Кол се враќа во "старото јато"
Дилеми, ако воопшто и ги имаше, повеќе нема. Доналд Кол и во следната сезона ќе биде играч на Фени Индустри.
Оваа потврда ја дава и Дивна Пешиќ, клупскиот портпарол на македонскиот освојувач на двојната круна од минатата сезона.
"Не би кажала дека имало какви било дилеми. Повеќе тоа беа преговори со Доналд околу продолжувањето на соработката. Нашиот стручен штаб изрази желба тој да биде со нас и во наредната сезона во која очекуваме доста. Согласно со тоа, постигнат е договор, кој сега е официјализиран"- вели Пешиќ.
Освен потврдата со Кол, според Пешиќ, до крајот на оваа недела е планирано и целосното комплетирање на екипата.
"Добивме потврда дека в сабота ќе дојде и нашето најново засилување, Лоренс Мек Кензи. Освен тоа, Доналд Кол го очекуваме в недела, со што би требало да го затвориме играчкиот состав, односно стручниот штаб да смета на сите расположиви сили за следната сезона"- вели Пешиќ.
Согласно со плановите на стручниот штаб, веднаш по комплетирањето екипата на Фени Индустри ќе се пресели во Маврово.
Иако можеби и "непланирано" со тимот ќе биде и капитенот Горан Самарџиев, кој се повлече од подготовките на нашата сениорска репрезентација.
"По десетина дена работа во Кавадарци, предвидено е екипата да замине во Маврово. Тука ќе биде онаа втора фаза од подготвителниот период во кој екипата треба физички да зајакне, можеби и најважна. Треба да биде основа за надградба, која ќе се прави низ оние контролни натпревари по 'симнувањето' од планина"- дополнува Пешиќ.
Ова лето мак-шампионот не менуваше многу во играчкиот кадар.
Освен Мек Кензи, во Ѓорѓи Чековски "портокаловите" го добија најголемото засилување за наредната сезона.
а не знам за академијата,парите од влезиците одеа за неа така да ке испадни дека неа ке ја финансира фени и другите спознори.:uvo:
