Моите очекувања за мандатот на Покетино во Челзи, никогаш не беа долгорочни. Покетино, а некако сметам и дека тоа е идејата на сопствениците, не е доведен за долги стази, туку доведен е да воспостави структура, да стабилизира, индивидуално работи и поправа играчи. Освен ако не се случи некоја магија и освои свеисвашта. Е после тоа, да доведат некој помлад, напаѓачки екстра настроен фенси тренер ала Де Ѕерби. Така јас гледам на работите.
Криво ми е што резултатите не ја рефлектираат реалната состојба и она што Покетино го направи досега. А не е малку за краток период. На сите мечеви кадешто губевме бодови, тврда, бевме подобар противник на терен. Вила, Борнмут, Нотингем, Вест Хем, Ливерпул, Арсенал...
Нема никој да погреши со оваа констатација. Но, сепак, загубивме бодови. Само една победа дома и тоа против Лутон е премалку, без разлика во какви околности се наоѓаш.
Проклетството на тренерската професија е таква, на крајот од денот судбината ти е детерминирана од крајниот резултат. Тоа и самиот Покетино го изјави пред почетокот на сезоната и со пораз од Тотенхем, односно Сити, мислам дека Покетино нема да дочека Божиќ, за жал. Филозофија, игра, време, адаптација, легитимно и исправно, ама денешниот спорт не простува. Челзи особено.
Жал ми е, бидејќи во голема мера резултатите се такви поради несреќни околности и одредени индивидуални несреќни решенија на фудбалерите. Покетино изменаџира победа убедлива со Арсенал, џабе, се појави третиот голман на Брајтон. Му забележувам за некои измени, тајмингот, ин гејм моментот, но вака генерално и не многу.
Челзи и кога губи, не изгледа како тим кој не знае со кого игра, како лани. Изгледа како тим на кој му треба една сезона за да биде сериозен повторно. Што е разбирливо, ако се земе предвид возраста на ростерот и некои други состојби.
Индивидуално надградување (сегмент од менаџирањето на Покетино низ кариерата, по кој е познат) е ептен видливо за овој краток период.
Галагер е далеку подобар, Кукуреља е играчот од Брајтон и тоа на различни позиции и особено Мудрик. Убаво го користеше, не го фрли веднаш во оган и што е најважно - го научи како да биде инволвиран во сите фази од играта. Мудрик игра дефанзива сезонава, се нуди, се отвора. На добар пат е и тоа е единствено поради Покетино.
Повредите и отсуствата не ги коментирам, затоа што навистина не ми е јасно што се случува. Смешно и тажно истовремено. Огромна улога имаат и врз оваа сезона. Покетино можеби нема и да дочекаме да го осудиме, кога ќе има целосно фит состав на располагање. Искрено се надевам дека во иднина нема да купуваат играчи со историја на повреди, а овие што веќе ги имаат, лека полека да ги ослободат.
Единствена крупна забелешка за играта се однесува за нападот и фамозната последна третина. Језиви решенија, језиво е што после четири години не научивме да пробиеме низок блок, а кога ќе го направиме тоа (Кукуреља, Стерлинг, викендов со Брентфорд), не знаеме да
го погодиме голот. Мора посилни комбинаторики, мора разноликост и иновација. Статично додавање по страна и чекање да падне гол од небо, нема ништо да донесе. Поразов од Брентфорд е 100 пати виден досега. Како од буквар. Тоа оди на душа на Покетино, но оди на душа и на напаѓачите. Џексон после повредата е во минус со самодоверба, Стерлинг игра еден на шест натпревари, Мадуеке и Мудрик треба да работат уште повеќе, Мадуеке со посебен акцент. Само, не е виновен Џексон, виновни се тие што не доведоа искусен шпиц за да може Џексон да игра по/покрај него. Сега ќе гасат пожар зимава, доцна.
Средниот ред ми е многу добар, Палмер е мостот помеѓу и искрено, греота е да игра со играчи кои не знаат да смират топка. Какви пасови поделува дечково, технички најписмен играч во екипата, точно гледаш кој го тренирал претходно. Сигурно е рано, но Палмер може да е всушност она што сите го очекувавме од Хаверц.
Каиседо се врати на Каиседо од Брајтон, не се ни сомневав за него, Енцо е добар, но чувствувам некој замор кај него и уште недефинирана позиција. Галагер добар, Леси има добри камеа, да го видиме и Лавија ќе треба. Овде завршија одлична работа.
Одбраната концепциски не е лоша, проблемот е што брејнфартови на голманот и излети ненамерни на Силва, ептен го повредуваат тимов. Со враќањево на Бадиашиле, се надевам дека Силва ќе игра поретко (побавен е, нормално) и поефективно. Да избира Покетино мечеви за него.
Верувам дека за некое време ќе бидеме добри, верувам дека овие играчи поседуваат и знаење и талент. Дали Покетино ќе го искористи, или некој друг, не знам. Перидот е дебело транзициски и мора да се издржи. Ќе има и лоши резултати и помалку/ич титули, сигурно, составен дел од фазата. Да не паѓаме во депресии. Поголеми клубови од Челзи, како Јунајтед и Ливерпул биле/се без титула деценија/децении, пичка му материја, не сме ние исклучок како за тим формиран во 2003, нели.
@Io Sono Interista
