CafeDelMar
Luminance
- Член од
- 29 октомври 2007
- Мислења
- 6.505
- Поени од реакции
- 14.691
За Фестивалот
Со огромна чест и задоволство би сакале да ве известиме дека од 15 до 25 ноември ќе се одржи 11-тото издание на Фестивалот на европски филм „Синедејс“, во организација на Младинскиот културен центар – Скопје.
Првото издание на фестивалот се одржа во 2001 година на иницијатива на славниот шпански режисер, Педро Алмодовар, како идеја за „славење на европската кинематографија“. Интересно е што, од повеќето европски држави каде што беше започнат овој фестивал, само во нашата земја тој опстои и се разви во сериозен фестивал – во споредба со европските и светските параметри за еден успешен фестивал: квалитетна селекција на филмови, безброј премиери, бројни програми, интересни придружни активности (работилници, предавања, презентации и концерти) и голем број гости од земјата и странство.
Со секое следно издание, „Синедејс“ се обидува да се надмине себеси имајќи ја на ум концепцијата за просперитет: да ѝ ги прикаже најновите и најнаградуваните европски филмски остварувања на публиката која е секогаш гладна за повеќе.
Веројатно веќе имате забележано дека ние водиме фестивал кој ќе трае 11 дена и ќе содржи филмски премиери со гости режисери, актери и продуценти, проекции, концерти (на различни локации во градот), предавања, работилници, гости – еминентни имиња во европски и светски рамки...
Единаесет дена филмски збиднувања, верни на идејата за автентичен и оригинален филмски фестивал.
Официјално, според минатогодишните бројки во однос на продажбата на билети, „Синедејс“ го посетиле повеќе од 23 илјади љубители на филмот, во сите 5 кина во Скопје (кино „Милениум“, кино „Фросина“, кино „Рамстор“ и во Кинотеката на Македонија) и под отворено на филмско платно со огромни димензии, со повеќе од 70 филма, 10 концерти, 100 гости, презентации, работилници, предавања...
Оваа година уште од сега можеме да потврдиме дека ќе оствариме огромен напредок во квалитетот во однос на минатогодишното, 10-то издание на Фестивалот „Синедејс“.
Новина на ова 11-то издание на Фестивалот „Синедејс“ е зголемениот број учесници во фестивалското жири што е пропорционално на проширениот опус филмови кои ќе бидат прикажани во споменатите селекции и програми. Членови на жирито на Официјалната селекција на 11-тото издание на Фестивалот „Синедејс“ се:
- Јан Харлан, легендарен филмски продуценти и извршен продуцент на филмовите на Стенли Кјубрик;
- Шериф Авад, уредник за филм во списанието „Egypt Today“;
- Вардан Тозија, еден најталентираните млади македонски режисери;
Жирито на селекцијата „Сине Балкан“ го претставуваат:
- Пжемислав Војчешек, контраверзен полски режисер, сценарист и актер, претставник на полската независна кинематографија;
- Габи Бабиќ, директорка на Филмскиот фестивал „goEast“ во Висбаден, Германија, посветен на кинематографијата од Југоисточна Европа и Балканот;
- Јан Цвиткович, словенечки режисер, добитник на бројни наградим актер и сценарист, добитник на наградата Луиџи Де Лаурентис на Филмскиот фестивал во Венеција.
И оваа година, со повеќе од сто филма, разни гости, бројни концерти, предавања и презентации, како во филмовите - наша цел е да го освоиме нашиот град Скопје.
Како и секоја година, програмата се состои од три главни сегменти:
- Официјална селекција, програма во која прикажуваме филмови од млади и перспективни европски режисери кои се во конкуренција за наградата „Златна ѕвезда“ за најдобар филм, наградата „Сребрена ѕвезда“ за најдобро сценарио и „Сина ѕвезда, награда за најдобар актер(ка).
- Програма „Сине Балкан“, селекција посветена на кинематографијата од Југоисточниот дел од Европа, во која режисерите се во конкуренција за наградата „Златно сонце“ за најдобар филм;
- Гала-програма (или програма која е вон конкуренција) која претставува ревија на најнови филмски остварувања од реномирани европски режисери.
Секоја година, на публиката ѝ претставуваме „Земја во фокус“, програма за која оваа година ги одбравме египетската и италијанската кинематографија, избор на музички документарни филмови, работилници, предавања и разни филмски збиднувања.
Кураторот на натпреварувачката филмска селекција на Фестивалот „Синедејс“, почитуваниот г. Бернд Будер, кој претходно го претставивме, е селектор на програмата „Фокус“ на Берлинскиот филмски фестивал. Благодарение на неговите заложби, ќе имаме можност на нашата публика да и го понудиме врвот на богатата европска кинематографија.
Како за почеток, се надеваме дека ви успеавме да ви го доближиме „Синедејс“ како уникатна форма на филмската магија која на ваше, и наше задоволство ќе го обои Градот со боите на „Синедејс“ во периодот од 15 до 25 ноември. Со заеднички напор и труд, можеме да се насочиме кон промоција на трајни културни вредности кои оставаат белег во модерната историја и несомнено значат афирмација на Македонија во Европа и светот, кое знаеме, сите нам ни е насушно значајно во овој период.
Дозволете ни оваа година, заедно да постигнеме уште едно успешно издание на фестивалот, кој оваа година ќе заблеска во едно посебно филмско светло и ќе претставува незаборавно искуство за оние кои знаат да ја препознаат вистинската уметност и ненаситно да се насладуваат.
Еве ја и програмата.
Во понеделник в о17.30 !
