Хуманитарен концерт во чест на Тоше Проески (05.10.2008)

[Izr0d]

јеееееее закон ке е на концертот ....

 

[viktor_mak]

луѓе ако некој има информации каде може утре да се најдат карти нека пише. итно е.

 

[Jimmy]

Тоше, те сакаме, во живо на СИТЕЛ

За сите кои нема да можат да отидат на хуманитарниот концерт во чест на Тоше, најавен е тв пренос на Сител.
Еве извадок од денешниот број на "Вечер" :
Тоше, те сакаме, во живо на СИТЕЛ

Под слоганот "Те сакаме сите, Тоше", утре со почеток во 19.30 часот на Градскиот стадион, ќе се одржи хуманитарен концерт во чест на мегаѕвездата Тоше Проески. Во спомен на Ангелот ќе пеат Калиопи, Наум Петревски, Адријан Гаџа, "Синтезис", Руслана, хрватските ѕвезди Нина Бадриќ и Тони Цетински, српските Леонтина, Гоца Тржан, Бојан Маровиќ, Жељко Самарџиќ, Тифа, Биља Крстиќ... Освен неговите пријатели и група, ќе учествува и Оркестарот на Македонската опера и балет со диригентот Саша Николовски - Ѓумар.
На концертот ќе биде промовиран и англискиот албум на Тоше, "Најтешкото нешто", а излегувањето на англискиот албум на пазарот е закажан за 25 јануари идната година, кога е роденденот на Тоше. Премиерно на публиката ќе и биде пуштена уште една необјавена песна како најава за албумот. Билетите за концертот се по симболична цена од 200 денари. Водители на настанот, кој има тенденција да прерасне во традиционален, ќе бидат Игор Џамбазов, Тони Михајловски и Ели Танаскова. Телевизијата СИТЕЛ ќе врши директен пренос од концертот од 19.30. до 23.30.
Организатор на мегаконцертот е меѓународната фондација Тоше Проески, а покровител е Владата на Република Македонија - Министерство за култура на Република Македонија.

 

[Clen 7]

значи како што кажав ВИП делот ќе биде пред бината. ВИП ложата нема никаква врска со ВИП делот на концертот од причина што тоа се вика ВИП ложа само затоа што е со ограда одделена од другиот дел од трибината.
значи ВИП делот ќе биде точно пред бината и ќе бидат поставени и столчиња.

Од кај се влага??

 

[Umbra]

Срамота што не ја викнале Антонија Шола. Беше многу заслужна за неговиот пробив во Хрватска, а викнати се некои пеачи кои не биле блиски со Тоше.

 

[bebush]

уште скоро 19 саата до концертот,а јас веке сум нападната од емоциите и секавањата:nesum:

 

[bebush]

ЛЕГЕНДАТА ЖИВЕЕ И ПО ТРАГИЧНАТА СМРТ
Тоше направил магична песна за внукот
Песната што Проески ја напишал за внукот Кристијан, а ќе биде промовирана на утрешниот концерт на Градскиот стадион во Скопје, англискиот продуцент Енди Рајт ја опишува како „магична“

Секогаш кога доаѓал во Крушево, Тоше го земал Кристијан во студиото, да биде крај него додека создава песни
„Мое малечко, длабоко во своето срце знај дека никогаш нема да се разделиме“, се дел од стиховите што Тоше Проески му ги пее на внукот Кристијан, во нивната заедничка тема My Little One. Композицијата, отпеана на англиски јазик, како и дел од видеоспотот за неа, ќе бидат презентирани на утрешниот концерт на Градскиот стадион во Скопје, во чест на трагично загинатата музичка ѕвезда.

Идејата на Тоше била на својот 11-годишен внук да му направи песна, која во почетокот ќе звучи како музика од цртаните филмови, а потоа ќе се развива и ќе прерасне во нумера во поп-рок-стилот што тој го негуваше. Својата музичка замисла му ја соопштил на продуцентот и композитор Енди Рајт, додека престојувале на Јамајка, каде што работеа на дел од песните за англискиот албум. Истовремено му нагласил дека има голема желба да сними дует со својот внук и дека посакува таа да му се оствари што побрзо. По смртта на Тоше, Рајт, откако дознал дека Проески направил дует, побарал да ја слушне темата и да ја доработи до крај.

- Енди се јави кај мене и ми рече дека е лично запознаен со желбата и намерата на Тоше и побара да ја слушне песната. Тоа беше пресудно, по долго размислување, семејството да реши да ја предаде снимката со дует-темата. Лилјана Петровиќ ја однесе снимката во Загреб, во студиото на Петра Црнетиќ за да се доработи, а потоа и во Лондон кај Енди. Тој ги направи комплетниот аранжман, микс и мастеринг на композицијата, токму во студиото каде што Тоше ги снимаше песните за англискиот албум. Не би сакал јас да зборувам за дуетот. Оставам публиката да го даде своето мислење кога ќе ја слушне. Само ќе го цитирам Енди, кој вели: „Песната е магична“ - вели Славен Ристески, зетот на Тоше.

Дует-темата е снимена еден месец пред смртта на Тоше, во неговото студио во Крушево. Таа ќе биде и на англискиот албум на Проески, кој ќе се промовира наскоро.

- Секогаш кога ќе дојдеше во Крушево, Тоше го земаше Кристијан во своето студио, да биде покрај него, додека ги создаваше своите песни. Тој го учеше да свири гитара и да пее не само на македонски, туку и на англиски јазик. Мојот брат беше среќен што Кристијан ја сака музиката и веруваше во неговиот талент - вели Дора, сестрата на мегаѕвездата и мајка на Кристијан.

Желба на Проески била на следниот свој концерт на Градскиот стадион гостин да му биде внукот Кристијан. Тие снимиле уште една дует-тема на англиски јазик, која Тоше комплетно ја направил, во текот на летото кога се одмарал во своето родно Крушево. Песната е во поп-рок-стил, а ќе биде промовирана со спот.

Неможам да дочекам да ја слушнам вечерва:nesum:

 

[Паган-др]

Неможам да дочекам. :nesum:

 

[Вампирката]

јас не успеав да купам карта
ќе има некаде вечер да најдам за на трибина карта зашто цело друштво ми е таму освен јас :nesum:
а навистина ми се иде :nesum:

 

[mile_panikaaa]

Зедов карта за на јужна и баксуз свите другари ми са на партер ќе можем да влезем некако.. или морам на јужна и некој ако сака карта за на јужна а има од партер нека јави.пошо сварно доле сакам нејчем горе.:uvo:

 

[maca_kaka']

ах неможам да дочекам
цел ден само слушам од него песни
денов е посветен на него т.е цел месец
но времево...ај ке се подобри
но и да врне знам дека ке си отидат само оние кои отишле колку да видат како ке биде
а оние кој идат стварно за да му одадат почит и кои стварно го сакаат и да врне да истура ке останат таму:smir:

 

[^Exotic^]

Зедов карта за на јужна и баксуз свите другари ми са на партер ќе можем да влезем некако.. или морам на јужна и некој ако сака карта за на јужна а има од партер нека јави.пошо сварно доле сакам нејчем горе.:uvo:

Јас сакам!
Дај да се смениме

 

[GrouchoMarx]

И да врне и да вее ја идам... Јас мислам дека нема врска тоа што ти пишува на картата(партер,јужна) пошо никој нема да ти рече ти си на јужна што бараш доле??

 

[Срцуфка]

И да врне и да вее ја идам... Јас мислам дека нема врска тоа што ти пишува на картата(партер,јужна) пошо никој нема да ти рече ти си на јужна што бараш доле??

Нема да ти рече ништо внатре, туку на влезот ќе те упати на каде да одиш.

 

[PJØTR VΛИ TRΛJKØVSKЧ]

Ајде спремајте се:......идемеееее :smir: