Јас кога бев мал една работа запаметив - сите велеа дека поштата ќе пропадне и дека поштарите ќе немаат работа, а се ќе се праќа електронски.
Е сега што се случи после 20-25 години?
Не да не пропадна поштата (нормално луѓето мислеа само на таа една пошта што ја имаше - државната), туку во меѓувреме сигурно повеќе од 50 приватни пошти се отворија во оваа област (еве гледам во моментот покрај државната
29 пошти имаат лиценца) и еден тон пари изнаправија од овој бизнис. Не земам да им ги анализирам официјалните бројки, затоа што верувам дека огромен % од прометот им е на црно, затоа парите на хартија би биле помалку или повеќе ирелевантни. Во секој случај, наспроти општото сфаќање во периодот кога доаѓаа компјутери во секој дом, кога полека но сигурно се распространи интернетот, дека поштари ќе нема - некој ги превидел Али експрес, Тему, онлајн нарачките од домашни бутици и продавници и еден тон други работи и капитализирал многу силно. Од сосема едноставна работа - пренос на пратки.
Е сега, да не бидам оф топик. Ние сме држава во која има вкупно околу 690 илјади вработени, т.е бројка која е крајно ниска, би рекол смешна.
Додека го пишував постот ја проверив состојбата на тие вработени за 2024 и му дадов на AI
да ја извлече наједноставната структура по сектори.
Најголем дел од вработените во Македонија се во преработувачка индистрија 20% и трговија 15%.
Мислам еве ја табелата да не ја тупам:
Врз основа на овие податоци, било кој човек може да направи целосна анализа и разглобување на структурата на тие вработени и да извлече логичен заклучок кои од тие вработени може да бидат целосно заменети (или намалени) со внесување на вештачката интелигенција во процесите, во следните 5 години. Ако земеме предвид дека населението старее, ќе оди во пензија, а помал број ќе се вклучи на пазарот на труд, речиси со сигурност може да кажеме дека само поради таа причина (која нема допирна точка со АИ) веројатно до 2030 бројот на вработените ќе биде за околу 3-5% помал.
Јас на прва би рекол дека тие што коментирате за апокалиптични сценарија, дека ги преценувате луѓето овде, ја преценувате државата и движењето на трендовите (мислам зборуваме за држава во која огромен % од население 20 години не зеде да користи картичка од банкомат и во која има околу 130 илјади луѓе вработени на државно), веројатно работите во сектор во кој работат многу мал % од луѓето и уште поверојатно работите во странска фирма или во најмала рака анализирате странски фирми и тоа надвор дури и од Европа (т.е САД и Канада).
На програмерите искрено би им рекол да уживаат - барем на оние квалитетните. Фативте одлично време, од плата така човек да сонувал не би можел да живее. Нормално ќе има промени, ама размислување за префрлање од програмирање во физичка работа во следните 5 години- во најмала рака од страна ми изгледа смешно.
