Casillas (18.04.11 – realmadrid.com):
Copa del Rey е важен трофеј за Real Madrid и не смееме да си го дозволиме луксузот да останеме без него уште една година. Ако го освоиме во среда неговата важност ќе биде уште поголема. За нас е многу важен трофеј, нешто витално. Ниеден играч од овие кои го сочинуваме тимот го нема освоени, ниту јас кој сум овде 11 години.
Сите играчи го делиме истото мислење, дојде моментот да подигнеме многу титули. Сега сме сконцентрирани на оваа, но нема да биде лесно ни најмалку. Натпреварот ќе биде возбудувачки, играат двете најдобри екипи во Шпанија. Може да се случи се, но ние одиме да го играме нашиот фудбал, нашиот натпревари и со илузијата дека а крајот се надевам ќе бидеме ние тие кои ќе ја подигнат титулата.
Мотивацијата секогаш е иста, без разлика против кој ривал играме. Особено е голема мотивацијата кога се игра финале, кое може да ти ја даде првата титула во сезоната.
Во среда ќе мора да одржиме добро нивото, да бидеме сконцентрирани од почеток до крај. Мораме да изиграме сериозно и да бидеме сконцентрирани при секоја акција. Мораме да се бориме како екипа. Никој не ти дава титула туку така.
Очекуваме да нема проблеми на терен и да меѓу сите играчи се зборува само за фудбал. Сакаме чист натпревар, без провокации. Од страна на играчите и фановите на Real Madrid нема да има такви проблеми. На терен покажавме дека сме господа и го почитуваме ривалот. Во ниеден момент не глумевме, ниту се обидовме намерно да му наштетиме на некој противнички играч. Очекуваме луѓето на трибините да го почитуваат секој играч. Натпреварот ќе го следат милиони гледачи и ова е најдобриот начин, фановите од двата тима да се покажат во вистинско светло пред светот. На трибини ќе има и многу деца кои ќе очекуваат добар натпревар од своите идоли. Се надевам дека така и ќе биде и нема да се случи ништо незгодно.
Натпреварот во саботата ни даде плус мотив, тоа се натпревари на кои не смееш да се откажеш во ниеден момент. Тој натпревар ни даде поголем морал и беше добар за нас. На крајот на краиштата се се сведува на тоа топката да влезе во гол. Иако ривалот имаше предност, реагиравме, трчавме, се жртвувавме и тоа е она што нашите фанови го сакаат, никогаш да не се откажеме.
Секое финале се подготвува од моментот кога знаеш дека ќе го играш, знаеш дека тоа е денот Д и знаеш дека ривал ти е Barcelona. Иако знаеме дека сме финалисти веќе три месеци, секогаш мислевме на овој натпревар. Сега е многу блиску, сме сконцентрирани само на него. Ова е финале и уште еден добар натпревар за шпанскиот фудбал. Се надеваме и очекуваме дека ќе биде во наша корист.
Совет за моите соиграчи? ... Да уживаат. Мора да бидат свесни дека зад нас има многу луѓе кои го сакаат и почитуваат Real Madrid, луѓе кои ќе направат големи напори да дојдат во Валенсија и покрај високата цена на влезниците. Мораме да мислиме на тие 18-20 илјади кои ќе бидат на трибини и ќе не поддржуваат. Очекувам да бидат во нешто бело и лесно да ги препознаеме. Мораме да победиме поради нив, поради клубот и поради нас.
Ние, играчите сме добри. Играме финале, а сме многу млада екипа и со самодовербата и безобразноста која ја имаме ќе се обидеме да го направиме најдоброто.
Mourinho е личност – победник и од првиот моменти и даде голема важност на Сopa del Rey. Mourinho е личност за која секој натпревар е важен и тоа ни го внесе во глава уште на првиот ден. За него најважен секогаш е следниот натпревар.
Секако дека поддршката од публиката е фундаментална за нас. Кога ќе излеземе на Mestalla и ќе ја видиме јужната трибина со наши навивачи во бело, со шалови... Благодарни сме им што се со нас, и што доаѓаат со нас на овој натпревар во една празнична недела. Очекувам добар амбиент од нивна страна. Сакам да уживаат, убаво да си поминат и да не поддржуваат. Сакам да го почитуваат ривалот и нивната публика. Ако сме најдобрата екипа во светот, исто така имаме и најдобра публика во светот, наједуцирана. Сакам да знаат дека ние ќе дадеме се на терен без разлика што ќе се случи. Сакаме да бидеме едно, играчите и публиката.
Сум видел многу пресврти на Real Madrid, во времето на Juanito, Butragueño, la Quinta. Оваа екипа секогаш мора да се бори и жртвува. Може да игра добро или лошо, но никогаш не смее да се откаже. Имаме тренер кој го има тој карактер и кој тоа ни го инјектира секојдневно.
Ова е најдобриот натпревар оваа сезона и ако успееме да го добиеме ќе биде лудо, затоа што ја заслужуваме таа титула.
Голем дел од успехот им го должиме на фановите. На терен сме само 11, но надвор се милиони кои не поддржуваат и ќе не однесат кон нешто големо.
како и да е ќе се истрпи неколку месеци :S
но ете...error кога некој друг ќе го употреби
