НА "ТУМБЕ КАФЕ" ГОЛЕМИ ТУРБУЛЕНЦИИ И НЕИЗВЕСНОСТИ ОКОЛУ ТОА КОЈ Е ПРЕТСЕДАТЕЛ НА КЛУБОТ
Во битолскиот ВМРО - ДПМНЕ врие за Пелистер
* Чудно, но вистинито. Луѓе од иста партија која е на власт си ставаат сопки и сакаат превласт во екипата од "Тумбе кафе"
Целе Витаноски оној стариот или Јовко Крстевски овој новиот. Кој е претседател на Пелистер!? Никој не знае па ниту тие во клубот. На хартија и во централниот регистар стои старата гарнитура, а во клубот веќе на позиции "легнаа" луѓе на новиот претседател. Сепак, според државните органи клубот треба да го води Витановски. Двајцата претседатели на Пелистер во неделата биле повикани во полиција. Битолското МВР стравувало од тензии и инциденти пред, за и по мечот Пелистер - Силекс па затоа полицијата место агенција за обезбедување била надлежна за јавниот ред и мир на средбата. И во што е работата. Чудно, но вистинито е тоа што станува збор за битка за превласт меѓу две фракции од иста партија. Нашите извори велат дека деновиве во битолското ВМРО - ДПМНЕ врие за фудбалскиот Пелистер и околу тоа кој да е прв човек. Витановски веќе две години е на оваа функција, додека Крстевски е директор на ЈП "Комуналец".
"Одржаа нелегално собрание и нема шанси да добијат дозвола од централниот регистар. Ако продолжат лажно да се претставуваат во јавноста ќе заработат кривични пријави", е кусиот коментар на Целе Витановски.
Има најави дека во битолскиот централен регистар нема да мине Собранието на кое поддршката ја добил Крстевски. Луѓе од ОК на ВМРО ДПМНЕ правеле притисоци дури и во Скопје, но с$ уште се чека конечната одлука.
"Јас сум за силен Пелистер. Ја чекам одлуката на Централниот регистер. Собранието ми даде поддршка и одлучи дека јас можам повеќе да му помогнам на клубот отколку Витановски. Сакам спорт и фудбал и не сум човек кој е на страната на Хаџи-Ристески или Божиновски", се зборовите на Јовко Крстевски, кој бил назначен за нов претседател, но с$ уште неговиот мандат не добива верификација од државните органи.
Турбуленциите во Пелистер настанаа како одраз на фудбалските бранувања во ФФМ. Витановски јавно застана дека ја поддржува иницијативата за промени, додека другите во клубот беа на страната на Хаџи-Ристески.
Сепак, и покрај големите бранувања екипата имаше добар старт во новата сезона и победи со 1:0 над Силекс. Треба што е можно поскоро да се стави крај на неизвесностите околу тоа кој е кој во клубот од "Тумбе кафе" затоа што во спротивно сето тоа може да се одрази и врз играта и резултатите на клубот.
И. Д. Ивановски
Парите од Литекс не стигнувааат
Во фудбалот важи правилото кој дава пари тој е газда. Но, сепак препукувањата настануваат кога буџетот на клубот се полни од неколку страни. Познато е дека бугарскиот гигант "Литекс" летово се обврза да го финансира клубот од Битола, но не со 100%. Пари ќе дава и градот, други ситни спонзори, но и крупни компании како "РЕК Битола". Парите од Литекс не стигнуваат, а токму сега треба да се најдат преостанатите средства. Во оваа сезона фудбалерите бараат повеќе пари и најавија дека нема да играат само за личен доход како лани.
Затоа Витановски или Крстевски треба да се потрудат да донесат пари. Кој е поголем мангуп и најде повеќе стредства тој нека биде главниот "бос".
Новите имаат човек на Харалампие
Кога се одржа собранието воПелистер, за кое има најави дека е нелегитимно, имаше најави дека луѓе на Хаџи-Ристески почнаа да мешаат прсти во клубот од Битола. И тоа е така. Извесен Миле "Џокер" е наименуван како член на управата доколку Крстевски добие мандат дека е претседател на клубот. Тој Миле Петровски е човекот на Харалампие во Пелистер. И со тоа с$ е кажано. Миле - "Џокер" - Хаџи-Ристески!!!
http://sport.com.mk/?ItemID=171AD4659D3ADD4290006E173AC28D66