Не сте во право за Лопетеги, почекајте, втор официјален натпревар му беше на човекот. Сите веќе како да оформија мислење за него дека не го бива од натпреварот со Атлетико, да можеби ги згреши измените, ама не е негова кривица зашто изгубивме од Атлетико туку на одбраната. Баш напротив, ја мислам дека вчера одлично изиграа. Стрпливо се градеа акциите, во еден момент имавме и над 75+% посед што никогаш не се случило за екипа како Реал. Очигледно е дека ќе играме нов стил на игра и за тој нов стил на игра ќе треба играчи кои ќе бидат прикладни за истиот. Јебига, мора да се помириме дека на клубов ќе му се случуваат промени и дека нема да биде истиот Реал во последните 5 сезони.
Е сеа конкретно за натпреварот, и ја мислев дека безглаво ќе го форсира Иско без разлика на тоа како игра, ама мислам дека нема тоа да биде случајот. Вчера човекот си виде дека Иско очајно игра и беше првиот кој беше заменет. Начо оправдано беше пред Варан, се гледа дека Варан уште не е спремен кондициони и физички да биде стартер. Во Себаљос ќе гледа да изгради играч за во иднина, првиве негови партии ме потсеќаат многу на Крос првата сезона во Реал каде што даваше само кратки пасови и често губеше топки. Има многу талент во детево и мислам дека баш под Лопетеги ќе се развие многу. Многу ме радува слободата во играта на Асенсио. Конечно веќе нема да биде заглавен само на крило и единствено нешто што ќе прави ќе му бидат центаршутеви, не, вчера најдобрите моменти од натпреварот ги имаше кога играше позади Бензема. Таму најлесно може да го користи шутот што го има и да проигрува со Бензема.
Единствено нешто што му недостасува на тимов е напаѓач, т.е. напаѓачиште. Дали е тоа Родриго од Валенсија, не знам, мислам дека не е, али како и да е мора да се купи напаѓач. Мене ми се свиѓа како функционира тимов, што е најбитно човеков има своја филозофија и свој начин на игра и ќе треба време да го имплементира тоа во овој Реал, кој 5 сезони по ред научен е на друга игра. Се надевам дека ќе му дадат шанса.
За тие што зборите дека не му давал шанса на Вициниус на сметка на Васкез, да ве потсетам само дека Вициниус е во тимов САМО и САМО поради Лопетеги. Да беше Зидан, немаше ни да го земат од Бразил и ќе го оставеа уште една сезона. Пополека, има време за него.