Дали е можно да мразиш некого што воопшто не го познаваш?

[selena]

Da i toa do toj stepen sto ne mozam organski dqa go svaram zaradi negoviot lik,nacin na odnesuvanje koj se povtrouva vo nekolku navarati a jas sum bila prisutna ,nacin na dvizenje,i eden kup drugi raboti koi pridonesle da ne go poznavam a da ne mozam da go disam istiot vozduh so taa licnost.

 

[Viktoranius]

За да мразам некој потребно е да ми е направил лошо, па да го мразам. Иначе оваа фраза најчесто ја користиме кога некој ни е антипатичен, и навика ни е да кажеме "ја мразам" или "го мразам"

 

[~~БоЖиЦа~~]

Да,можно е...Но всушност ние не ги мразиме нив,туку нашата представа што ја имаме стекнато за нив....Или пак заради генерализацијата,ако воопшто јас ја мразам рап ќе ги мразам и сите негови изведувачи..Исто така може да станува и збор за љубомората,без разлика дали се работи за поголем престиж,подобар изглед,со самото тоа што е поуспешен од тебе,чуството на помала вредност од некого е доволно за да те направи да чувствуваш омраза кон личноста,заради која се чувствуваш така.....

 

[Sally]

Па не знам. Некои велат можеби затоа што се работи за љубомора или па не му се свиѓа ко личност. А всушност сето тоа е погрешно-треба да процениме, откако ќе ја запознаеме личноста. А толку сме полни во себе со предрасуди...

 

[Сатори]

Ме интересира што мислите : дали е возможно човек да мрази некој што воопшто не го познава лично?

Јас лично длабоко верувам во тоа дека да се мрази некој е да се троши енергија, а никогаш не сум сакала да ја расфрлам наоколу, иако сум го правела тоа многу назад низ времето.
Затоа сега во моментов, стојам зад тоа дека не ги мразам ниту оние кои што лично ги познавам, а некој чуден начин успеале да ми згрешат, а не па оние што не ги познавам.
Антипатични можат да ми бидат луѓе, но во тој случај, се обидувам да ги игнорирам затоа што не ми вршат никаква функција во тоа дали јас ќе бидам среќна тој ден или не.

Затоа, карактери кои што мразат и што си дозволуваат себеси таков луксуз на коментирање без некој да го познаваат добро или во случајов воопшто не го познаваат, ми се одбивни.
Колку и да и тоа дискриминаторски.

 

[Гладиус]

Ако не познавам некого, едноставно може да имам само замислена омраза према него. За да мразиж човек, треба да му ги знаеш сите позитивни и негативни карактеристики, според кои ти би го замразил... Сепак мислам дека омразата и према некој што го знаеш е чиста нафураност поради одредна работа која едноставно неможеш да ја прифатиш кај таа личност.
Како и да е лично не мразам многу луѓе, иам еден потесен круг на личности кон кои чуствувам омраза, односно согледувам особини кои не можам да ги прифатам....

 

[unperfect]

Неможе да мразиш,само да не ти се сфиѓа...Мислам дека само погрешно се користи зборот мрази во вакви случаи :smir:

 

[Кралот Марко]

Денешното бомбардирање на медиумите од сите страни и врз сите наши сетила не доведува до тоа да ние навистина мразиме. Она што сакам да го кажам во контекст на зборот мрази е следново: Како човек поинаку да се однесува кога медиумите не силуваат со некого по секоја цена и во секое време. Со тоа ние сакале или не ја губиме вистинската перцепција за некого, а добиваме само сервирани информации за одредена личност.Тогаш кога тие информации ќе го надминат нашиот критериум за она што треба некој да го исполнува за да го сакаме, ние почнуваме да го мразиме. Омразата се зголемува се повеќе тогаш кога медиумите почнуваат постојано да не силуваат со веќе одредената од нас личност која ние ја мразиме. Пример за тоа се политичарите, пеачите кои со своите постапки не дразнат и предизвикуваат омраза. Згора на тоа кога веќе сме почнале некого да мразиме,ние полека секоја негова постапка било да е и добра ја карактеризираме како лиша бидејќи омразата е посилна. Ако се прашаме од каде толку омраза, а сепак не го познаваме, ќе речам дека медиумите со својата брзина и моќ не ни дозволуваат макар и да имаме можност некого лично да запознаеме. Ова би го поврзал со една честа фраза која можеме да ја сретнеме во филмовите кога професионален убиец кога дојде пред тој што треба да го убие и му рече: извини немам ништо лично против тебе, но морам да те убијам. Така и образата тоа бомбардирање од сите страни со различни податоци не тера да се чуствуваме како професионални “мразачи“ и покрај тоа што не се знаеме лично со омразената личност, а сепак во нас да осеќаме омраза.

 

[ada]

Мојот став е идентичен со некои од мислењава на темата...Не можеш да мразиш некој што не го познаваш, баш од причина што не го познаваш.
Ти ја мразиш својата субјективна перцепција за него, односно твојата претпоставка за тоа каква е особата.
Ќе видиш или чуеш за некоја негова карактеристика, и ќе си створиш неточна слика за тоа каков е тој во целина. И сето ова поради лоши искуства со особи од твојот живот кои ги познаваш. Па тие искуства ќе те натераат да се убедиш дека и тој мора да биде ужасна особа каков нив. А, истото многу често испаѓа неточно, и е слично со она што го нарекуваме предрасуда.

 

[FrEaKy GiRL]

Мразење за мене е тежок збор. Не мразам некој што го знам, а и не ни сакам да мразам. Има луѓе што ги познавам, а не можам да ги поднесам...ама да ги мразам? Не, не... Значи чим не мразам некој што го познавам, не можам да мразам и некој што не го знам лично. Има едноставно фаци што не можам да ги поднесам, не можам да ги сварам...ама тоа е се. И мислам дека не е поради љубомора. Зашто како можам да му љубоморам на некој што не го знам? И на што да љубоморам? На некоја што има дечко, или се облекува во некојаси марка? Ма дај...Апсурд! А за мразење на јавни личности... тоа па уште поапсурдно ми изгледа. Сите знаеме дека има мн.јавни личности што едни се претставуваат пред тв, а др. се зад камерите..така да...дур не го знам лично...не можам да судам.

И никогаш немам кажано, лелеее ја/го мразам. Може да кажам не можам да ја/го поднесам, ми иде на нерви, одвратен/на ми е, ми се гади од него/неа...ама да мразам некој...НЕ!

 

[G e G o]

Има некој дечки што ми се антипатични до немај каде само како појава а не ги знам

 

[Crazy in Love]

Има некој дечки што ми се антипатични до немај каде само како појава а не ги знам

Може некој да ти биде антипатичен да, тоа се согласувам, ама да МРАЗИШ некого што не го знаеш? Тоа ми е апсурдно. Има разлика некој да не сакаш да го гледаш како појава, до тоа да мразиш некој со кој немаш ни два реда муабет сврзано.

 

[ITK]

За ЈАВНИТЕ личности кои не ни се допагаат,ни се антипатични и слично велиме дека ги мразиме...или пак за обичен човек кој го имаш видено неколку пати во животот и не ти се допаднал понешто можеш да не го поднесуваш и слично...а за да мразиш некој што не го познаваш не верувам

 

[mariaaaa]

До пред малку мислев дека дефинитивно не мо`еш да мразиш некого што не го познаваш, ама после се замислив малку. Што е со терористите што убиваат илјадници луѓе? Што е со тие кои силуваат? Со тие што убиваат? Да, ги мразам тие луѓе.

 

[Сатори]

До пред малку мислев дека дефинитивно не мо`еш да мразиш некого што не го познаваш, ама после се замислив малку. Што е со терористите што убиваат илјадници луѓе? Што е со тие кои силуваат? Со тие што убиваат? Да, ги мразам тие луѓе.

Навистина, ги мразиш?
Можеби крајно себично од моја страна, но можам да ги презирам, да не ги оправдувам, но да потрошам барем еден атом повеќе од сопствената енергија која што може да биде искористена на толку продуктивни работи на мразење некој терорист што не го ни познавам, ниту ми згрешил мене лично нешто, не можам.