Според мене Осогово е поквалитетен и ке победи со 2:0
Стрелец на двата гола ке биде бившиот играч на Силекс Мирче Натков
Победија со 1-0,не се ништо поквалитетни туку цело време провоцираа и удараа без топка. А Мирче Натков 25 минута,АУТ. Red Card
„ОСОГОВО“ – Данев, С.Манчовски, Постоловски (Ѓорѓиев), Здравков, Коцев, Митров, Дамески (Цветановски), Натков, Шуманов, Д.Манчовски, Паунов (Данилов).
„ТИВЕРИЈА“ – Стојков, Ј.Серафимовски, Јорданов, М.Јованов, Кавазов, Стојанов (М.Алаѓозовски), Д.Алаѓозовски (Коцев), Андреев, Тасев, Ристов, С.Јованов.
МИТРОВ СО ЕВРОГОЛ ГО РЕШИ ДЕРБИ НАТПРЕВАРОТ
Во вистинска фудбалска атмосфера каква немало во Кочани последните 7-8 години, екипата на „Осогово“ со евро-голот на Митров го реши дерби натпреварот во своја корист победувајќи ја мошне добрата екипа на „Тиверија“ со 1:0 (0:0).
Натпреварот започна мошне интересно. Се играше првата минута кога домаќините можеа да го откријат резултатот, но ударот на Паунов од само 5 метри отиде високо над голот на Стојков. По оваа шанса за домаќините започна и понервозно да се игра, гостите малку провоцираа што домаќините го прифатија и да не беше решителноста на главниот судија Стојанов од Штип можеби натпреварот ќе добиеше и поинаква димензија. Дека нервите почнаа да работат се покажа во 5’.Митров беше во налет кон противничкиот гол од левата страна, кога влезе во казнетиот простор падна а судијата одмавна со раце. Домаќините бучно реагираа, бараа пенал но судијата покажа само гол-аут. Во 15’ нова прилика за домаќините од десната страна беше упатен удар кон голот на струмичани, но голманот Стојков полета низ воздухот и со прекрасна интервенција спаси сигурен гол исфрлувајќи ја топката во корнер. Сепак се чини дека судијата најголемата грешка ја направи во 19’. Митров се пробиваше кон голот на гостите и кога веќе го мина Кавазов овој стартуваше над него и судијата покажа само фаул за домаќините иако за стартот на противникот најмалку требаше да му додели жолт картон. Во 27’ се случи инцидент.
Гостинскиот играч Ј.Серафимовски на центарот од игралиштето грубо го фаулираше домашниот играч Натков, кој не можејќи да се контролира возврати без топка и оправдано заработи црвен картон, гостинскиот бек помина само со жолт картон а подебелиот крај го извлече тренерот на гостите Митев кој иако не беше повикан од судијата влезе на теренот по што предвреме мораше да замине во соблекувалната заработувајќи и тој црвен картон. Домаќините со 10 играчи почнаа да играат внимателно па до крајот на полувремето гледачите освен превиткување по теренот ништо фудбалски не видоа.
Во второто полувреме фудбал се играше до водството на домаќините. Во 57’ Митров доби топка на левата страна од игралиштето, паралелно со линијата на шеснаесетникот во слалом помина неколку гостински играчи и од дваесетина метри се реши на удар по кој топката заврши конечно во мрежата на Стојков чија интервенција остана залудна.
По водството домаќините се повлекоа на својата половина љубоморно чувајќи го тешко стекнатото водство. Гостите создадоа неколку прилики за гол но немаше реализатор што ќе ја погодеше мрежата на „жетварите“. Во 75’ Тасев прокоцка стопостотна шанса за израмнување. Во 80’ домашниот играч С.Манчовски од самата гол линија ја исфрли топката во корнер и ја спречи радоста на струмичани. Во 88’ најпрвин домашниот тренер Крстев заработи црвен картон а две минути подоцна и стрелецот на единствениот гол Митров по втор пат пожолте па пред време беше пратен на туширање. Во судиското продолжение Тиверија ја имаше и последната прилика за израмнување но ударот на капитенот Јованов од дваесеттина метри помина поред самиот лев дирек на Данев.
Се на се дербито не ги оправда очекувањата на две илјадната публика. Значењето на натпреварот и важноста на бодовите си го сторија своето.
). Кога можеа на неколку утакмици да дигаат офсајд при изведување на аут, што друго останува да се каже:smir:
затоа препрашав