Фан Клуб: ФК Металург

[ИДМАК]

Отказ за Илиевски поради Победа

http://www.utrinski.com.mk/?ItemID=CEECB72246A5CE4DB95A9CB5F018A141

Демек Џиџи се појавил како сведок за случајот Победа, а клубот не знаел за тоа па го отпуштиле? Смешки. Поглупа шпекулација немам слушнато. Утрински весник не знам зошто воопшто имаат спортска редакција.

Еве една изјава од Нова Македонија (весник на Минчо Јорданов)

„- Се разделивме со Илиевски поради концепциски разлики. Подобро сега да се разделиме, отколку подоцна. Со оглед на целата состојба во челичарската индустрија, а да не заборавиме дека зад клубот целосно стои компанијата „Макстил“, принудени сме да го менуваме концептот што првобитно го имавме замислено.Нашите амбиции одеа многу подалеку, но во овој момент мислам дека треба да го смениме курсот. Сакаме да бидеме пореални имајќи, ја предвид целокупната ситуација, а за поголеми амбиции би можеле да размислуваме во некои подобри времиња - рече Александар Панов, генералниот директор на „Макстил“.“

Зошто го менуваат курсот (само во фудбалот) е големо прашање. Кризата одамна го има погодено Макстил, ама тоа не го спречи газдата да потроши огромни пари во ракометниот клуб. Исто многу пари има инвестирано и во фудбалскиот клуб. Во ракомет сега за сега нема најава дека ќе го намали буџетот. Напротив, го купија Левов од Тиквеш и бараат уште 2 левораки засилувања за пролет.

Јас мислам дека Минчо не сака да инвестира пари во ваква фудбалска лига. Јас не би инвестирал.
Да дадеш неколку стотини илјади евра во ваков циркуз? Вардар најавува откажување, шампионот го нема, едно коло играш едно си слободен, не се знае дали ќе има претставник од кај нас во Европа, нема стабилна федерација .... зошто да плаќаш скапи фудбалери и скап тренер?

Доколку Џиџи беше сменет заради наводното сведочење во Лозана, тогаш за него ќе се донесе соодветна замена. :smir: за Жикица, но мислам дека не е на нивото на Џиџи.
Пред некој ден имаше потврда од клубот дека подготовките ќе ги реализира во Македонија. Сосема оправдано. Зошто фрлање пари како од времето на Ѓоре? 2-3 недели во Анталија, 2-3 недели на Златибор? За која цел? За 6 службени бодови? За едно коло со Милано, па едно слободен па наредно не се знае дали ќе се игра?
Тоа е прв показател дека буџетот е скратен. Смената на Џиџи е втор показател. Трет и последен показател би било ослободување од обврски на дел од фудбалерите кои имаат скапи договори. Времето ќе покаже што ќе се случи.
Баш би сакал сите овие „ѕвезди“ да си заминат. Нека почне клубот со помлади фудбалери. Мислам дека Жикица и најсоодветен тренер за таа работа. А и скапанава лига е најсоодветен момент да се прави подмладување на екипата.
Не ми се допаѓаше атмосферата на трибини оваа есен. Цело време се слушаат навреди кон Баже Илијоски, Велковски, Гешоски .... итн, а кога ќе дадат гол имаше само некој куртоазен аплауз. Не осетив вистинска радост за ниту еден гол на Металург.

 

[L'Avvocato]

Шут карта за Гешоски и Тадиќ,што според мене е сосема очекувано со оглед на играта што ја прикажаа есенва.Следува трансфер периодот па да видиме кое би било ново име во тимот со оглед на тоа дека Жикица најавува нови играчи на секоја позиција освен на голманската.

 

[L'Avvocato]

Неофицијално најново засилување за екипата на Металург е Тони Брњарчевски од Македонија Ѓорче Петров.

 

[Prof.Dr.Beckett]

Алију нов "железарец"

Металург вчера со едно ново име на двата тренинга. Младинскиот репрезентативен десен бек Бетим Алију е засилувањето за "металурзите" во зимскиот преоден рок. 20-годишниот фудбалер доаѓа од Финска, од тимот на Купс, а потекнува од младинската школа на Слога Ј. Алију беше дел од селекцијата до 21 година во натпреварите од квалификациите за ЕП против Литванија, Англија и Португалија.

Тренерот на Металург, Жикица Тасевски, добро ги познава квалитетите на Алију, со оглед дека беше во селекцијата до 19 години кога Тасевски беше на клупата.

"Алију се приклучи на екипата. Добро ми се познати неговите квалитети затоа што беше со мене во репрезентацијата до 19 години. Станува збор за талентиран и одличен млад фудбалер кој ќе биде од голема корист", истакна Тасевски.

Со тоа Металург почна да го остварува планираното. Истакнуваа дека ќе се засилуваат со млади фудбалери, и почнуваат со тој проект. Во наредните денови Металург ќе биде засилен и со уште неколку играчи, со кои преговорите се пред крај.

 

[L'Avvocato]

Металург го „откачи“ Крсте Велкоски
Напаѓачот Крсте Велкоски во екот на подготовките неочекувано ја заврши соработката со Металург. Тој нема да ги продолжи подготовките со екипата во Охрид, и ќе бара нова средина.

- На два три-пати Велкоски го наруши кодексот на однесување во екипата, по што му соопштив дека завршил со обврските кон Металург. Велкоски го знаеше кодексот на однесување, лично го имаше потпишано, но и покрај моите укажувања си тераше по свое, поради што бев принуден да му се заблагодарам на соработката. Ред и дисциплина мора да има и сите да се придржуваме до тоа, вели Жикица Тасевски за одлуката да се откаже од услугите на Велкоски.

Металург во текот на денешниот ден ќе ги води завршните разговори со Јован Костовски да се врати на домашната сцена. Доколку Костовски постигне договор со раководството во текот на дено веднаш ќе им се приклучи на „металурзите“ на подготовките.

 

[TheOther1]

Мирољубиво реми на “Билјанини“

Екипите на Металург и Силекс ремизираа 1-1 на првиот натпревар на екипите на подоготовките во Охрид. "Зелените" доминираа на теренот има повеќе од играта, креираа повеќе прилики , но на крајот мораа да се задоволат со реми.

Силекс прв стигна до предност откако во финишот на првиот дел по скратениот корнер во мешаницата пред голот на Георгиевски најдобро се снајде Дуриќ погодувајќи за водство.

По одморот Металург го нападна голот на Силекс, а по пет минути игра новакот Костовски ја круниса со погодок комбинацијата на напаѓачите. За Костовски ова беше дебитантски погодок во зелениот дрес.

Наредниот натпревар Металург ќе го игра в недела против Инџија, додека Силекс в петок ќе игра против Напредок.

извор: ohridnews.com

 

[Prof.Dr.Beckett]

ФК Металург 2-0 ФК Инџија стрелци: Тенекеџиев и Џуриќ

 

[Шота Буби]

Металруг со 3-1 го победи Охрид во подготвителниот натпревар кој во тешки услови се одигра на “Билјанини ИЗвори“. “Железарците“ до третата победа во подготвителниот период во Охрид стигнаа со погодоците на Илиоски, Тенекеџиев и Крстев, За “рибарите“ погоди Клечкароски кој го постигна првиот гол по вракањето во белиот дрес.

ohridnews
​

 

[ИДМАК]

Јаки се на контролниве. Ме радува тоа.
Ама вистинското лице треба да го покажат во борба за бодови. Уште на почетокот ќе може да го видиме правото лице. Прво коло во Прилеп против Победа ќе биде најдобар показател. Ако ја рачунаме Победа оваа година како просечен прволигаш за македонски услови, тогаш екипа со амбиции за евро настап треба да доминира во тој меч и да победи.
Мислам дека тој натпревар е идеален за да ни даде најдобра слика колку му е силата на овој Металург.

 

[one1two2]

Што направија на денешната со Локомотива?

 

[visnecrew09PP]

ajde v nedela ke vidime kolku ste se poja4ale
2:1 za pobeda moj tip :baeh:

 

[Prof.Dr.Beckett]

мој тип 3-0 за металург

 

[ИДМАК]

Ѓошевски: Импресионирани сме од „Макстил“

Фудбалерите на македонскиот прволигаш Металург, вчера остварија посета „во траење од еден натпревар“ на фабриката „Макстил“, спонзор на клубот, пракса која веќе одамна “живее“ во повеќето европски клубови.

- Целта на посетата на „Макстил“ беше да се запознаеме со тоа кој ни е спонзор. Ова е нешто што го копираме од клубовите од Европа. И јас во мојата кариера сум одел на вакви посети и многу мои колеги ми раскажале за слични искуства - изјави генералниот секеретар на Металург Никола Ѓошевски.

Тој потенцира дека сите се импресионирани од тоа што го доживеаја за 90-те „жешки“ минути при посетата на еден од погоните на „Макстил“.

- Ние сме спортисти и не сме навикнати на ова, но видов дека на играчите им беше интересно, слушав што коментираа, а поставија и многу прашања. Вакви погони сме гледале на ТВ, но друго е кога на лице место сé ќе се види. Импресионирани сме сите. Видовме само еден мал дел од фабриката, но видовме во рамките на компанијата, кој што работи и како функционира сé. Тоа и беше основната цел - социјализација на сите структури во ФК Металург, да видиме од каде го вадиме лебот и зближување со компанијата - вели генералниот секретар на третопласираниот македонски фудбалски тим.

 

[ИДМАК]

Браво за дечките. 0:1 не звучи убедливо, ама победата не била доведена во прашање во ниту еден момент.
Прикажеле добра игра на резултат и тоа на гостински терен. Есента неколку пати поведуваше Металург па на крај не усеваа да ја сочуваат предноста. Ова е мал напредок во тој поглед.
Викендов сме слободни (да ти ебам лигата) па се надевам на некоја пријателска на Железарница.

 

[superstarpizza]

Браво за дечките. 0:1 не звучи убедливо, ама победата не била доведена во прашање во ниту еден момент.
Прикажеле добра игра на резултат и тоа на гостински терен. Есента неколку пати поведуваше Металург па на крај не усеваа да ја сочуваат предноста. Ова е мал напредок во тој поглед.
Викендов сме слободни (да ти ебам лигата) па се надевам на некоја пријателска на Железарница.

Искрено се изненадив од резултатот, дека е победата на гостински терен, каде обично е голема предност кога е во прашање Македонскиот фудбал, но и со оглед на турболенциите кои ги имавте со сите тие промени, мислев дека ке ви треба време да се прилагодите!