Блам држава

[Пророкот]

За градење згради не ти треба многу капитал колку што ти требаат врски во општина.

Ако имаш врски, земјиште, ископ, изградба можеш да искомпензираш за станови.

За да отпочнеш со гардење на пример, за своја лична потреба, нека е тоа и „обична„ куќа, и тоа како ти треба капитал за: проектна документација, комуналии, градежни материјали, работна рака, инфраструктурни приклучоци, дозволи за ова и за она....под услов веќе да имаш купено градежна парцела.

Ако за куќа ти треба почетен капитал, дотолку повеќе ти треба за објект со поголени димензии...начинот на кој ќе продаваш станови е друга „философија„.

Врски во општината не ти се потребни, оти за таа „цел„ веќе постојат разработени „методи„...тие методи некои ги наракуваат „мито и корупција„....и за нив не се потребни „врски„.

 

[demonka]

За трагедијата што се случи вчера, навистина жално, сочувство до семејството на починатиот.
Но ова не може да се нарече само несреќа. Ова е последица на долгогодишен хаос во градењето, без доволни контроли, без почитување на правилата и со постојано префрлање на одговорност. Кога системот не функционира како што треба, вакви работи стануваат речиси неизбежни.
Прашање е сега дали конечно некој ќе сноси одговорност или сепак не .. како и обично.
( И секако ќе се појави некоја душичка со предлог да збориме за убави работи… )
Позитивно е само кога нема одговорност, изглеа.

 

[Пророкот]

Се‘ ќе си остане „....како и до сега...„, како рече Аца Антиќ.

Системот е до коска корумпиран па лудило е во таков систем да се бара нечија одговорност.

 

[bijons]

Инвеститор е едно, градител е друго, а двајцата ќе се офајдат од продадените станови,

Зошто не се почитуваат безбедоносни мерки ако си свесно човечко суштество и ги знаеш законските регулативи при градење, како и последиците од непочитување на тие регулативи, најопасно со фатални последици вре работниците кои се подложени на животен ризик при градежните работи?

Затоа што шупакот е тесен, ем сака пари, ем не му се дава каде не мора т.е да се прескочи нешто што може да се прескочи при градење на зграда, затоа што тоа коша дополнителни средства, па користејќи ја својата ВИП положба се прескокнува таа фаза и се прави ископување за темели, санким раскопува бавча за садење, а идат 5 метра во далбочина, без заштита на страничен земјински ископан раб кој секој момент може да постане слечиште, како што се случи и ги покри градежниците токму на местото под слечиштето, каде еден работник загинал задушувајќи се под земјата на слечиштето.

Кој е инвеститор а кој изведувач на градба? | Маком Недвижности

Инвеститор или изведувач на градба? Да ја разјасниме дилемата, кој е инвеститор, а кој изведувач на градба? Кои се нивните функции и обврски? Прво, под поимот градење се подразбира: изведување на градежна конструкција, изведба на нова градба, реконструкција и адаптација на постоечка градба...

makom.mk

Обврските на инвеститорот во градежништвото во Македонија се дефинирани со закон и вклучуваат низа правни, технички и безбедносни одговорности. Клучните обврски вклучуваат:

Обезбедување документација:
Инвеститорот е должен да ја обезбеди целата потребна проектна документација, одобренија за градба и други дозволи пред почетокот на изградбата.

1.Безбедност на градилиштето: Инвеститорот е одговорен за безбедноста на работниците и градилиштето, особено при ископ на темели и други градежни активности.
2.Исполнување на законски обврски: Инвеститорот мора да ги исполни сите законски обврски кон купувачите (станарите) и институциите, вклучувајќи навремена изградба и соодветна документација за објектот.
3.Ангажирање надзор: Инвеститорот може да ангажира надзорен орган за следење на квалитетот на изградбата.

... во одредени случаи, ако инвеститорот е правно лице, тој може истовремено да биде и изведувач на градбата. Повредата на овие обврски може да резултира со сериозни последици, вклучително и одговорност за несреќи на работното место.
Цитат:
„Инвеститор на објектот е компанијата Нар Инвестмент, основана во ноември 2025 година, со сопственик и основач Ивица Коневски, поранешен градоначалник на Општина Аеродром. Изведувач на градежните работи е Компанија Јакимовски, сопственост на Предраг Јакимовски, кој во текот на денот остана недостапен за медиумите. Коневски изјави дека земјиштето е во семејна сопственост и дека за градбата се обезбедени сите потребни одобренија.“




... инвеститерот укажувал дека ги имал сите потребни документи за градба, ОК тоа важи во погоре наведени обврски под бр.2, ама под бр1 и бр3 обврската Ивица Коневски подбацил не испочитувал законските обврски и треба кривично да одговара!



...при градежни работи се обезбедува околното земјиште да не би се излело врз работниците како слечиште кога се иде во длабочината на темелите на зградата, местото немало никаква потпора ни заштита, земјата влажна од претходните врнежи и се случи тоа што се случи!



... еве пример на неколку потпори што го држи околното земјиште да не стане слечиште и каде работниците можат во безбедоносни услови да работат.





... во ова градилиште каде се случи и несреќата, како се гледа нема ниедна безбедоносна потпора во ископувањето во длабочината, не знам како тоа инвеститорот бил „потресен“ од трагедијата, а не превзел две законски обврски, да ги повторам:

1.Безбедност на градилиштето: Инвеститорот е одговорен за безбедноста на работниците и градилиштето, особено при ископ на темели и други градежни активности.

3.Ангажирање надзор: Инвеститорот може да ангажира надзорен орган за следење на квалитетот на изградбата.

... до сега во последните години се случиле многу вакви несреќи со фатални последици и некако барем јавно само се спомнува што се случило и толку, крајот и одговорноста никогаш не се спомнува, па затоа ваквите несреќи ќе се повторуваат кога нема санкции, без разлика кој е инвеститорот!

 

[Klin]

Нека почива во мир човекот, мислам дека сега најмногу што може да добијат е некоја посериозна сума на пари како оштета од залижаниот и компанија, во спротивно ако тргнат да се расправаат со џандари, авукати и кадии ќе си го изгубат само здравјето цела фамилија. Тоа е суровата реалност.

 

[bijons]

Министерство за здравство-
добро не ви е срам на толкава висока плата и вработени да имате вакви грешки на званичен сајт неписмени ви ја креират страницата и ја пуштате така во етерот без коригирање и јазично редактирање?



1. Од кога се користи бугарска буква во наш македонски правопис?



2. Од кога сме Република Северна Македониза?- Македониза????? - на тастатура не се блиску буквите „з“ и „ј“ па да се рече „му отиде прстето настрана“!
3. Не постои веќе ФЗОМ , туку сега званично и службено е ФЗОРСМ!
4. Назначените здравствени институции каде работаат наведените членови на комисијата е каша попара, што со мала буква, што неправилно и неточно напишана здравствена институција.

 

[Пророкот]

Сето тоа како последица од орбазовниот систем....плус, „програмабилна психо-сугестија„ дека кога-тогаш, Бугарите ќе бидат вметнати во пусулчето...т.е. уставот, и ќе почнат, основано, да ги бараат своите „права„ како „државотворен народ„.

 

[F.E.A.R.]

Прегледај го приврзокот 476075
Министерство за здравство-
добро не ви е срам на толкава висока плата и вработени да имате вакви грешки на званичен сајт неписмени ви ја креират страницата и ја пуштате така во етерот без коригирање и јазично редактирање?

Прегледај го приврзокот 476076

1. Од кога се користи бугарска буква во наш македонски правопис?

Прегледај го приврзокот 476080

2. Од кога сме Република Северна Македониза?- Македониза????? - на тастатура не се блиску буквите „з“ и „ј“ па да се рече „му отиде прстето настрана“!
3. Не постои веќе ФЗОМ , туку сега званично и службено е ФЗОРСМ!
4. Назначените здравствени институции каде работаат наведените членови на комисијата е каша попара, што со мала буква, што неправилно и неточно напишана здравствена институција.

Јебига. Чекам на патриотите за одбрана.

 

[Ska Maniac]

Хало ма брада

 

[Boro1918]

Одам денеска на државна, докторот зема го слика проблемот и го гледам како на chatGPT гледа што е зошто мобилниот го стави на маса и така пишуваше. После 10 минути на телефон ми вика доста сум сигурен дека е XXXX, ми дава упат за на друга клиника. Тргнувам накај втората клиника гледам име на доктор кој ме прегледал македонско, докторот што ме прегледуваше беше албанец, Лажно се потпишуваат на упати во главната болница во Македонија, докторот кој би требало да биде во амбуланта кој знае каде е.

Одам во другата амбуланта, редица 15 луѓе. Упатот кој ми е даден, трае 24 часа.. После 45 минути првпат влегува нов пациент.

 

[F.E.A.R.]

Хало ма брада
Прегледај го приврзокот 476123

Vell vell vell

 

[121314]

УАПСЕН СКОПЈАНЕЦ, ВОЗЕЛ АВТОБУС БЕЗ ДОЗВОЛА Полицијата го фати на дело додека превезувал патници - plusinfo.mk

Возач од Скопје приведен откако полицијата утврдила дека вршел јавен превоз без да има возачка дозвола.

plusinfo.mk

А и автобусот на сликата - мене на Сетра ми изгледа, а не на Мерцедес.

 

[Klin]

Ризик при работа - во 132 несреќи загинал 31 работник​

Во Македонија во 2025 година се регистрирани 132 несреќи при работа и 31 загинат работник. Статистиката покажува сериозни ризици, особено во градежништвото.По несреќата на градилиште во скопската населба Кисела Вода, каде деновиве еден работник загинал, а тројца беа повредени,во фокусот повторно се најде безбедноста на работното место, особено во градежниот сектор, каде и најчесто се случуваат несреќи. Податоците на Македонското здружение за заштита при работа покажуваат дека во текот на 2025 година се регистрирани 132 несреќи при работа, од кои 31 со смртен исход.

Овие податоци се содржани во Годишниот извештај за несреќи при работа и професионални заболувања за 2025 година, објавен по повод Светскиот ден за безбедност и здравје при работа – 28 април.

Најризични сектори според статистиката​

Најмногу несреќи при работа се евидентирани во преработувачката индустрија – 33 случаи, по што следуваат градежништвото – 15, јавната управа и одбраната и задолжителното социјално осигурување – 12, дејностите на домаќинства како работодавачи – 11, административните и помошните услужни дејности – 10, како и транспортот и складирањето – 9 случаи.

Од вкупниот број несреќи, 31 завршиле со смртен исход. Најголемиот дел од загинатите се мажи – 26, додека пет се жени. Според возраста, најмногу починати работници има во групата од 25 до 34 години.

„Безбедноста не е избор, туку обврска“​

Посебен осврт во извештајот е даден на трагичните настани што ја одбележаа годината, меѓу кои и пожарот во дискотеката „Пулс“ во Кочани, кој дополнително ја нагласи потребата од строго почитување на прописите за безбедност, управување со ризици и ефикасен инспекциски надзор.

„Анализата на повредите треба да ја користиме како алатка за учење, а не за критика. Веруваме дека секоја несреќа при работа може да се спречи со правилно планирање, соодветна обука и постојана будност“, порачуваат од Македонското здружение за заштита при работа.

Оттаму нагласуваат дека безбедноста и здравјето при работа не се избор, туку обврска. „Секој работник има право да се врати дома безбедно, а секој работодавач има должност да го обезбеди тоа“, истакнуваат од Здружението.

Долгорочна црна статистика​

Според извештаите на Македонското здружение зазаштита при работа,во периодот 2022–2024 година, вкупно 356 работници биле повредени, а 54 лица го загубиле животот извршувајќи работни задачи. Овие бројки не ги опфаќаат сите несреќи, смртни случаи и професионални заболувања, особено во неформалниот сектор.

Во 2022 година биле регистрирани 22 смртни случаи при работа, со стапка од 3,17 загинати на 100.000 работници, што ја позиционира Македонија меѓу земјите со висок ризик. Во 2023 година биле евидентирани 2.237 повредени работници, односно 323 повредени на 100.000 вработени. Преработувачката индустрија останува најризична, но градежништвото повторно ја бележи најцрната статистика со седум смртни случаи.

Во 2024 година, регистрирани се 133 несреќи при работа, од кои 15 со смртен исход. Стапката на смртност достигнува 2,45 на 100.000 вработени, додека бројот на тешки повреди расте на 16,76 на 100.000 работници. Скопје и понатаму доминира по бројот на несреќи и загинати работници.

31 загинат во 2025 а немаме апсолутно никаква тешка индустрија. Изгледа е поисплатливо рушвет да дадеш и да ти го штитат газето него да обезбедиш соодветни услови за безбедност и здравје при работа.