Што ве натера да се иселите од Македонија?

Дискусија во форумот 'Македонска дијаспора' започната од Xibalba, 5 јануари 2019.

?

Што ве натера да се иселите од Македонија?

  1. Економски причини/финансии

    34,9%
  2. Персонални причини (брак)

    3,2%
  3. Можност за професионално усовршување

    7,9%
  4. Загадена животна средина

    6,3%
  5. Малограѓанштина

    31,7%
  6. Судска (не)правда

    1,6%
  7. Корумпирана и неефикасна јавна администрација

    14,3%
  1. Xibalba

    Xibalba Punctum vivimus

    Член од:
    24 јануари 2012
    Мислења:
    5.616
    Допаѓања:
    9.959
    Можеби до некаде темава е за Општи муабети, мада и тука не е офтопик.

    83,7% би се отселиле од Македонија! Ова се вашите одговори на анкетата

    Поразителни 83,7 отсто од испитаниците би си заминале од Македонија кога би имале шанса. Ова се резултатите од анкетата под наслов „Кога би можеле, дали би заминале од Македонија“ што Факултети.мк ја објави пред две недели. На прашалникот анонимно одговорија вкупно 1.474 читатели. Интересен е податокот што во првите неколку часа имаше масовно одговарање на трите поставени прашања.
    На прашањето „Кога би имале шанса, дали би заминале од Македонија?“ одговорија 1.491 читател. Од нив дури 1.234 (83,7%) одговориле со „да“, 123 (8,3%) се двоумат, додека 117 испитаници (7,9%) би останале во Македонија.
    Различни се одговорите за земјата каде што би се преселиле. Германија, Австралија, Канада, Франција, Холандија, Данска, Австрија, Скандинавија, Швајцарија, Словенија, Нов Зеланд, Шведска, САД, Англија... Има и вакви одговори: „Каде било, само не Македонија“, „Подалеку оттука“, „ Во земја каде што владеат закони и каде што има нормален здравствен систем и образование“.

    На прашањето: „Зошто би заминале?“ одговорија 1.054 читатели. Најчестиот кус одговор е „за подобар живот“.
    20190104-83-7-bi-se-otselile-od-makedonija-ova-se-vashite-odgovori-na-anketata-1.jpg
     
    На Кеплер, dragonsky и whatto им се допаѓа ова.
  2. whatto

    whatto

    Член од:
    26 јуни 2013
    Мислења:
    2.244
    Допаѓања:
    8.823
    Горе анкетата е добра,само нема опција да се спојат сите во еден одговор,е тоа е мојот одговор.
     
    На t20p18, Turtle, Yo Blow и уште 15 други им се допаѓа ова.
  3. F.E.A.R.

    F.E.A.R. Führer

    Член од:
    11 јуни 2015
    Мислења:
    104
    Допаѓања:
    118
    Економски причини, професионално усовршување, загадена животна средина, малограѓанштина, судска неправда, корумпирана и неефикасна јавна администрација. Не можам сите под едно да ги гласам.
     
    На alekjov, Dr. Wish и snatch им се допаѓа ова.
  4. Ron Burgundy

    Ron Burgundy

    Член од:
    29 јуни 2014
    Мислења:
    8.114
    Допаѓања:
    8.460
    интернетов ве заеба, ги гледате тие белосвецки убаини цело време и сакате да идете таму
     
    На Talicniot Tom, bucio, A__ и уште 3 други им се допаѓа ова.
  5. Xibalba

    Xibalba Punctum vivimus

    Член од:
    24 јануари 2012
    Мислења:
    5.616
    Допаѓања:
    9.959
    Поентата беше да се извои причина што најмногу ве засегнала, секако дека повеќето опции се сосема валидни за Македонија.
     
  6. FilipMKD007

    FilipMKD007

    Член од:
    8 јануари 2013
    Мислења:
    3.130
    Допаѓања:
    7.144
    (Не)квалитетот на живот е најсоодветниот одговор. Пред се финансиите го креираат тој неквалитет, бидејќи во денешно време ако имаш пари имаш се. Така да тоа е главниот фактор според мене.
     
  7. пунтер

    пунтер

    Член од:
    21 март 2011
    Мислења:
    2.264
    Допаѓања:
    1.219
    ни едно од сите наведени, ми се здосади, осетив потреба од промена собрав парталот и заминав.
     
  8. Joe Dalton

    Joe Dalton

    Член од:
    6 април 2010
    Мислења:
    634
    Допаѓања:
    3.425
    Не сум сеуште иселен, затоа ќе кажам што е тоа што ме тера да размислувам во таа насока по неколку пати дневно и да разговарам на таа тема со моите веќе иселени пријатели...

    Да расчистиме уште веднаш. Јас не сакам да се селам, мене ме брка државата, системот врз кој што почива сите овие скоро триесет години. Ако заминам, јас нема да бидам иселен, јас ќе сметам дека сум набркан како непотребен и неподобен за оваа држава. Зошто?

    На некој среден рок можеби и би се помирил со ниските плати, ако тие беа единствениот проблем а се останато функционираше релативно добро. Или барем се правеа некакви напори во таа насока, мислам на функционалноста на институциите. На што точно мислам да бидам поконкретен:
    Па да функционира здравството, како основа. Ако не дај Боже се најдам во нужда да побарам помош од јавна здравствена установа за некаков проблем од здравствена природа, сакам да бидам сигурен дека ќе ја добијам најдобрата услуга од човек компетентен за таа работа. Дека ќе ми бидат достапни насовремените методи на лекување и дека ќе добијам совет и помош во најкраток можен рок.
    А не во 21 век кај нас се јавуваат епидемии на болести кои што во други земји се искоренети скоро цел еден век. За рутински преглед се потегнуваат врски, на сред месец снемува лекови, луѓе умираат на хируршки маси поради нехигиена...значи здравството е само еден сегмент, дел од мозаикот. И во теорија е бесплатно а во пракса е далеку од тоа.

    Образованието е на самото дно. Освен неколку факултети кои што прават исклучок, се останато е за под клуч.Спротивно на широко воспоставеното мислење, требаат и економисти и правници и наставници...само работата е што квалитетот на наставната програма таму е ужас и затоа се создава кадар со таков квалитет. Се запишуваат студенти со врски и завршуваат со врски и со препишување. Се учи од неквалитетен наставен материјал, во смешни услови. Царува корупција, се купуваат дипломи. Приватните факултети се фарми за одгледување на полуописменети дипломци со тоалет папир дипломи, кои што на пазарот на труд создаваат нелојална конкуренција. Се вработуваат како паразити по јавна администрација. Го чекам денот кога ќе се отвори приватен факултет за медицина.
    Можностите за лично надоградување, професионално надоградување во струката, практична работа, обуки, следење на нови трендови во одредена област, се осхудни.
    Самиот факт што приматели на социјална стипендија беа и студенти на приватни универзитити, каде што еден семестар кошта по илјада евра, доволно треба да говори за состојбите во нашето образование.
    Сакам терминот просветно - воспитна дејност, во основните и средни школи, да се толкува и применува буквално.

    Судството е уште една работа. Овде многу лесно од прав можеш да излезеш виновен. Криминалците станаа функционери и пратеници. Криминални групи во спрега со полицијата хараат по населби и станови додека некој грев ќе лежи три години робија за кражба на кебапи.
    Ме иритираат двојните аршини, сакам правдата и законот кои што важат за мене, подеднакво да важат за сите, или барем да се настојува да биде така. Полицијата да биде сервис на граѓанинот а не средство за рекет и изнуда.

    Сакам утре кога ќе аплицирам на оглас за работа да знам дека ако не ме примат тоа е затоа што бил примен некој подобар од мене, а не заради тоа што имал врски и татко му бил локален моќник. На интервју за работа да прекинат да ме тераат да набројам пет позитивни и пет негативни работи за мојата личност,затоа што е ретардирано. Знам дека го симнале прашањето од интернет и е тотално ирелевантно за позицијата на која што аплицирам.

    Сакам да гледам што помалку покондурени сељаци по улица кои што вртат глава и не велат едно "добар ден" затоа што сега ете, станале "големци" дека добиле партиско вработување, а до вчера биле на социјална помош.
    Сакам да гледам што помалку газолижачи. Да се цени интелектот и способноста, добрите манири и достоинството, а не талентот за чистење на анални регии по партиски штабови. Не сакам цел живот да живеам заробен во нечиј шупак за да дојдам до одредена цел. Сакам мојот успех да биде резултат на моите квалитети, сакам услови за фер борба. Не сакам "да се снајдам" сакам да успеам.
    Сакам да ме ценат по тоа што го зборувам и поради тоа што го правам, а не заради моето потекло, функција или длабочината на мојот џеб.

    Не сакам да бидам граѓанин од втор или трет ред во сопствената држава. Не сакам вработување по партиска основа и националност ами по знаење и компетенции. Сакам да ме лекува, учи, да дели правда, да ме услужува најдобриот, не дека е Албанец или Македонец, туку дека е најдобар.

    Јас знам дека во голем дел од мојот километарски пост се наоѓаат примеси на утописки сфаќања, свесен сум дека никаде не е совршено, ама говориме за екстреми. Јас знам дека не постои правда во полна дефиниција во практиката никаде во светот, но постои заложба да се достигне барем приближно. Овде такви заложби освен декларативно, во пракса јас не гледам.
    И зошто не ми смета до толку платата. Затоа што знам ако постои правна држава, квалитетно здравство и образование, професионална јавна администрација... дека стандардот со време постепено ќе се подобри. Сите овие работи се поврзани една со друга и од нивната заедничка синергија ќе зависи и квалитетот на економијата, како еден вид на одржувач на состојба на општествена хомеостаза.
     
    На snatch, марко414, t20p18 и уште 42 други им се допаѓа ова.
  9. Gag

    Gag

    Член од:
    14 ноември 2013
    Мислења:
    1.059
    Допаѓања:
    1.272
    При крај сум со студиите на медицински, би сакал да останам но сериозно размислувам за фаќање магла по завршување. Половина од моите колеги знаат германски, веќе биле или планираат да поработат летна сезонска работа таму или пак планираат да го научат јазикот. Има и доста број на колеги кои се одамна решени да фатат џенем од вукојебинава.

    Од причините наведени горе јас мислам дека "Малограѓанштина" е најлоша бидејќи од неа потекнуваат сите останати проблеми. Додека како народ се восхитуваме на лидери и воџи кои се тоа што се бидејќи рекетирале или дилале дрога, додека тераме сеир и се исмеваме на секој што се осмелува да мисли критично, гледаме исклучително за себе и не размислуваме како нашите акции и одлики ќе влијаат во иднина и додека не се научиме на базична култура како 'плукање шлајм на тротоар е негативна особина' - ќе продолжиме да ги стимулираме сите негативни продукти што доаѓаат од малограѓанштината - корупција, непотизам, неписменост, незнаење, дебилизам итн а Македонија ФИРОМ Илинденска Северна? ќе си остане тоалетот септичката јама на Европа.
     
    На whatto, Ilumious, stratUs и уште 6 други им се допаѓа ова.
  10. Agda Beata

    Agda Beata (A)

    Член од:
    12 февруари 2014
    Мислења:
    5.024
    Допаѓања:
    13.347
    Гласав за главната причина, она што дефинитивно направи да донесам одлука и да направам чекор напред, ама причини беа многу. Уште претходно размислував да се иселам, и тоа поради останатите работи наведени во анкетата.

    Сега пак размислувам каде да ја киднам затоа што ми здосади и тука. :D
     
    На Ilumious и Che59 им се допаѓа ова.
  11. Govinda

    Govinda Lud, Zbunjen, Nenormalan

    Член од:
    20 април 2014
    Мислења:
    1.838
    Допаѓања:
    1.335
    Na druga planeta ;)
     
  12. Ultracasual

    Ultracasual

    Член од:
    9 ноември 2017
    Мислења:
    459
    Допаѓања:
    1.110
    Неколку од наведените одговори во анкетата произлегуваат од малограѓанштината. Јас ако би се отселил некогаш тоа би било главната причина. Друга причина би било, ако добијам можност да живеам на една од дестинациите кои премногу ми се допаѓаат. Убаво пиша некој горе за тоа со интернетот. Нон стоп гледаме некои си утопии на нет и се туфкаме зошто сме се родиле тука, а не таму. Сепак пак ќе напоменам, најмногу би се одселил поради дебилизмот што на големо егзистира кај нашиот народ и би избегал што подалеку од него.
     
    На t20p18, Gataka и Krstev им се допаѓа ова.
  13. theo_14

    theo_14

    Член од:
    15 ноември 2014
    Мислења:
    290
    Допаѓања:
    275
    Anketava ne e nishto novo, nishto senzacionalno, trendot prodolzhuva i ponatamu. A zoshto ?

    Se prashuva li nekoj ZOSHTO sudiite vo MK se nepravichni ili Makedoncite se malogragjani ili javnata administracija e korumpirana i neefikasna ili vozduhot e tolku mnogu zagaden (koj go zagadi tolku mnogu) ili lekarite se nehumani, ucitelkite nepismeni itn., mozham do utre da nabrojuvam.

    Od kogo begaat Makedoncite ? Od Makedonecot, t.e. od samite sebe, najverojatno !!!
    Motivite za beganje se mnogu povekje od socioloshka priroda, iako ima opshto mislenje deka finansiite se glavna prichina.
     
    Последно уредено: 5 јануари 2019
  14. Almeida

    Almeida мрачна сила

    Член од:
    15 февруари 2015
    Мислења:
    5.701
    Допаѓања:
    11.682
    Бране, шо го смени никот бе?
    Прво помислив некој бот дека ја отворил темата.
     
    На Saladin и Xibalba им се допаѓа ова.
  15. bokser_mk

    bokser_mk Баксуз

    Член од:
    29 јануари 2012
    Мислења:
    1.105
    Допаѓања:
    1.293
    porano nemastaijata sea mi e top i so plata i so se ali tapa mi e tuka mora da s eistrazuvaat novi stvari novi poznanstva a i od politikava preu kur mi e u polsedno vreme toa ne parite nego sranjava vo drzavava
     

Сподели преку: