Многу навивачи (нема врска за кој клуб навиваат) менуваат мислења на секои 5 мин. Баш цело време читам на Рома Балкан од зимата кога се интересираше Интер за Стротман како не би требало да се даде. Потоа кога ќе имаше послаба партија се пишуваше како за 25 милиони да се продаде би било топ. Потпиша нов договор, па мислењата беа поделени.
Сега излегуваат шпекулации дека Јувентус се распрашувале кај неговиот агент (агенција од Холандија) за Стротман. Точно е дека има клаузула од 45 милиони. Малку ли се или не никој не знае. Мислењата се повторно поделени. Некои пишуваат дека не е ни бледа сенка од она што беше во Рома пред повредата. Некои пишуваат дека не вреди за тие пари, а некои пишуваат дека 45 милиони се малку пари.
Има мала вистина дека не е ист од пред повредата. Но и тоа како е корисен играч. Статистиката покажува дека Строки лани постигна 6 погодоци и запиша 9 асистенции. Има 27 години и можи да си ја врати формата од пред повредата.
Јас искрено не би сакал да се откажи лесно управата од него. Точно е дека има клаузула, но иако Јувентус е спремен да ја плати во договорот е прецизирано дека зависи од желбата на играчот. Нашиве треба да го убедат да остане во клубот. Искрено се надевам дека нема да го продадат, бидејќи е повеќе од корисен играч. Од друга страна мислам дека самиот Стротман не сака и нема да сака да замине во Јувентус. Значи сѐ се сведува на желбата на клубот да го задржи или да го присили да замине во Торино.
Од натпреварот во Торино против Јувентус.