Металург нема да се брани во Софија
Во вечерашниот реванш со Локомотив „металурзите“ почнуваат од нула по ремито без голови во Скопје
Фудбалерите на Металург ги очекува тежок и неизвесен меч вечерва во второто коло од квалификациите за Лигата на Европа со Локомотив во Софија по ремито без голови во првиот натпревар во Скопје. Практично, „металурзите“ почнуваат од нула, бидејќи на арената „Филип Втори“ не успеаја да обезбедат ни минимална предност пред реваншот со квалитетната и цврста екипа од Бугарија. Не блескаа во Скопје, играа далеку под своите можности, иако ветуваа победа барем со еден гол разлика, по можност без примен погодок. Сето тоа остана на ветување и вечерва е можност да го подобрат впечатокот и да го изненадат својот противник.
„Свесни сме дека во Скопје пропуштивме шанса да обезбедиме барем минимална предност. Не примивме гол, но, за жал, не ни постигнавме. Во Софија нашата цел ќе биде речиси иста како во Скопје - да постигнеме гол и да ја сочуваме својата мрежа. Едно е сигурно, нема да се браниме. Не помислуваме на дефанзива бидејќи тоа би било погубно“, беа вели шефот на Стручниот штаб, Жикица Тасевски. „Верувам дека ќе играме многу подобро отколку во Скопје. Сега Локомотив е фаворит, екипа која мора да напаѓа и токму тука ја гледам нашата шанса со контранапади да го совладаме барем еднаш голманот Галев“.
Првиот стрелец на Металург, Баже Илиоски, признава дека во Скопје играле слабо, далеку под своите можности.
„Тоа не беше нашата игра. Речиси сите потфрливме, на чело со мене. Толку сакав да постигнам гол, имав и две шанси, но кога не сака, не сака. Верувам дека во Софија можеме да го изненадиме Локомотив. За нас се' уште ништо не е загубено, без оглед на тоа што во првиот меч беше 0:0. Тоа се' уште е активен резултат и за двете екипи“, резонира Илиоски.
Тренерот Тасевски, како што навести, нема потреба да го менува составот. Веројатно, ќе игра со истиот тим од првиот меч, но нагласи дека пред самиот натпревар ќе реши дали ќе го засили нападот со уште еден играч, бидејќи во Софија мораат да постигнат барем еден гол за да можат да сметаат на успех.
извор:Утрински Весник
!!! Има некое инфо дали ќе има навивачи од Татарија
???
![[ Македоникус ]*](/data/avatars/m/26/26045.jpg?1373015970){kind=avatar}
