BoomTV vs MaxTV

[kadzar]

Претплата посебна не се плаќа, али мораш да купиш дополнителен ресивер. Сега за сега можеш да имаш максимално два ресивера.

 

[Ilumious]

Претплата посебна не се плаќа, али мораш да купиш дополнителен ресивер. Сега за сега можеш да имаш максимално два ресивера.

Знаеш колку е ресиверот? За другарка прашувам

 

[world-eater]

вториот ресивер ти е 2359 ден еднократно (или на рати).

http://www.t-home.mk/mk/?z=1186

 

[Шота Буби]

Програмскиот пакет кој го нуди Max TV а Т - Home во Охрид не ги содржи сите локални телевизии, т.е. во него ги нема телевизиите Морис и НТВ од Охрид. Од ове две локални тв куќи реагираат дека со ова T -home ги става во нерамноправна положба на пазарот и дека ги исклучува од домовите каде има свои претплатници.
За ова од овие две телевизии веќе реагирале до Советот за радио дифузија одкаде побарале заштита на нивните права и спроведување на законот.
- Мислевме дека Законот за радиодифузна дејност ќе биде почитуван и од преносниците на програмски сервиси преку јавните комуникациски мрежи, но за жал Мах ТВ тоа не го почитува – вели Јован Трпески, сопственик на локалната телевизија Морис и додава:
- Со сечење на домашниот антенски систем тие не елиминираа од етерот, ни одзедоа семејства на кои беше достапна нашата програма, а државните давачки останаа исти. Трагедијата е поголема што Т-Хоме се одлучи преку својата мрежа да пренесува само по еден “локалец” од секој град, по “слободен” избор. Единствено, зачудува молкот на Советот за радиодифузија кој предходно издал одобрение за функционирање на една јавна комуникациска мрежа каква што е Мах ТВ, а при тоа не ја предупредил за сопствените обвески. Поинаку кажано, како испаднало во случајов на локално ниво да се пренесува само една од трите телевизии. Едно е сигурно; сите локални телевизии се програмски форматирани и ниту еден “стручњак” од Т-Home не може да процени дали некому му се потребни серии, некому повеќе информираност од локален карактер или забава која е дел од поднебјето. Кога би било така, работите би биле појасни: Мах ТВ во Охрид или ќе ги пренесува сите локални телевизии, или нема да пренесува ниту една. ТВ Морис наскоро очекува решение на општо задоволство према сите, вклучувајќи ја и заангажираноста на единственото регулативно тело во оваа дејност, Советот за радиодифузија на Република Македонија – завршува Јован Трпески.

Од PR службата на T - Home не успеавме да добиеме коментар во текот на денешниот ден.

Megastar

 

[brzi75]

10 мои причини зошто MaxTV е подобар од BoomTV:

1. 1. Опции за интеракција со гледањето: Паузирање, премотување, снимање, далечинско закажување на снимање (интернет, мобилен), PIP преглед при движење низ каналите... карактеристики кои откако ќе се пробаат ќе се види колку многу вредат.
   .
2. Квалитет на слика кај ЛЦД/плазма ТВ преку HDMI на МаксТВ е многу подобар во однос на квалитет преку СКАРТ! Скартот дава некоја зрнеста структура на сликата. Поврзувањето преку ХДМИ дава можност за зумирање и растегнување на сликата од 4:3 сигнал на 16:9 телевизори. Филмови кои одат во 16:9 со Zoom 3 опција на МаксТВ го пополнуваат цел екран без изобличување на сликата.
   .
3. Изглед и транспарентност на менија, EPG, пребарување, подесувања...
   .
4. Време за промена на канал - кај МаксТВ околу 0,5 секунди, БумТВ 2 секунди, каде прво се појавува звук, а сликата касни. За корисник како мене, што бааго клика по далечинското шетајќи по каналите, на БумТВ 10% од времето ми е гледање црн екран.
   .
5. Квалитет на уредот и далечинскиот управувач: МаксТВ - убаво дизајниран уред, со часовник, и во форма и големина на HiFi стандардни уреди, што би се рекло да ти е мерак да го ставиш на комода. Исто така солиден и компактен далечински управувач, со доволно големи и добро распоредени копчиња.
   БумТВ - мало уредче, што може да биде добро, но пластично и лесно, што дава чуство на слаб квалитет. Картичката се гледа од напред како да е предвидено да се вади и става неколку пати во денот, а не би смеело воопшто да се вади и става. Далечинскиот управувач, лесен т.е. шуплив, од типот на универзалните пазарски за 200 денари.
   .
   
6. Број на канали. цца 85 моментално на МаксТВ вс. цца 40 на БумТВ.
   Дополнително што МаксТВ има можност за проширување, а БумТВ нема некој голем простор поради ограничување на фреквенции.
   Понудата на детски, музички, документарни, филмски канали на МаксТВ е многу подобра. И двата оператори нудат локализирани канали на Македонски, со тоа што МаксТВ има и неколку канали кои се со српски превод достапен по избор на корисникот. Корисниците на ХБО кај МаксТВ добиваат HBO Digital, бесплатна видеотека со прилично добри филмови. Кај БумТВ моментално го нема ова, иако беше најавувано.
   На МаксТВ нема Пинк +, што за нашиов нарое е најверојатно најголемата негативност во однос на БумТВ кој го има, а го нема и E! Entertainment.
   .
   
7. Можност за HD на МаксТВ, вс. неможност за HD на БумТВ заради ресиверот и претходно спомнатиот ограничен капацитет. За да пушти БумТВ HD канал, ќе мора да исклучи 2-3 SD канали. Сеуште не гледам ХД, но имав прилика да гледам кај корисници на оптика. Сликата е феноменална.
   .
8. Видеотека на МаксТВ - околу 350 наслови. Кај БумТВ сеуште во најава, но најверојатно ќе биде достапна само за корисници на Интернет, инаку не гледам како би функционирало тоа. На МаксТВ има и бесплатен дел на видеотеката - ТВ Архива, во кој има содржини кои поминале на ТВ но вака ги гледаш кога сакаш. Мене на пример, многу ми завршија работа содржините од Незадолжително со Берта, кога се спремав да одам на едно патување. На раат детално си проучив што треба да видам :wink:
   .
9. Дополнителни апликации на МаксТВ - речник, телефонски именик, бесплатни игри. Секако не се софистицирани 3D пукачки игри, но може да се навлечете на некои од нив . Уште да стават мултиплејер Тексас Холдем па да почнеме и ТВ коцкање.
   .
10. Корисничката поддршка сега за сега и кај двата оператори е на добро ниво. Т-Home стандардно имаат добра поддршка за своите услуги од секогаш. За БумТВ, сега е добро, но ако се земе во предвид претходната поддршка од ОнНет... се надевам дека словенците донеле нов стандард за ова.

Од моите коментари се гледа дека сум малку повеќе наклонет кон МаксТВ, можеби затоа што го користам повеќе од една година, и сум многу задоволен. БумТВ имам прилика да го тестирам повеќе од 1 месец.

Дали заради подолгиот период во кој се навикнав, или заради сите овие предности што ги напишав, мој избор е МаксТВ и во моментов воопшто не размислувам да го заменам, и без размислување го препорачувам.

Значи од мене:

MaxTV: 1
BoomTV: 0

 

[dikivest]

brzi a да не работиш ти у т-хоме, нешто чудно ова 1рв пост па опширееееееен бајаги. смешно е со вакви работи, + ај сега ќе чекаме нов зачленет корисник што работи во боом па и он опширно да прикаже што има кај нив. :pos2:

 

[Acid]

Брзи ги кажа неговите топ 10 причини зошто MaxTV е подобар од BoomTV, тоа не го прави автоматски вработен во T. Нормално е дека и двата уреди имаат маани и недостатоци, но и позитивни работи кои вредат да се набројат. Во зависност од потребата и претходните искуства со двата оператори, секој од нас го смета едниот пакет за подобар од другиот... MaxTV сеуште немам пробано, BoomTV е океј, али и тоа како фали видеотека и HDMI. Сепак, брка работа затоа што може да се пренесе на било кое место кај што има покриеност.

 

[Tonchie]

brzi a да не работиш ти у т-хоме, нешто чудно ова 1рв пост па опширееееееен бајаги. смешно е со вакви работи, + ај сега ќе чекаме нов зачленет корисник што работи во боом па и он опширно да прикаже што има кај нив. :pos2:

Еве втор корисник кој е сосема задоволен од она што го добива со Max TV.
Корисник сум откако ја уведоа услугата од страна на телеком. Единствено нешто што ме нервира е тоа што трите од четирите MTV-а се со доплата, како и Extreme.
Друга маана, нешто што ја нервира сестра ми, е што нема индикатор колку ти е пополнет хард дискот. Ако се преполни дискот се форматира. Ама кога спомна татко ми префрлање на Бум, сестра ми дигна востание дома

Кај BOOM единствена предност е што можеш да си го шеташ со тебе каде сакаш. Отправникот на станицата во мое село си го носи рисиверот на работа за да гледа на раат убава програма кога нема возови.

 

[123456]

Цената е Ок 500денари у споредба со Махтв кој не нуди само ТВ него морас 2 или 3 пакета да земеш што цените им се огин..

 

[Acid]

Друга маана, нешто што ја нервира сестра ми, е што нема индикатор колку ти е пополнет хард дискот. Ако се преполни дискот се форматира. Ама кога спомна татко ми префрлање на Бум, сестра ми дигна востание дома

Како што ми објаснија мене - имаш 150 часа снимање... Индикатор ти е искористеното време за снимање ко што знам. И не се форматира хард-дискот, туку се бришат најстарите снимки. Нормално, ако ти избереш да се случува тоа. Инаку, не треба ништо да ти се избрише. Обратете се во инфо-центарот на Т, сигурно ќе ви објаснат подетално како функционираат работите...

 

[mishko]

Цената е Ок 500денари у споредба со Махтв кој не нуди само ТВ него морас 2 или 3 пакета да земеш што цените им се огин..

Имаш можност мислам дека некаде е 1200 денари каде имаш претплата за фиксен телефон и кабловска во која претплата се вклучени и бесплатни минути разговор барем така ми кажаа во Т-хоме но треба само да си ги купиш ресиверите има и поволност што ги даваат на рати односно со самата сметка.
инаку гласам за боом тв едноставна причина го користам истиот и можноста за мобилност.

 

[123456]

Имаш можност мислам дека некаде е 1200 денари каде имаш претплата за фиксен телефон и кабловска во која претплата се вклучени и бесплатни минути разговор барем така ми кажаа во Т-хоме но треба само да си ги купиш ресиверите има и поволност што ги даваат на рати односно со самата сметка.
инаку гласам за боом тв едноставна причина го користам истиот и можноста за мобилност.

1200 денари наефтиниот пакет што пример ете не ми треба телефон вака имам јас адсл100гб 1650 + 220ден тел претплата=1870 а до 3000 денари испага дека е 1130 само телевизија што е многу е многу....

 

[brzi75]

brzi a да не работиш ти у т-хоме, нешто чудно ова 1рв пост па опширееееееен бајаги. смешно е со вакви работи, + ај сега ќе чекаме нов зачленет корисник што работи во боом па и он опширно да прикаже што има кај нив. :pos2:

Јас си ги напишав моите мислења зошто е подобар и зошто гласам за МаксТв. Тоа нели е анкетата, која опција е подобра и зошто. Во наредниот пост т.е. тема, ако е предности на едното и другото, ќе напишам за што е подобар БумТВ.

Напишав подолг текст затоа што имам прилика да ги користам и двете, па можам директно да споредам, за разлика од повеќето корисници кои имаат една опција и ги коментираат искуствата со таа опција. Некое време ги пратев дискусиите на темава, не само овде, туку и на други форуми, фацебоок, итн. и можеш да видиш дека и таму имам коментирано слично. Никаде не реков дека БумТВ не чини, ниту пак на никого не му реков да не зима БумТВ, затоа што и БумТВ си има свои предности. Мобилноста е секако еден голем плус кој многу ќе ми заврши работа посебно преку лето. Кога ќе дојде лето, можеби и ќе склучам договор за БумТВ.

Ако за нешто од она што го искоментирав не се согласуваш, кажи па ќе дебатираме. Според мене, тоа се се факти.

Еве втор корисник кој е сосема задоволен од она што го добива со Max TV.

Друга маана, нешто што ја нервира сестра ми, е што нема индикатор колку ти е пополнет хард дискот. Ако се преполни дискот се форматира.

Има вакво нешто. Можеш да провериш во главното мени, во делот подесувања, па тука бараш нешто што бече од прилика "ресурси на системот". Ти кажува во % уште колку имаш или колку имаш истрошено.

 

[Шота Буби]

Единствено и ексклузивно на MaxTV, од денеска ќе можете да ја следите програмата на Канал 5 во висока HD резолуција. Тоа значи дека сите фанови на Лигата на шампионите ќе можат да ја проследат завршницата на ова елитно натпреварување во висока резолуција со кристално јасна слика.
Канал 5 HD ќе биде достапен само за корисниците на 3Max Optic пакетите, кои овој канал ќе може да го најдат на каналот 700.

 

[MARCELLO]

Единствено и ексклузивно на MaxTV, од денеска ќе можете да ја следите програмата на Канал 5 во висока HD резолуција. Тоа значи дека сите фанови на Лигата на шампионите ќе можат да ја проследат завршницата на ова елитно натпреварување во висока резолуција со кристално јасна слика.
Канал 5 HD ќе биде достапен само за корисниците на 3Max Optic пакетите, кои овој канал ќе може да го најдат на каналот 700.

ти имаш оптика сакам и ја да имам оптика ама скапо ми е многу :nesvest: