Најпрво, треба горди да сме на тоа што го покажаа вчера. Цел фудбалски свет очекуваше да бидеме посрамотени од европскиот шампион, а сепак на крај одлучи пенал на 21 годишен играч. За мене бевме за нијанса подобри во 90те минути и штета што не успеавме да победиме. Многу ми се свиѓа фудбалот што го играме, очекувам се повеќе да се уигруваат и да играат со самодоверба. Додајте ги и Рис, Рудигер, Лофтус, Одои, па и Вилиан. Сега само останува добрата игра да ја претвориме во победи и верувам дека ќе бидеме ок сезонава, нема за што да се грижиме.
Кепа беше одличен. Се осмелувам да кажам дека ако продолжи вака, за некоја година можеби освен најскап ќе стане и најдобар голман. Одбраната беше на ниво, Зума мнооогу подобро изигра, а и Кристенсен беше добар. Емерсон ме импресионира се повеќе, само нека продолжи вака. Жоржињо исто беше одличен. Човеков стварно е лидер и ептен ми е мило што сезонава ваљда сите ќе го видат за тоа што е, а не како "играчот на Сари". Ковачич исто повторно добро изигра, во живо ептен добро изгледа кога гледаш колку е отпорен на пресинг. Пулишич супер, има многу талент во него, очекувам со секој натпревар да станува подобар. Штета за голот што му беше поништен. Жиру и Педро исто добри. Тами и Маунт внесоа свежина во играта. Како што пишав и претходно, не може да им се замерува за пропуштени шанси, уште учат, нормално е. И за крај...
Н'ГОЛО ФАКИНГ КАНТЕ
Каков играч... Финалето во ЕЛ го изигра и изгази со повреда која уште го мачи, неколку месеци покасно. Против Јунајтед пак добил некоја ситна повреда и со само 30 минути изиграни до сега, без многу тренинг пружи онаква партија. За мене беше најдобар играч на терен. Еден од најдобрите играчи во светот, привилегија е да се има во тим.
Лампард ја прилагоди малце играта, не излагаа толку високо на пресинг, што не кошташе против Јунајтед. Ептен е рано, ама од се што видовме до сега добивам надеж дека ќе биде успешен во Челзи.
Сега да си се префрлам на моето искуство
Трет пат одам на натпревар и ова дефинитивно беше најдоброто искуство. Завчера неколку саати бевме пред стадион, за да ги пречекаме автобусите кога доаѓаа за тренинг. Собрани на куп фанови на двата тимови, плус турци што дошле онака. Супер помина се, можеше да си направиш муабет со секој. Вчера цел град мислам дека беше фокусиран на фудбалот. Кај и да одиш имаше луѓе со дресови. Во делот што беше за Челзи има многу барови и во секој собрани навивачи. Доста пуштаа Челзи песни, одлична атмосфера. Бев во неколку, запознав секакви навивачи. Од татковци дојдени со синовите, до дедо со една нога во гроб што се вика, што оди на натпревари уште од 1960
Бевме во Бешикташ, па и навивачи на Бешикташ се имаа собрано и си правеа своја забава. Добар момент беше кога дојдоа и почнаа да викаат we love Chelsea, fuck Liverpool
На стадион стигнав порано за да можам да ги видам сите подготовки. Многу побројни навивачи на Ливерпул, како што се очекуваше, иако турците на неутралните трибини повеќе беа фанови на Салах, него на Ливерпул. Можеше да се слушнат само ако он правеше нешто, и во екстра време кога почнаа нешто на турски да си пеат. Навивачите на Ливеепул на другата страна откако испеаа ЈНВА пред натпреварот, не ги слушнав до 50та минута, откако израмнија. Ние бевме околу 1300-1400, и не беа само англичани и по некој како мене, туку имаше доста турци, азијци и што не, затоа што лесно беше со членството да се дојде до карта. Но сепак во прво полувреме не престанавме да навиваме од почеток до крај, не знам колку можело да се слушне на тв. На полувреме морав да испијам литар вода за да се вратам во нормала, па го пропуштив почетокот на второ и првиот гол на Ливерпул. Сите останаа до крај и одлично беше кога целиот тим дојде да не поздрави, на чело со Лампард. Се на се стварно преубаво искуство. Уште не сум прибран, а веќе едвај го чекам следниот пат