има точно определени структурни места во глутницата. Во овие глутници точно се знае кој по кој редослед јаде од пленот, кој се пари и остава потомство, итн.
Без разлика на сите облици, големини, бои и разлики во влакната до кои се дошло преку годините генетска селекција, кучето не е премногу различно од првобитното куче-волк, пред да го сретне човекот.

Кучето човекот го гледа како дел од глутницата, со сите социјални слоеви во неа. Ако човекот не се постави како водач на глутницата или алфа куче како што преферирате да ја нарекувате улогата, тогаш кучето ќе се обиде да се наметне како алфа односно водач, итн итн.
Сите тоа е дел од правилата на однесување во глутницата, комуникација преку говорот на телото, вокално преку лаења, цвилења... сето тоа е дел од непишаните закони на глутницата, настанати неброено повеќе години одколку што трае соработката со човекот.

Ова, покрај научниците, го знаат и некои од постручните љубители на кучињата. Секако не сите од нив, еве и во случајот од телевизија за кој збориме, сопственикот не успеа да ја „прочита„ ситуацијата и да одреагира на начин да не дојде до каснувањето по лице (кое патем беше многу посериозно одколку што изгледа на клипот).
Што ќе се случеше ако кучето беше примерок со понестабилен карактер, зошто сите кучиња од една раса не се исти со идеалот на создавачот на расата, нели?

Што ќе се случеше ако случката не беше во студио, туку во парк со некое љубопитно дете кое ќе се обиде да го погали кучето што дошло да го подушка? Да го погали по врвот на главата како на сите филмови што ги гледа телевизија?
Не само децата, туку и накај 95% од луѓето, па дури и љубителите на кучиња од форумов за животни, верувам не знаат дека галењето по врвот на главата кучето го разбира како чин на доминација врз него. Или поточно агресивен доминациски акт од некој што не е дел на глутницата или можеби е нов член без утврдена улога во глутницата, некој на кој треба да му се покаже местото.
Што ако при тоа другата страна покаже однесување на плен, почне да бега или слично, сите знаеме што се може да се случи... И дефакто се случува, како што секој објективно може да види од бројните ситуации кои љубителите на кучиња овде љубат да ги нарекуваат „новинарски сензационализми„.




Тоа е таа целосна слика за која зборувам, слика која љубителите на кучиња не можат или не сакаат да ја видат. Луѓето, барем огромен дел од нас, и покрај долгиот соживот со кучињата сеуште малку или воопшто не го познаваат кучешкото размислување и комуникација, правилата на глутницата. Ова нема да се смени, луѓето се генерално се мрзливи, незаинтересирани... но такви какви што се, законот треба да ги заштити.

Впрочем каде е проблемот некој како Улуру да ги помине филтрите на законот за да чува куче како питбул, ротвајлер, дого аргентино, доберман, хаски... итн итн, било кое со тежина над ХХ килограми.
За дозвола, Улуру или било кој, ќе треба да:
- не е осудувана за крувични дела
- да нема историја на насилство, тешки тепачки и слично
- да помине едноставна психолошка евалуација (како за возачка дозвола)
- да си плати давачки и такси со кои ќе се платат работите како микрочип за кучето и слично
- итн итн

Каде е проблемот ваквите кучиња да ги поседуваат само одговорни луѓе со добри намери, наместо ропуците во тренерки со дебели златни ланци и сопствениците на местата за кладење на борби со кучиња?