httpool_src = 'http://ad.httpool.com/js.ng/site=mksport&targetsite=mksport&AdSize=1x1&PagePos=1'; now = new Date(); var ran = "" + now.getTime(); document.write ('');
РЕПРЕЗЕНТАТИВНИОТ ГОЛМАН НЕ УСПЕА ДА СЕ ДОГОВОРИ СО ТОМСК И ТЕРЕК ГРОЗНИ
Пачовски дефинитивно до јуни!!!
*Пропаднаа трансферите на голманот на "романтичарите" во руските клубови па така според зборовите на директорот Дејан Чекаров, Пачовски и дефинитивно до јуни ќе остане во Работнички К
Томе Пачовски (25) и дефинитивно до јуни ќе го брани голот на Работнички К. Според зборовите на директорот на "романтичарите", Дејан Чекаров, репрезентативниот чувар на мрежата, популарниот Пача, ќе остане во таборот на нашиот најдобар клуб и во наредните шест месеци. Од ова произлегува дека Пачовски не успеал да се договори со руските клубови Томск и Терек Грозни иако барем, како што се посочуваше, со првиот имаше речиси с$ завршено. Барем така велеа и луѓето од Работнички К, менаџерите и самиот голман. Кога сме кај останатите клубови кои беа заинтересирани за Пача, да кажеме и тоа дека имаше најави за интерес, имаше и понуди и од белгиски клубови.
"Можам и официјално да потврдам дека Томе Пачовски до јуни ќе биде наш играч. Томск и Терек Грозни беа силно заинтересирани за услугите на нашиот голман, но нема ништо од тоа. Разговаравме со Пачовски по овој најнов развој на настаните и на наше, клупско задоволство заклучивме дека најдобро е до јуни да остане во Работнички К. Ова е огромно засилување за нашиот тим", ни изјави во телефонскиот разговор од Анталија, директорот на Работнички К, Дејан Чекаров.
Со останувањето на Пачовски, кој важи за нашиот најдобар голман во Лигата, повеќе од сигурно е дека најзадоволен ќе биде шефот на стручниот штаб, Драгољуб Беквалац. Тој неколкупати посочуваше дека ако замине Пачовски, клубот ќе мора да пронајде уште еден квалитетен голман. Сега и тој проблем е "затворен". Стручниот штаб на располагање за пролетната полусезона на голманската позиција ќе ги има Томе Пачовски, Љупчо Кметовски и младиот Марко Јовановски, а да потсетиме дека Филип Маџовски во зимскиот преоден рок откако му заврши договорот со Работнички К се пресели во Милано.
Што се однесува, пак, до другите трансфери (Пејчиќ, Неџипи, Вајс) и натаму нема ништо ново. Најголеми шанси да замине има Иван Пејчиќ, кој е под "скенерот" на јужнокорејскиот Сеул. За Неџипи повторно се интересираат клубови од Далечниот Исток (Ј. Кореја, Јапонија, Кина), додека за Вајс неговите менаџери работат на евентуален трансфер во Романија.
З. Ѓоршоски
Баже, Кметовски и Јовановиќ под посебен режим
Љупчо Кметовски и Иван Јовановиќ и натаму тренираат под посебен режим. Под ова, како што велат информациите од Анталија, се мисли дека и двајцата работат со намален интензитет, одвоени од останатите соиграчи. Со нив работи и напаѓачот Баже Илијоски, кој напредува од ден на ден с$ побрзо, дури и многу побрзо од она што сметаат докторите. Прашање на време е кога Баже ќе почне до одигрување контролни натпревари.
Некој нов Велкоски
Некој нов Крсте Велкоски. Така велат сите во експедицијата на Работнички К во Анталија. Младиот напаѓач на "романтичарите" и младински репрезентативец по малите проблеми со самиот себе што ги имаше во ноември и декември сега е в ред. Велкоски тренира напорно, редовно игра на контролните натпревари. На средбата со Бате Борисов и покрај тоа што не постигна гол според кажувањата на раководството на клубот бил еден од најдобрите. Очигледно дека Велкоски заедно со Јанчевски и Илијоски ќе ја сочинуваат убедливо најдобрата напаѓачка тројка во Првата лига.
ПРИЈАТЕЛСКИОТ МЕЧ ВО АНТАЛИЈА НЕ ГО ДОЖИВЕА СВОЈОТ КРАЈ
Ѓунеш направи прекин!!!
РАБОТНИЧКИ К - СЕУЛ 0:1 (прекин во 70 минута)
*Лут поради втор црвен картон славниот турски тренер ја повлече својата екипа
Пријателскиот натпревар вчера во Анталија помеѓу Работнички К и Јужно корејскиот клуб Сеул не го доживеа својот крај. Имено, во 70. минута екс - турскиот селектор Шенол Ѓунеш ја повлекол својата екипа од теренот на Хотелот "Сантаи" поради тоа што неговиот тим добил втор црвен картон од турскиот судија кој ја водел оваа средба. Од експедицијата на нашиот есенскиот првак велат дека во првиот дел нашиот тим бил подобар во поле и имал две големи шанси за гол, но Бобан Јанчевски и Иван Пејчиќ не успале да постигнат гол од идеални шанси. Во тој период од мечот еден фудбалер на Сеул добил црвен картон, а на молба на Ѓунеш, тренерот на Работнички К, Драгољуб Беквалац, место исклучениот во терен влегол друг фудбалер. На полувремето Турчинот како голем авторитет во Анталија извршил притисок врз судиите кои во вториот дел дозволиле да се игра недозволиво грубо од страна на Корејците. Уште повеќе, домашниот судија, кој се солидаризирал со својот сонародник од Сеул, во 65. минута покажал смешен пенал по кој тимот на Шенол Ѓунеш повел. Пет минути подоцна еден корејски фудбалер стартувал грубо врз Божиновски, кој паднал долу на теренот. Притоа Бардо "заработил" и бокс од воинствениот Кореец. Нормално, судијата покажал уште еден црвен картон, а турскиот тренер уште еднаш побарал од клупата на Работнички К да внесе нов фудбалер. Овој пат "романтичарите" изнервирани од некоректниот однос воопшто на целиот тим на Сеул не го дозволиле тоа, а Шенол Ѓунеш во знак на протест ја повлекол екипата во таа 70. минута.
За тимот на Работнички К оваа средба ја почнале Пачовски, Лукман, Ковачевиќ, Станишиќ, Ѓошевски, Демири, Михајловиќ, Неџипи, Пејчиќ, Јанчевски и Масев. Во вториот дел во игра Беквалац ги внел во игра и Лазаравски, Вајс, Божиновски, Глигоров, Аксентиев, Велкоски и Османи.
httpool_src = 'http://ad.httpool.com/js.ng/site=mksport&targetsite=mksport&AdSize=1x1&PagePos=1'; now = new Date(); var ran = "" + now.getTime(); document.write ('');