Зад 50-годишната мистерија на т.н. “проколнат леб” кој предизвика масовни халуцинации и неколку смртни случаи кај жителите на француското село Понт Сент Есприт, се крие ЦИА и нејзините експерименти со ЛСД, открива американски писател.
Летото 1951-та година, целото село во јужна Франција наеднаш и мистериозно почнало да страда од психози и халуцинации, поради што најмалку седуммина починале а околу педесетина завршиле во лудница.
Еден од селаните уверен дека стомакот му го јадат змии, се обидел да се удави, друг 11-годишник сакал да си ја задави баба си, додека трет мислејќи дека е авион, се фрлил од вториот спрат и си ги скршил нозете. И покрај тоа, продолжил да трча уште 50 метри.
Недалеку од него, човек трчал на среде улица, бркајќи го своето срце, бидејќи имал халуцинации како му излегува од стапалата. Тогаш, стотици Французи страдале од мистериозна хистерија.
Случајот бил затворен со заклучокот дека локалниот пекар несакајќи го контаминирал брашното со халуционеген мов. Но, истражувачкиот новинар од САД, Хенк Албарели сега тврди дека халуцинациите се резултат на таен експеримент на ЦИА и Дивизијата за специјални операции (SOD) на американската армија. Тој е убеден дека дел од операцијата било ставање ЛСД во лебот.
Додека го истражувал сомнителното самоубиство на Френк Олсон, биохемичар од SOD кој две години по инцидентот со
лебот паднал од 13-ти кат, дошол до документите на ЦИА. Во еден од нив било напишано дека зад тајната на Понт Сент Есприт не се крие мовта, туку диетиламидот, Д-то во кратенката ЛСД.
Додека ја пишувал својата книга “Ужасна грешка: Убиството на Френк Олсон и американските експерименти во тајната Студена Војна”, зборувал со двајца поранешни колеги на биохемичарот, кои му потврдиле дека проколнатиот леб е дел од експеримент на ЦИА и армијата.
Пресуден момент во истражувањето на Албарели бил документот од Белата Куќа испратен до членови на Рокфелер комисијата формирана во 1972-ра година за истражување на злоупотребите на ЦИА. Содржел имиња од неколку француски државјани кои агенцијата тајно ги вработила и прецизно го споменувал инцидентот со Понт Сент Есприт.
од on.net
Мора да се проба ова. XD