П
Паган-др
Гостин
Од 4-ти до 13-ти јуни низ улиците на Скопје ќе се одржи петтиот по ред интернационален фестивал на улични артисти и музичари „Баскерфест 2010“.
Во соработка со град Скопје, главната програма на новото издание на Баскерфест се очекува да се реализира на плоштадот Македонија, потоа пред црквата Св.Спас кај Стара чаршија, пред Мустафа Паша Џамија близу Скопското кале и во општина Аеродром. За разлика од минатите оваа година се очекува учеството на изведувачите значително да се зголеми.
Скопје во период од 10 дена ќе биде домаќин на 95 различни интернационални артисти кои ќе и овозможат на публиката повеќе од 60 возбудливи настапи. Исто како и минатите изданија на овој фестивал така и оваа година ќoе биде отворена Пиво градината, која ќе се наоѓа на самиот плоштад, каде ќе бидат поголемиот дел од случувањата.
Свеченото отворање ќе се одржи на плоштадот Македонија со спектакуларниот настап на француската акробатска група „X Girls“, кои ќе ја подгреат атмосферата за деновите кои следуваат. Ова гостување е во соработка со Францускиот културен центар во Скопје. Уште еден настап по кој ќе се памети годинашниот Баскерфест, како најавуваат организаторите, е пиротехничкиот спектакл на германскот ументик Eddie Egal, кој во живо пред очите на посетителите ќе ја изведе точка на самозапалување.
Организаторите на Баскерфест имаат за цел да го промовираат настанот низ целата држава и во соседството со цел Скопје во текот на 10-те дена да се здобие со креативна, енергична и адреналинска забава, благодарение на која тој ќе добие имиџ на европски град и ќе стане атрактивна туристичка дестинација за посетителите и целиот свет.
Исто така нивната цел е да ја подигнат свеста за значењето и вредноста на уличната уметност и секако да ги промовираат македонските изведувачи пред националната и интернационалната публика.
Добрата репутација со која се стекна оваа манифестација во изминатите години, како и збогатената програма која се очекува да се случи низ улиците на Скопје ги охрабрува организаторите да очекуваат многу поголем број на посетители.
Кајгана
Евентот на фејсбук